ບໍ່ຍັງເຫຼືອເວລາໃຫ້ ທຣຳ ພິກປີ້ນຜົນການເລືອກຕັ້ງອີກແລ້ວ

- https   d1e00ek4ebabms - ບໍ່ຍັງເຫຼືອເວລາໃຫ້ ທຣຳ ພິກປີ້ນຜົນການເລືອກຕັ້ງອີກແລ້ວ
- Untitled design - ບໍ່ຍັງເຫຼືອເວລາໃຫ້ ທຣຳ ພິກປີ້ນຜົນການເລືອກຕັ້ງອີກແລ້ວ

ວັນທີ 8 ທັນວານີ້, ສຳນັກຂ່າວ AFP ຕີລາຄາຄວາມພະຍາຍາມພິກປີ້ນຜົນຂອງການເລືອກຕັ້ງປະທານາທິບໍດີສະຫະລັດປີ 2020 ວ່າ: ຄວາມພະຍາຍາມຂອງ ທຣຳ ບໍ່ເປັນໄປດ້ວຍຄວາມລາບລື້ນ ແລະ ເວລາກໍໝົດແລ້ວ.

ວັນທີ 14 ທັນວານີ້, ຄະນະຜູ້ເລືອກຕັ້ງຈະປ່ອນບັດຄັດເລືອກເອົາປະທານາທິບໍດີຄົນໃໝ່, ໝາຍຄວາມວ່າຍັງເຫຼືອພຽງ 6 ວັນນັບແຕ່ມື້ນີ້ທີ 8 ເຖິງວັນທີ 14 ທັນວາ 2020 ເພື່ອໃຫ້ສຳລະສະສາງທຸກຢ່າງໃນການເລືອກຕັ້ງທີ່ຍັງຄ້າງຄາໃຫ້ສຳເລັດ.

ຂໍ້ມູນໃໝ່ຫຼ້າສຸດທີ່ສົ່ງຜົນກະທົບຕໍ່ການຮ້ອງຟ້ອງຂອງ ທຣຳ ບໍ່ສາມາດຈະດຳເນີນໄປໄດ້ກໍເນື່ອງຈາກ ທ່ານ Rudy Giuliani ທະນາຍຄວາມຂອງ ທຣຳ ຕິດເຊື້ອໄວຣັດ ໂຄວິດ-19 ແລະ ໄດ້ເຂົ້າໂຮງໝໍປິ່ນປົວ.

ຢ່າງໃດກໍດີ, ທຸກການຮ້ອງຟ້ອງຂອງທ່ານ Giuliani ຕໍ່ສານໃນລັດຕ່າງໆ ລ້ວນແຕ່ຖືກປະຕິເສດທັງໝົດ ແລະ ຫຼ້າສຸດທີ່ການຮ້ອງຟ້ອງບໍ່ສຳເລັດຜົນແມ່ນຢູ່ລັດ ມິຊີແກນ. ບັນດາທະນາຍຄວາມຫຼາຍກວ່າ 1.500 ຄົນທົ່ວສະຫະລັດ ແລະ ລັດຖະມົນຕີກະຊວງຍຸຕິທຳສະຫະລັດ ລ້ວນແຕ່ບອກເປັນສຽງດຽວກັນວ່າ ບໍ່ມີຫຼັກຖານຢັ້ງຢືນວ່າມີການໂກງຄະແນນເລືອກຕັ້ງແຕ່ຢ່າງໃດ.

ການເລືອກຕັ້ງຜ່ານໄປເດືອນກວ່າແລ້ວ ແຕ່ ທຣຳ ກໍຍັງບໍ່ຍອມປະລາໄຊໃຫ້ແກ່ ໄບເດັນ ເພາະເຂົາເຊື່ອວ່າ ມີການໂກງຄະແນນເລືອກຕັ້ງ ແລະ ກ່າວຫາວ່າ ພັກ ດີໂມແຄຣດ ປຸ້ນສະດົມເອົາຕຳແໜ່ງປະທານາທິບໍດີຂອງເຂົາ.

- Wave100S AD to Website 2020 0 - ບໍ່ຍັງເຫຼືອເວລາໃຫ້ ທຣຳ ພິກປີ້ນຜົນການເລືອກຕັ້ງອີກແລ້ວ

ວັນທີ 3 ທັນວານີ້ ທຣຳ ກ່າວວ່າ: “ຂ້ອຍບໍ່ຂັດຂ້ອງຖ້າຫາກແມ່ນຂ້ອຍປະລາໄຊດ້ວຍຄວາມຍຸຕິທຳ ແຕ່ອັນນີ້ ມັນແມ່ນການປຸ້ນການເລືອກຕັ້ງ”

- WhatsApp Image 2020 05 27 at 5 - ບໍ່ຍັງເຫຼືອເວລາໃຫ້ ທຣຳ ພິກປີ້ນຜົນການເລືອກຕັ້ງອີກແລ້ວ
- WhatsApp Image 2020 05 27 at 5 - ບໍ່ຍັງເຫຼືອເວລາໃຫ້ ທຣຳ ພິກປີ້ນຜົນການເລືອກຕັ້ງອີກແລ້ວ
error: Alert: ເນື້ອຫາຂ່າວມີລິຂະສິດ !!