ແຂວງບໍ່ແກ້ວວາງມາດຕະການສະກັດກັ້ນພະຍາດໂຄວິດ-19 ພາຍຫລັງມີຜູ້ຕິດເຊື້ອຊາວຈີນ 2 ຄົນມາຜ່ານ

- 129872440 3596291720464062 5416115160310444831 n - ແຂວງບໍ່ແກ້ວວາງມາດຕະການສະກັດກັ້ນພະຍາດໂຄວິດ-19 ພາຍຫລັງມີຜູ້ຕິດເຊື້ອຊາວຈີນ 2 ຄົນມາຜ່ານ
- Untitled design - ແຂວງບໍ່ແກ້ວວາງມາດຕະການສະກັດກັ້ນພະຍາດໂຄວິດ-19 ພາຍຫລັງມີຜູ້ຕິດເຊື້ອຊາວຈີນ 2 ຄົນມາຜ່ານ

​ໃນ​ວັນ​ທີ 7 ທັນວາ​ນີ້, ​ແຂວງ​ບໍ່​​ແກ້ວ​ໄດ້​ຮີບ​ຮ້ອນ​ຈັດ​ກອງ​ປະຊຸມ​ປຶກສາ​ຫາລື ​ແລະ ວາງ​ມາດ​ຕະການ​ປ້ອງ​ກັນ​ພະຍາດ​ໂຄ​ວິດ-19 ​ໃຫ້​ເຂັ້ມງວດ, ພາຍຫລັງ​ມີ​ຜູ້​ຕິດ​ເຊື້ອທີ່​ເປັນ​ຊາວ​ຈີນ 2 ຄົນ​ເຂົ້າມາ​ຜ່ານ ​ໂດຍ​ໄດ້​ຕົກລົງ​ດັ່ງ​ນີ້:

  1. ​ໃຫ້​ເມືອງ​ເອົາ​ໃຈ​ໃສ່​ລົງ​ຊີ້​ນຳ​ບັນດາ​ບ້ານ​ລຽບ​ຕາມ​ຊາຍ​ແດນ ຮຽກຮ້ອງ​ຜູ້​ທີ່​ມີ​ເຮືອ ​ແລ້ວ​ສືບ​ຖາມ​ຂໍ້​ມູນ​ວ່າ​ໄລຍະ​ວັນ​ທີ 24 ພະຈິກ​ເປັນຕົ້ນມາ ມີ​ການ​ເຄື່ອນ​ໄຫວ​ໄປ​ໃສ​ແດ່ ​ແລະ ​ເຫັນ​ວ່າ​ມີ​ເຫດການ​ແນວ​ໃດ, ​ໃຫ້​ກວດຄົ້ນຫາ​ຂໍ້​ມູນ​ຢູ່​ບັນດາ​ເຮືອນ​ພັກ​ເຂດ​ບ້ານ​ພຽງ​ງາມ, ສີ​ບຸນ​ເຮືອງ ​ແລະ ມີ​ສະຕິ​ໃນ​ການ​ປະຕິບັດ​ມາດ​ຕະການ​ປິດ​ເມືອງ​ຊົ່ວຄາວ ​ໄລຍະ​ນີ້​ໃຫ້​ຢູ່​ເຮືອນ​ຢູ່​ບ້ານ​ຍິ່ງ​ເປັນ​ການ​ດີ ​ຍ້ອນ​ມີ​ຄວາມ​ສ່ຽງ​ຫລາຍ​ໃນ​ການ​ຕິດ​ເຊື້ອ.
