ຄະນະສະເພາະກິດຫລວງນ້ຳທາ ເລັ່ງຊອກຫາຜູ້ສຳຜັດກັບຜູ້ຕິດເຊື້ອຄົນຈີນ 2 ຄົນ ທີ່ຜ່ານເຂົ້າມາລາວເມື່ອອາທິດຜ່ານມາ

- 0212 - ຄະນະສະເພາະກິດຫລວງນ້ຳທາ ເລັ່ງຊອກຫາຜູ້ສຳຜັດກັບຜູ້ຕິດເຊື້ອຄົນຈີນ 2 ຄົນ ທີ່ຜ່ານເຂົ້າມາລາວເມື່ອອາທິດຜ່ານມາ
- Untitled design - ຄະນະສະເພາະກິດຫລວງນ້ຳທາ ເລັ່ງຊອກຫາຜູ້ສຳຜັດກັບຜູ້ຕິດເຊື້ອຄົນຈີນ 2 ຄົນ ທີ່ຜ່ານເຂົ້າມາລາວເມື່ອອາທິດຜ່ານມາ

ແຫລ່ງຂ່າວແຂວງຫລວງນໍ້າທາ ໃຫ້ຮູ້ວ່າ: ປັດຈຸບັນ ຫນ່ວຍງານສູນວິເຄາະ ແລະ ລະບາດວິທະຍາ ຮ່ວມກັບ ວິຊາການອົງການອະນາໄມໂລກ  ແລະ ຄະນະສະເພາະກິດ ເພື່ອປ້ອງກັນການລະບາດພະຍາດໂຄວິດ-19 ຂັ້ນແຂວງ ໄດ້ເລັ່ງຊອກຄົ້ນຫາກໍລະນີຜູ້ທີ່ໄດ້ສໍາຜັດກັບຄົນຈີນ 2 ຄົນ ທີ່ຕິດເຊື້ອພະຍາດໂຄວິດ-19 ໄດ້ເດີນທາງຜ່ານແຂວງຫລວງນໍ້າທາ ເມື່ອອາທິດຜ່ານມານີ້ ແລະ ໄດ້ສົ່ງທີມງານລົງເກັບກໍາຂໍ້ມູນຢູ່ເຂດພິເສດບໍ່ເຕັນ ໂດຍສະເພາະແມ່ນ 5 ຄົນທີ່ເປັນເປົ້າໝາຍທີ່ໄດ້ສໍາຜັດກັບຜູ້ຕິດເຊື້ອດັ່ງກ່າວ.

- 0211 300x203 - ຄະນະສະເພາະກິດຫລວງນ້ຳທາ ເລັ່ງຊອກຫາຜູ້ສຳຜັດກັບຜູ້ຕິດເຊື້ອຄົນຈີນ 2 ຄົນ ທີ່ຜ່ານເຂົ້າມາລາວເມື່ອອາທິດຜ່ານມາ

