ອາເຈນຕິນາ ອະນຸມັດກົດໝາຍເກັບພາສີຄົນລວຍ ເພື່ອນຳເງິນມາໃຊ້ຈ່າຍສູ້ໂຄວິດ-19

- aW1hZ2UvMjAyMC0xMi80Yzc1OTdjODYyYjVlYTUyMjBkMmJjOGRjYzViNzFiNy5qcGc - ອາເຈນຕິນາ ອະນຸມັດກົດໝາຍເກັບພາສີຄົນລວຍ ເພື່ອນຳເງິນມາໃຊ້ຈ່າຍສູ້ໂຄວິດ-19
- Untitled design - ອາເຈນຕິນາ ອະນຸມັດກົດໝາຍເກັບພາສີຄົນລວຍ ເພື່ອນຳເງິນມາໃຊ້ຈ່າຍສູ້ໂຄວິດ-19

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ວຸດ​ທິສະພາ​ຂອງ​ອາ​ເຈນ​ຕິ​ນາ​ລົງມະຕິ 42 ຕໍ່ 26 ສຽງ​ເຫັນ​ພ້ອມ​ເກັບ “ພາສີ​ຄົນ​ລວຍ” ​ເຊິ່ງ​ເປັນ​ການ​ເກັບ​ພາສີ​ພຽງ​ເທື່ອ​ດຽວ ​ເພື່ອ​ໃຊ້​ເປັນ​ກອງ​ທຶນ​ໃຫ້​ລັດຖະບານ​ໃນ​ການ​ຕໍ່ສູ້​ກັບ​ໂຄ​ວິດ-19.

ກົດໝາຍ​ນີ້​ມີ​ຜົນ​ບັງຄັບ​ໃຊ້​ກັບ​ຄົນ​ລວຍ​ທົ່ວ​ປະ​ເທດ​ຈຳນວນ 12.000 ຄົນ​ທີ່​ມີ​ຊັບ​ສິນ​ເກືອບ 2,5 ລ້ານ​ໂດ​ລາ​ສະຫະລັດ ​ໂດຍ​ການ​ເກັບ​ພາສີ​ນີ້​ຈະ​ມີ​ປະຊາຊົນ​ຜູ້​ເສຍ​ພາສີ​ທົ່ວ​ປະ​ເທດ​ປະມານ 0,8% ​ໄດ້​ຮັບ​ຜົນ​ກະທົບ ​ໂດຍ​ຜູ້​ເຂົ້າ​ເກນ​ເສຍ​ພາສີ​ສຳລັບ​ຜູ້​ອາ​ໄສ​ພາຍ​ໃນ​ປະ​ເທດ​ຕ້ອງ​ຈ່າຍ​ພາສີ ​ໃນ​ອັດຕາ​ກ້າວໜ້າ​ສູງ​ສຸດ​ເຖິງ 3,5%, ສ່ວນ​ຕ່າງປະ​ເທດ​ຕ້ອງ​ເສຍ​ພາສີ​ໃນ​ອັດຕາ​ກ້າວໜ້າ​ສູງ​ສຸດ​ເຖິງ 5,25%.

ທ່ານ ອັລ​ແບຣ​ໂຕ ​ເຟີ​ນັນ​ເດດ ປະທານາທິບໍດີ​ອາ​ເຈນ​ຕິ​ນາ ຫວັງ​ວ່າ​ມາດ​ຕະການ​ເກັບ​ພາສີ​ຄົນ​ລວຍ​ອາດ​ຊ່ວຍ​ເພີ່ມ​ການຈັດ​ເກັບ​ເງິນ​ພາສີ​ໄດ້​ປະມານ 3,7 ພັນ​ລ້ານ​ໂດ​ລາ​ສະຫະລັດ ທ່າມກາງ​ສະພາບ​ເສດຖະກິດ​ຕົກ​ຕໍ່າ​ຈາກ​ການລະບາດ​ໂຄ​ວິດ-19.