  2. ​ໃຫ້​ປິດ​ການ​ເຂົ້າ-ອອກ​ເມືອງ​ຕົ້ນ​ເຜິ້ງຢ່າງ​ເຂັ້ມງວດ ຍົກ​ເວັ້ນການ​ເຈັບ​ເປັນ ຕະຫລອດ​ຮອດ​ພະນັກງານ, ທະຫານ, ຕຳຫລວດ ຜູ້​ທີ່​ເດີນທາງ​ໄປ​ເຮັດ​ວຽກ​ຢູ່​ເມືອງ​ຕົ້ນ​ເຜິ້ງ, ​ເຂດ​ເສດຖະກິດ​ສາມຫລ່ຽມ​ຄຳ ຫລື ​ເດີນທາງ​ມາ​ເຮັດ​ວຽກ​ຢູ່​ແຂວງ​ກໍ​ບໍ່​ອະນຸຍາດ​ໃຫ້​ເຂົ້າ-ອອກ​ໄດ້ (ໝາຍວ່າ: ​ເຮັດ​ວຽກ​ຢູ່​ໃສກໍ​ໃຫ້​ປະຈຳ​ຢູ່​ບ່ອນ​ນັ້ນ ຫລີກ​ລ່ຽງບໍ່​ໃຫ້​ທຽວ​ໄປ-ມາ).
  • ການ​ຂົນ​ສົ່ງ​ສິນຄ້າ​ເຂົ້າ​ໄປ​ດ່ານ​ສາກົນ​ບ້ານ​ມອມ​ກໍ​ບໍ່​ອະນຸຍາດ​ໃຫ້​ນຳ​ເຂົ້າຕື່ມ​ອີກ, ສ່ວນ​ລົດ​ຂົນ​ສົ່ງ​ທີ່​ຕົກ​ຄ້າງ​ຢູ່ດ່ານ​ກວດກາ​ນ້ຳ​ເກິ່ງ​ແມ່ນ​ໃຫ້​ກັບ​ຄືນ ຫລື ​ໃຫ້​ບໍລິສັດ​ມາຄ້ຳປະກັນ ​ແລະ ​ເຂົ້າກັກ​ຕົວ​ຢູ່​ເຮືອນ​ພັກ, ​ໂຮງ​ແຮມ​ໃດ​ໜຶ່ງ ພ້ອມ​ທັງ​ອອກ​ຄ່າ​ໃຊ້​ຈ່າຍ​ເອງ​ໃນ​ການ​ກັກ​ຕົວ.
  • ​ ໃນ​ການ​ນຳ​ເຂົ້າສິນຄ້າ​ໄປ​ຍັງ​ເຂດ​ເສດຖະກິດ​ພິ​ເສດ​ສາມຫລ່ຽມ​ຄຳ​ກໍ​ໃຫ້​ແຈ້ງ​ລາຍການ​ສິນຄ້າ​ລະອຽດ, ​ແຈ້ງ​ຈຳນວນ​ລົດ​ຂົນ​ສົ່ງ ​ແລະ ປ້າຍ​ທະບຽນ​ລົດ ພ້ອມ​ພະນັກງານ​ຜູ້​ຂັບ​ລົດ (​ໂຊ​ເຟີ).
  • ​ໃນ​ການ​ຂົນ​ສົ່ງ​ສິນຄ້າ​ອອກ (ໝາກກ້ວຍ, ໝາກ​ຖົ່ວ ​ແລະ ອື່ນໆ) ​ເຫັນ​ດີ​ໃຫ້​ຕ່າງ​ອອກ ​ແຕ່​ບໍ່​ໃຫ້​ຄົນ​ຂັບ​ລົດ​ອອກ​ຈາກ​ເມືອງ​ຕົ້ນ​ເຜິ້ງ ​ໃຫ້​ມີ​ການ​ປ່ຽນ​ຄົນ​ຂັບ​ລົດ, ການ​ຂົນ​ສົ່ງ​ນ້ຳມັນ, ອາຍ​ແກັສ, ວັດ​ສະ​ດຸ​ກໍ່ສ້າງ​ກໍ​ເຊັ່ນ​ດຽວ​ກັນ ​ແມ່ນ​ໃຫ້​ປ່ຽນ​ຄົນ​ຂັບ​ລົດ ພ້ອມ​ທັງ​ສີດ​ພົ່ນ​ຢາຂ້າ​ເຊື້ອພາຍ​ໃນ​ຫ້ອງ​ຂັບ​ລົດ ​ແລະ ມີ​ການກວດ​ວັດ​ແທກ​ອຸນຫະພູມ. ລະອຽດ​ມອບ​ໃຫ້​ກອງ​ເລຂາ​ເຮັດ​ແຈ້ງ​ການ​ກ່ຽວ​ກັບ​ການ​ອະນຸຍາດ​ນຳ​ເຂົ້າ-ສົ່ງ​ອອກ​ສິນຄ້າ​ປະ​ເພດ​ຕ່າງໆ ລວມທັງ​ຄົນ​ເຂົ້າ-ອອກ​ເມືອງ​ຕົ້ນ​ເຜິ້ງ ​ແລະ ​ເຂດ​ເສດຖະກິດ​ພິ​ເສດ​ສາມຫລ່ຽມ​ຄຳ ​ເພື່ອ​ເປັນ​ບ່ອນ​ອີງ​ໃຫ້​ແກ່​ບັນດາ​ຈຸດ​ກວດກາ​ຕ່າງໆ.
