ວິທີສ້າງການຍອມຮັບໃນບ່ອນເຮັດວຽກ

- advert banner 728 90 728x90 - ວິທີສ້າງການຍອມຮັບໃນບ່ອນເຮັດວຽກ
  1. ສ້າງແຮງບັນດານໃຈໃນການເຮັດວຽກ : ຈາກຄົນເກົ່າທີ່ເຄີຍຫ່ຽວແຫ້ງ, ໂສກເສົ້າເຊື່ອງຊຶງ ໃຫ້ປັບປ່ຽນເປັນຄົນໃໝ່ທີ່ຫົວ ໃຈເບີກບານ, ສົດຊື່ນ, ຫ້າວຫັນ ໂດຍການສືບລົມຫາຍໃຈເລິກໆ ແລ້ວຈ້ອງເບິ່ງພາບແຫ່ງຄວາມສຳເລັດ ຄືຄວາມຝັນທີ່ຍົກລະດັບ ຄຸນນະພາບຊີວິດຂອງຕົນເອງ ບໍ່ວ່າຈະເປັນເຮືອນຫລັງງາມ, ລົດທີ່ຢາກຂັບ, ຄອບຄົວທີ່ມີຊີວິດທີ່ດີຂຶ້ນ.
  2. ປັບບຸກຄະລິກກະພາບໂຕເອງ ​: ເພື່ອສ້າງພາບລັກທີ່ດີໃຫ້ໂຕເອງ ທັງຍັງເຮັດໃຫ້ບໍລິສັດຂອງເຮົາເບິ່ງໜ້າເຊື່ອຖືໄປນຳ ໂດຍ ການສ້າງຄວາມສົດໃສ ບໍ່ວ່າຈະແມ່ນຊົງຜົມໃໝ່ທີ່ເຮັດໃຫ້ບຸກຄະລິກປ່ຽນໄປ, ປ່ຽນລິບສະຕິກສີໃໝ່ໃຫ້ເຂົ້າກັບຮອຍຍິ້ມທີ່ເບັ່ງບານກ່ວາປີເກົ່າ ລວມໄປເຖິງເຄື່ອງນຸ່ງຊຸດເຮັດວຽກ ແລ້ວປ່ຽນຈາກຊຸດເກົ່າຊຳ້ໆ ປ່ຽນເປັນຊຸດໃໝ່ທີ່ເຮັດໃຫ້ເພື່ອນຮ່ວມວຽກຕ້ອງຮູ້ສຶກເຖິງການປ່ຽນແປງ.
  3. ສ້າງແຮງຈູງໃຈໃນການເຮັດວຽກ : ໂດຍການປ່ຽນບັນຍາກາດໃໝ່ໆ ຈັດສະຖານທີ່ພາຍໃນຫ້ອງເຮັດວຽກໃໝ່, ເພີ່ມສິ່ງຂອງໃໝ່ໆເທິງໂຕະເຮັດວຽກຈັກອັນ ພຽງເທົ່ານີ້ກໍຈະຊ່ວຍກະຕຸ້ນໃຫ້ເກີດຄວາມຄິດສ້າງສັນໃນການເຮັດວຽກ ຊ່ວຍຫລຸດຄວາມເບື່ອໜ່າຍ ແລະ ຊຳ້ຊາກຈຳເຈໃນເວລາເຮັດວຽກ.
  4. ເປີດໃຈໂດຍການເຂົ້າຫາຄົນອື່ນກ່ອນ : ອາດຈະເປັນການຊວນຄົນໃນຫ້ອງການທີ່ບໍ່ລື້ງເຄີຍລົມກັນ, ເຂົ້າຮ່ວມກຸ່ມກິນເຂົ້າ ສວາຍ ຫລື ປ່ຽນກຸ່ມໄປກິນເຂົ້າກັນແດ່ ເພື່ອສ້າງສຳພັນທະໄມຕີ ທັງວິທີນີ້ຍັງເຮັດໃຫ້ທ່ານມີພັກພວກເພີ່ມຂຶ້ນນຳອີກ.
  5. ຮູ້ຈັກນິໄສໃຈຄໍຂອງຫົວໜ້າ : ໂດຍສະເພາະໃນເລື່ອງຂອງຮູບແບບໃນການເຮັດວຽກ ອາດຈະເປັນການສົ່ງອີເມວຫາຫົວໜ້າທຸກແລງຫລັງເລີກວຽກ ເພື່ອລາຍງານກ່ຽວກັບສິ່ງທີ່ໄດ້ຮັບມອບໝາຍໄວ້ ຫລື ເປັນອາສາສະໝັກຊ່ວຍໃນເລື່ອງສ່ວນໂຕແດ່ ເຊັ່ນ : ໝັ່ນເຕືອນເມື່ອໃກ້ຈະເຖິງເວລາປະຊຸມ ຫລື ພົກນາມບັດຕິດໂຕໄວ້ເວລາທີ່ທ່ານຕ້ອງປ່ຽນນາມບັດກັບໃຜກໍເປັນພາບທີ່ສ້າງຄວາມໜ້າປະທັບໃຈໄດ້ເຊັ່ນກັນ.
  6. ເບິ່ງເຫັນອຸປະສັກໃນການເຮັດວຽກ : ເປັນເກມທີ່ມ່ວນ ແລະ ທ້າທາຍ ໂດຍການບໍ່ຢ້ານວ່າຫົວໜ້າຈະມອບໝາຍວຽກທີ່ຍາກໆມາໃຫ້ເຮົາເຮັດ ທ່ອງໃຫ້ຂຶ້ນໃຈວ່າ : ເອົາມາເລີຍ ເອົາມາຫລາຍໆ ຂ້ອຍພ້ອມສະເໝີ ຂ້ອຍສູ້ຢູ່ແລ້ວ. ພຽງເທົ່ານີ້ຫົວໃຈຂອງທ່ານກໍຈະຫ້າວຫັນເບິ່ງເຫັນພາລະວຽກໜັກເຫລົ່ານັ້ນເປັນພຽງແຕ່ເສດດິນນ້ອຍໆທີ່ບໍ່ໜ້າຢ້ານຫຍັງເລີຍ.

ເຕັກນິກທີ່ກ່າວມາຂ້າງເທິງຈະຊ່ວຍໃຫ້ທ່ານເປັນທີ່ຍອມຮັບຂອງຫົວໜ້າ ແລະ ເພື່ອນຮ່ວມງານໄດ້.

- 1 1 - ວິທີສ້າງການຍອມຮັບໃນບ່ອນເຮັດວຽກ
- Tiger Head 728x90 - ວິທີສ້າງການຍອມຮັບໃນບ່ອນເຮັດວຽກ
error: Content is protected !!