ອາບຊັອກໂກແລັດຊ່ວຍບຳລຸງຜິວໄດ້ແທ້ບໍ່ ?

- advert banner 728 90 728x90 - ອາບຊັອກໂກແລັດຊ່ວຍບຳລຸງຜິວໄດ້ແທ້ບໍ່ ?

ມີເຄື່ອງສຳອາງບາງຍີ່ຫໍ້ໄດ້ເອົາຊັອກໂກແລັດມາເປັນຄຣີມນວດໂຕ, ຄຣີມຜັດຜິວ ແລະ ບຳລຸງຜິວ, ແຕ່ກໍເປັນທີ່ຮູ້ກັນດີວ່າ ຊັອກໂກແລັດເປັນສີນຄ້າທີ່ມີລາຄາແພງ ດັ່ງນັ້ນການເອົາມາເປັນຄຣີມບຳລຸງຜິວຄົງຈະຍິ່ງແພງຂຶ້ນຕື່ມ ເພາະຕ້ອງໃຊ້ກັບຜິວທົ່ວໂຕໃນປະລິມານຫລາຍ.

- new3 - ອາບຊັອກໂກແລັດຊ່ວຍບຳລຸງຜິວໄດ້ແທ້ບໍ່ ?

ຊັອກໂກແລັດເຮັດມາຈາກແກ່ນໂກໂກ້ຂອງຕົ້ນໂກໂກ້ ເປັນພືດທີ່ເກີດໃນແຖບອາເມລິກາໃຕ້, ມີອົງປະກອບຫລາຍຊະນິດທີ່ເປັນປະໂຫຍດຕໍ່ສຸຂະພາບຂອງຮ່າງກາຍຈາກການກິນ ເຊັ່ນ : ສານຄາເທຊິນ (CATECHINS) ເປັນສານຕ້ານອະນຸມູນອິດສະລະ, ມີລາຍງານທາງການແພດພົບວ່າສາມາດຫລຸດຄວາມສ່ຽງໃນການເກີດພະຍາດຫົວໃຈ ແລະ ມະເຮັງ.

ສຳລັບຜູ້ທີ່ກິນຊັອກໂກແລັດພົບວ່າມັກຈະມີອາລົມດີຂຶ້ນ ຊ່ວຍຜ່ອນຄາຍຄວາມເຄັ່ງຄຽດ ເນື່ອງຈາກຊັອກໂກແລັດຊ່ວຍກະຕຸ້ນ ການຫລັ່ງຂອງສານເອັນໂດຟິນໃນສະໝອງ ເຮັດໃຫ້ກ້າມຊີ້ນຜ່ອນຄາຍ. ນອກຈາກນີ້, ຍັງມີອົງປະກອບຂອງກາເຟອີນ ຄືກັບໃນແກ່ນກາເຟ. ອົງປະກອບຫລັກໃນຝຸ່ນໂກໂກ້ຈະປະກອບດ້ວຍພາກສ່ວນທີ່ເປັນໄຂມັນຄື ສະເຕຍລິກແອຊິດ 34%, ໂອລິອິກແອຊິດ 34% ແລະ ປາມິຕິກແອຊິດ 25% ທີ່ເຫລືອປະກອບດ້ວຍສານອາຫານຢ່າງລະໜ້ອຍ ດັ່ງນັ້ນຈະພົບວ່າຜູ້ທີ່ກິນຊັອກໂກແລັດຫລາຍໆມັກຈະຕຸ້ຍໄວຍ້ອນມີໄຂມັນຫລາຍ.

ການເອົາຊັອກໂກແລັດມາບຳລຸງຜິວໜັງທົ່ວຮ່າງກາຍ ຫາກຈະໄດ້ປະໂຫຍດແດ່ກໍແມ່ນພາກສ່ວນວິຕາມິນເອີ ແລະໄຂມັນທີ່ຈະຊ່ວຍເຮັດໜ້າເປັນສານໃຫ້ຄວາມມື່ນຊຸ່ມຊື່ນອ່ອນນຸ້ມ, ແຕ່ທັງວິຕາມິນເອີທີ່ມີຢູ່ໜ້ອຍໜຶ່ງ ແລະ ໄຂມັນທີ່ເປັນອົງປະກອບຫລັກໃນຊັອກໂກແລັດກໍສາມາດຫາໄດ້ຈາກອາຫານທົ່ວໆໄປໃນລາຄາທີ່ຖືກກ່ວາ ທັງພືດຊະນິດອື່ນໆ ຫລື ຈາກສານສັງເຄາະ ດັ່ງນັ້ນການເອົາຊັອກໂກແລັດມານວດໂຕ, ຜັດຜິວ ຫລື ບຳລຸງຜິວ ຈຶ່ງເປັນການໃຊ້ສິນຄ້າບໍ່ກຸ້ມຄ່າເງິນ ແລະ ບໍ່ຈຳເປັນ.

- lattana 1 - ອາບຊັອກໂກແລັດຊ່ວຍບຳລຸງຜິວໄດ້ແທ້ບໍ່ ?

ມີນັກວິທະຍາສາດໄດ້ພະຍາຍາມເອົາຊັອກໂກແລັດມາຜ່ານຂະບວນການທາງວິທະຍາສາດເພື່ອສະກັດກິ່ນ ແລະ ສີໃຫ້ໝົດໄປ ແລະ ເອົາສານສະກັດຊັອກໂກແລັດມາເປັນອົງປະກອບໃນເຄື່ອງສຳອາງບຳລຸງຜິວ, ແຕ່ພົບວ່າບໍ່ໄດ້ປະໂຫຍດຫຍັງຫລາຍຕໍ່ຜິວນອກເໜືອຈາກໄຂມັນ ແລະ ນຳ້ມັນທີ່ມີປະໂຫຍດໃນການບຳລຸງຜິວທົ່ວໄປ ເຊັ່ນດຽວກັບນຳ້ມັນຈາກພືດຊະນິດອື່ນໆ ເຊັ່ນ : ນຳ້ມັນດອກຕາເວັນ, ນຳ້ມັນໝາກກອກ, ນຳ້ມັນງາ ເປັນຕົ້ນ ເຊິ່ງນຳ້ມັນຈາກພືດເຫລົ່ານີ້ກໍມີອົງປະກອບຂອງວິຕາມິນເອີພຽງແຕ່ໜ້ອຍດຽວຄືກັນ.

error: Content is protected !!