  • ຈັດ​ພະນັກງານ​ແພດ-ໝໍ, ຄະນະ​ສະ​ເພາະ​ກິດ​ຂັ້ນ​ເມື​ອງ ລົງ​ຊ່ວຍ​ບັນດາ​ຈຸດ​ກວດກາ ​ແລະ ມອບ​ໃຫ້ ປກສ ​ແຂວງ ຊ່ວຍ​ຄົ້ນຄວ້າ​ເຕັ້ນທີ່​ມີ​ຜ້າ​ອັດ​ບັງ​ແດດ ສາມາດ​ເຂົ້ານອນ​ພັກຜ່ອນ​ໄດ້​ສະໜອງ​ແກ່​ຈຸດ​ກວດກາ​.
  1. ການ​ປະຊຸມ​ປຶກສາ​ຫາລື​ວຽກ​ຈຳ​ເປັນ​ຮີບ​ດ່ວນ​ໃນ​ຕໍ່​ໜ້າ ບາງ​ຄັ້ງ​ແມ່ນ​ໃຊ້​ລະບົບ​ກອງ​ປະຊຸມ​ທາງ​ໄກ. ສະນັ້ນ ມອບ​ໃຫ້ຫ້ອງ​ວ່າການ​ແຂວງ ​ແລະ ບັນດາ​ເມືອງ​ກຽມ​ຄວາມ​ພ້ອມ​ຂອງ​ອຸປະກອນ​ກອງ​ປະຊຸມ​ທາງ​ໄກ (VIDEO CONFEREN).
  2. ​ໃນ​ການ​ສະກັດ​ກັ້ນການ​ເຂົ້າຢູ່​ຈຸດ​ຕ່າງໆ​ນັ້ນ ສຳລັບ​ເມືອງ​ປາກ​ທາ​ແມ່ນ​ສະ​ເໜີ​ຂໍ​ກຳລັງ​ທະຫານ​​ເມືອງ 2 ຄົນ​ເຂົ້າຊ່ວຍ​ຢູ່​ຈຸດ​ກວດກາ​ສາມ​ແຍກ​ຂົວ​ປາກ​ທາ ​ແລະ ມອບ​ໃຫ້​ກອງ​ເລຂາຄົ້ນຄວ້າ​ສະໜອງ​ດອກ​ໄຟ​ສະປອດ​ໄລ​ໃຫ້​ເຂົາ​ເຈົ້າຕື່ມ.
  • ສຳລັບ​ການ​ສະກັດ​ກັ້ນການ​ເຂົ້າ-ອອກ​ທາງ​ມຽນມາ ​ເມື່ອ​ກວດກາ​ພົບ​ເຫັນ​ໃຫ້​ພັກ​ດັນ​ອອກ ບໍ່​ໃຫ້​ເຂົ້າມາ​ເດັດຂາດ.