ທ່ານ ດຣ. ຄໍາມອນ ດວງພະຈັນ ກອງເລຂາຄະນະສະເພາະກິດຂັ້ນແຂວງ ແຈ້ງໃຫ້ຮູ້ໃນວັນທີ 7 ທັນວານີ້ວ່າ: ຕາມການລາຍງານຂອງເຈົ້າໜ້າທີ່ດ່ານສາກົນບໍ່ເຕ່ນ ແລະ ບໍ່ຫ່ານກ່ຽວກັບກໍລະນີນີ້,  ກອງເລຂາຄະນະສະເພາະກິດ ໄດ້ປະຊຸມດ່ວນ ແລະ ໄດ້ແຕ່ງຕັ້ງທີມງານສອບສວນ ແລະ ພະນັກງານວິເຄາະ ລົງເກັບກຳຂໍ້ມູນ, ສົມທົບກັບການຈັດຕັ້ງບ້ານ ແລະ ຜູ້ຂັບລົດຕູ້ຂົນສົ່ງສາຍບໍ່ແກ້ວ-ບໍ່ເຕ່ນ, ມາຮອດວັນທີ 5 ທັນວາ ໄດ້ເກັບຕົວຢ່າງຢູ່ໂຮງແຮມຜູ້ຕິດເຊື້ອເຂົ້າພັກຈໍານວນ 45 ຕົວຢ່າງ ເພື່ອສົ່ງກວດຢັ້ງຢືນ, ວັນທີ 6 ທັນວາ ລົງເກັບກໍາຂໍ້ມູນໃນ 2 ບ້ານ ແລະ 5 ຄອບຄົວຜູ້ສໍາຜັດ, ມີ 15 ຕົວຢ່າງ ຍັງບໍ່ທັນໄດ້ຜົນກວດ ແລະ ວັນທີ 7 ທັນວາ ທີມງານສູນວິເຄາະ ແລະ ລະບາດວິທະຍາ ຮ່ວມກັບວິຊາການອົງການອະນາໄມໂລກ ໄດ້ສົມທົບກັບພະແນກສາທາລະນະສຸກແຂວງ ເພື່ອວາງມາດຕະການ ແລະ ຊອກຄົ້ນຫາກໍລະນີຜູ້ທີ່ໄດ້ສຳຜັດກັບຜູ້ຕິດເຊື້ອດັ່ງກ່າວມີ 5 ຄົນ ແລະ ລົງເກັບກໍາຂໍ້ມູນຢູ່ເຂດພິເສດບໍ່ເຕ່ນຕື່ມອີກ. ພ້ອມໄດ້ມອບໃຫ້ກອງເລຂາ ກໍຄືພະແນກສາທາລະນະສຸກແຂວງ ປະສານຫາແຂວງອ້ອມຂ້າງໃນການມາຮັບເອົາແຮງງານທີ່ຜ່ານເຂົ້າມາແຂວງຫລວງນໍ້າທາ, ພ້ອມທັງຮັບຜິດຊອບຄ່າໃຊ້ຈ່າຍທັງໝົດ ແລະ ເຫັນດີໃຫ້ບໍລິສັດພັດທະນາເຂດເສດຖະກິດສະເພາະບໍ່ເຕ່ນແດນງາມ ສ້າງສູນກັກກັນ 14 ວັນ ຂອງແຮງງານທີ່ມາຈາກຕ່າງປະເທດ, ສະເໜີເອົາໂຮງແຮມຈິງລານ ແລະ ໂຮງແຮມຮ່ວງຈິງບໍ່ເຕ່ນເປັນສູນກັກກັນສຳລັບແຮງງານທີ່ເຂົ້າມາເຮັດວຽກຢູ່ໃນເຂດເສດຖະກິດພິເສດບໍ່ເຕ່ນ ເພື່ອເປັນການປ້ອງກັນ, ຄວບຄຸມ, ສະກັດກັ້ນການລະບາດຂອງພະຍາດດັ່ງກ່າວ, ໃຫ້ປິດໂຮງຮຽນໃນຂອບເຂດ 3 ບ້ານຄື: ບ້ານບໍ່ເຕ່ນ, ບ້ານນາເຕີຍ ແລະ ບ້ານບໍ່ປຽດເປັນການຊົ່ວຄາວ, ໃຫ້ຢຸດຕິການສັນຈອນ ແລະ ການເຄື່ອນໄຫວໄປ-ມາໃນເວລາກາງຄືນ ເລີ່ມແຕ່ເວລາ 22:30 ໂມງເປັນຕົ້ນໄປ ຍົກເວັ້ນໃນກໍລະນີຈໍາເປັນເຊັ່ນ: ລົດຮັບ-ສົ່ງຄົນເຈັບ ຫລື ລົດທີ່ໄປວຽກທາງການ ແລະ ໃນຕໍ່ຫນ້າອາດຈະສຶກສາການຕັ້ງຫ້ອງວິເຄາະຮ່ວມກັບໂຮງໝໍຟູຢູທ້າງຈໍາກັດຜູ້ດຽວຕື່ມອີກ.

- Wave100S AD to Website 2020 0 - ຄະນະສະເພາະກິດຫລວງນ້ຳທາ ເລັ່ງຊອກຫາຜູ້ສຳຜັດກັບຜູ້ຕິດເຊື້ອຄົນຈີນ 2 ຄົນ ທີ່ຜ່ານເຂົ້າມາລາວເມື່ອອາທິດຜ່ານມາ
- WhatsApp Image 2020 05 27 at 5 - ຄະນະສະເພາະກິດຫລວງນ້ຳທາ ເລັ່ງຊອກຫາຜູ້ສຳຜັດກັບຜູ້ຕິດເຊື້ອຄົນຈີນ 2 ຄົນ ທີ່ຜ່ານເຂົ້າມາລາວເມື່ອອາທິດຜ່ານມາ
- WhatsApp Image 2020 05 27 at 5 - ຄະນະສະເພາະກິດຫລວງນ້ຳທາ ເລັ່ງຊອກຫາຜູ້ສຳຜັດກັບຜູ້ຕິດເຊື້ອຄົນຈີນ 2 ຄົນ ທີ່ຜ່ານເຂົ້າມາລາວເມື່ອອາທິດຜ່ານມາ
error: Alert: ເນື້ອຫາຂ່າວມີລິຂະສິດ !!