ການຮ່ວມມືເຂດສາມຫລ່ຽມພັດທະນາ CLV ໄດ້ເຕີບໃຫຍ່ຂະຫຍາຍຕົວ

- XAY 0369 scaled - ການຮ່ວມມືເຂດສາມຫລ່ຽມພັດທະນາ CLV  ໄດ້ເຕີບໃຫຍ່ຂະຫຍາຍຕົວ
- Untitled design - ການຮ່ວມມືເຂດສາມຫລ່ຽມພັດທະນາ CLV  ໄດ້ເຕີບໃຫຍ່ຂະຫຍາຍຕົວ

ກອງປະຊຸມສຸດຍອດເຂດສາມຫລ່ຽມພັດທະນາ ກໍາປູເຈຍ-ລາວ-ຫວຽດນາມ (CLV) ຄັ້ງທີ 11 ແບບທາງໄກ ໄດ້ຈັດຂຶ້ນໃນວັນທີ 9 ທັນວານີ້ ທີ່ນະຄອນຫລວງວຽງຈັນ, ໂດຍການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ຊຶ່ງມີທ່ານນາຍົກລັດຖະມົນຕີ ແຫ່ງຣາຊະອານາຈັກກໍາປູເຈຍ ແລະ ສາທາລະນະລັັດ ສັງຄົມນິຍົມ ຫວຽດນາມ, ພ້ອມດ້ວຍຄະນະຜູ້ແທນຈາກສາມປະເທດສະມາຊິກເຂົ້າຮ່ວມຢ່າງພ້ອມພຽງ.

- XAY 0376 300x200 - ການຮ່ວມມືເຂດສາມຫລ່ຽມພັດທະນາ CLV  ໄດ້ເຕີບໃຫຍ່ຂະຫຍາຍຕົວ

ກອງປະຊຸມໄດ້ທົບທວນຄືນໝາກຜົນການຮ່ວມມືໃນໄລຍະຜ່ານມາ ໂດຍສະເພາະການຈັດຕັ້ງປະຕິບັດຖະແຫລງການຮ່ວມຂອງກອງປະຊຸມສຸດຍອດ CLV ຄັ້ງທີ 10 ຜ່ານມາ ແລະ ແຜນພັດທະນາເສດຖະກິດ-ສັງຄົມສໍາລັບເຂດສາມຫລ່ຽມພັດທະນາ, ແຜນປະຕິບັດງານການເຊື່ອມຈອດເສດຖະກິດ CLV ຮອດປີ 2030 ແລະ ສັນຍາວ່າດ້ວຍການສົ່ງເສີມ ແລະ ອໍານວຍຄວາມສະດວກທາງດ້ານການຄ້າ ສໍາລັບເຂດດັ່ງກ່າວ. ກອງປະຊຸມໄດ້ຕີລາຄາວ່າ:  ການຮ່ວມມືເຂດສາມຫລ່ຽມພັດທະນາ CLV ນັບມື້ໄດ້ເຕີບໃຫຍ່ຂະຫຍາຍຕົວ ບົນພື້ນຖານສາຍພົວພັນມິດຕະພາບ, ຄວາມສາມັກຄີ, ເພື່ອນບ້ານໃກ້ຄຽງທີ່ດີ, ມີຄວາມເຂົ້າອົກເຂົ້າໃຈກັນ, ມີຄວາມໄວ້ເນື້ອເຊື່ອໃຈກັນ ແລະ ໄດ້ເສີມຂະຫຽາຍການຮ່ວມມືຮອບດ້ານທີ່ມີມາຍາວນານ ລະຫວ່າງປະເທດສະມາຊິກດ້ວຍກັນ ອັນໄດ້ປະກອບສ່ວນສໍາຄັນເຂົ້າໃນການສົ່ງເສີມການພັດທະນາເສດຖະກິດ-ສັງຄົມ, ຫລຸດຜ່ອນຄວາມທຸກຍາກຂອງປະຊາຊົນ ແລະ ສົ່ງເສີມການເຊື່ອມຈອດກັບພາກພື້ນ, ສົ່ງເສີມການໄປມາຫາສູ່ກັນ ລະຫວ່າງພາກລັດຖະສະພາ, ລັດຖະບານ ແລະ ພາກເອກະຊົນນັບແຕ່ຂັ້ນສູນກາງລົງຮອດທ້ອງຖິ່ນຂອງ 3 ປະເທດໄດ້ຢ່າງກວ້າງຂວາງຄື: ຄົມມະນາຄົມຂົນສົ່ງ, ໂທລະຄົມມະນາຄົມ, ພະລັງງານ, ການຄ້າ, ການລົງທຶນ, ອຸດສາຫະກໍາ, ການເງິນ-ທະນາຄານ, ກະສິກໍາ, ການທ່ອງທ່ຽວ, ສາທາລະນະສຸກ, ວັດທະນະທໍາ, ແຮງງານ, ສຶກສາທິການ, ສິ່ງແວດລ້ອມ, ວິທະຍາສາດ ແລະ ເຕັກໂນໂລຊີ.

- XAY 0398 300x200 - ການຮ່ວມມືເຂດສາມຫລ່ຽມພັດທະນາ CLV  ໄດ້ເຕີບໃຫຍ່ຂະຫຍາຍຕົວ

- Wave100S AD to Website 2020 0 - ການຮ່ວມມືເຂດສາມຫລ່ຽມພັດທະນາ CLV  ໄດ້ເຕີບໃຫຍ່ຂະຫຍາຍຕົວ

ກອງປະຊຸມກໍໄດ້ຮັບຮອງເອົາຖະແຫລງການຮ່ວມ ເພື່ອເປັນເອກະສານພື້ນຖານໃຫ້ແກ່ການສ້າງແຜນພັດທະນາເສດຖະກິດ-ສັງຄົມສໍາລັບເຂດສາມຫລ່ຽມພັດທະນາ CLV ຮອດປີ 2030 ເຊັ່ນ: ການທ່ອງທ່ຽວ, ອຸດສາຫະກໍາຢາງພາລາໃນເຂດສາມຫລ່ຽມພັດທະນາໃຫ້ມີຄວາມຍືນຍົງ ແລະ ປະກອບສ່ວນເຂົ້າໃນການຍົກສູງຊີວິດການເປັນຢູ່ຂອງປະຊາຊົນ ແລະ ນໍາຜົນປະໂຫຍດຕົວຈິງມາສູ່ເຂດດັ່ງກ່າວ.

ກອງປະຊຸມສຸດຍອດດັ່ງກ່າວນີ້ຄັ້ງຕໍ່ໄປຈະຈັດຂຶ້ນໃນປີ 2022 ພາຍໃຕ້ການເປັນປະທານຂອງ ຣາຊະອານາຈັກກຳປູເຈຍ.

- WhatsApp Image 2020 05 27 at 5 - ການຮ່ວມມືເຂດສາມຫລ່ຽມພັດທະນາ CLV  ໄດ້ເຕີບໃຫຍ່ຂະຫຍາຍຕົວ
- WhatsApp Image 2020 05 27 at 5 - ການຮ່ວມມືເຂດສາມຫລ່ຽມພັດທະນາ CLV  ໄດ້ເຕີບໃຫຍ່ຂະຫຍາຍຕົວ
error: Alert: ເນື້ອຫາຂ່າວມີລິຂະສິດ !!