ທັງ​ນີ້ ກອງ​ທຶນ​ຈາກ​ພາສີ​ຄົນ​ລວຍ​ນີ້​ຈະ​ນຳ​ໄປ​ຊ່ວຍ​ບັນ​ເທົາ​ຜົນ​ກະທົບ​ຈາກ​ໂຄ​ວິດ-19 ​ໂດຍ​ແບ່ງ​ເປັນ ສະໜັບສະໜູນ​ການຈັດ​ຫາ​ອຸປະກອນ​ທາງ​ການ​ແພດ 20%, ຊ່ວຍ​ເຫລືອ​ທຸລະ​ກິດ​ຂະໜາດ​ນ້ອຍ ​ແລະ ກາງ 20%, ​ໃຫ້​ທຶນ​ສະໜັບສະໜູນ​ການ​ສຶກສາ​ນັກຮຽນ 20%, ສະໜັບສະໜູນ​ໂຄງການ​ທາງ​ສັງຄົມ 15% ​ແລະ ສະໜັບສະໜູນ​ໂຄງການ​ທຸລະ​ກິດ​ແກັສທຳ​ມະ​ຊາດ 25%.

- Wave100S AD to Website 2020 0 - ອາເຈນຕິນາ ອະນຸມັດກົດໝາຍເກັບພາສີຄົນລວຍ ເພື່ອນຳເງິນມາໃຊ້ຈ່າຍສູ້ໂຄວິດ-19

ສ່ວນ​ມະຫາວິທະຍາ​ໄລ​ຈອນ ຮອບ​ກິ້ນ ລະບຸ​ວ່າ: ປະ​ເທດ​ອາ​ເຈນ​ຕິ​ນາ​ມີ​ປະຊາກອນ​ພຽງ 44 ລ້ານ​ຄົນ, ​ແຕ່​ພົບ​ຜູ້​ຕິດ​ເຊື້ອຫລາຍ​ກວ່າ 1,45 ລ້ານ​ຄົນ ​ແລະ ມີ​ຜູ້​ເສຍ​ຊີວິດ​ຫລາຍ​ກວ່າ 3,9 ພັນ​ຄົນ ນັບ​ແຕ່​ມີ​ການລະບາດ. ຫລ້າ​ສຸດ ອາ​ເຈນ​ຕິ​ນາ​ມີ​ຜູ້​ຕິດ​ເຊື້ອ​ໂຄ​ວິດ-19 ຢູ່​ອັນ​ດັບ 9 ຂອງ​ໂລກ.

ທັງ​ນີ້, ການລະບາດ​ຂອງ​ໂຄ​ວິດ-19 ສົ່ງ​ຜົນ​ກະທົບ​ຕໍ່​ເສດຖະກິດ​ພາຍ​ໃນ​ອາ​ເຈນ​ຕິ​ນາ​ຢ່າງ​ໜັກ ​ເຮັດ​ໃຫ້​ອັດຕາ​ກາ​ນວ່າງ​ງານ ​ແລະ ຄວາມທຸກ​ຍາກ​ພາຍ​ໃນ​ປະ​ເທດ​ທະວີ​ຄວາມ​ຮຸນ​ແຮງ ​ແລະ ຊ້ຳຕື່ມ​ປະ​ເທດ ​ເຊິ່ງຜະ​ເຊີນ​ສະພາບ​ເສດຖະກິດ​ຫລຸດ​ຖອຍ​ມາ​ແຕ່​ປີ 2018.

- WhatsApp Image 2020 05 27 at 5 - ອາເຈນຕິນາ ອະນຸມັດກົດໝາຍເກັບພາສີຄົນລວຍ ເພື່ອນຳເງິນມາໃຊ້ຈ່າຍສູ້ໂຄວິດ-19
- WhatsApp Image 2020 05 27 at 5 - ອາເຈນຕິນາ ອະນຸມັດກົດໝາຍເກັບພາສີຄົນລວຍ ເພື່ອນຳເງິນມາໃຊ້ຈ່າຍສູ້ໂຄວິດ-19
error: Alert: ເນື້ອຫາຂ່າວມີລິຂະສິດ !!