  1. ​ໃນ​ການຈັດຕັ້ງງານ​ບຸນ​ປະ​ເພນີ​ຂອງ​ບັນດາ​ເຜົ່າ, ງານ​ບວດ, ງານ​ດອງ ​ແລະ ງານ​ຕ່າງໆ ຕ້ອງ​ເຮັດ​ຢູ່​ພາຍ​ໃນ​ບ້ານ​ໃຜລາວ (​ເຮັດ​ໃນ​ວົງ​ແຄບ) ຈຳກັດ​ຜູ້​ເຂົ້າຮ່ວມ​ໃຫ້​ໜ້ອຍ​ລົງ ​ແລະ ຈັດ​ຕາມ​ຮີດຄອງ​ປະ​ເພນີ​ເທົ່າ​ນັ້ນ, ລາຍ​ລະອຽດ​ສະ​ເໜີ​ໃຫ້​ຫ້ອງ​ວ່າການ​ແຂວງ​ອອກ​ແຈ້ງ​ການ​ແນະນຳ​ຕື່ມ​ຢ່າງ​ຈະ​ແຈ້ງ ​ເພື່ອ​ເປັນ​ບ່ອນ​ອີງ​ໃນ​ການຈັດຕັ້ງປະຕິບັດ.
  2. ສະ​ເໜີ​ກຳລັງ​ປ້ອງ​ກັນຊາ​ດ, ປ້ອງ​ກັນ​ຄວາມ​ສະຫງົບ ຈັດ​ກຳລັງ​ເຂົ້າຊ່ວຍ​ຕື່ມ ​ໃນ​ການ​ແກ້​ໄຂ​ສະ​ເພາະ​ໜ້າ​, ມອບ​​ໃຫ້​ຫ້ອງ​ວ່າການ​ຈັດ​ຊື້ກ້ອງ​ວົງ​ຈອນ​ຕິດຕັ້ງຢູ່​ຈຸດ​ກວດກາ​ນ້ຳ​ເກິ່ງ​ເກົ່າ ​ເມືອງ​ຕົ້ນ​ເຜິ້ງ. ສຳລັບ​ຈຸດ​ກວດກາ​ຂອງ​ເຂດ​ເສດຖະກິດ​ພິ​ເສດ​ສາມຫລ່ຽມ​ຄຳ​ແມ່ນ​ເຫັນ​ດີ ຍ້ອນ​ມີ (ລປພ) ຮ່ວມ​ນຳ​ແລ້ວ.
  3. ມອບ​ໃຫ້​ຫ້ອງ​ວ່າການ​ເຮັດ​ໜັງສື​ແຈ້ງ​ການ​ເຖິງ​ເມືອງ​ເມິງ ກ່ຽວ​ກັບ​ການ​ປະຊຸມ​ຢູ່​ຊຽງ​ກົກ ​ແລະ ຈະ​ມີ​ການ​ມອບ ​ແລະ ​ແລ່ນ​ເຮືອ​ລົງ​ມາ ຕາມ​ການ​ປະສານ​ງານ​ຂອງ​ຫ້ອງ​ວ່າການ​ແຂວງ​ຫລວງ​ນ້ຳທາ.
  4. ມອບ​ໃຫ້​ກອງ​ເລຂາ​ຄະນະ​ສະ​ເພາະ​ກິດ​ຂຶ້ນ​ແຜນ​ຮັບ​ໃຊ້​ວຽກ​ງານ​ທີ່​ຈຳ​ເປັນ​ຮີບ​ດ່ວນ ສະ​ເໜີ​ຫາ​ຄະນະ​ສະ​ເພາະ​ກິດ​ສູນ​ກາງ​ຕື່ມ.
- Wave100S AD to Website 2020 0 - ແຂວງບໍ່ແກ້ວວາງມາດຕະການສະກັດກັ້ນພະຍາດໂຄວິດ-19 ພາຍຫລັງມີຜູ້ຕິດເຊື້ອຊາວຈີນ 2 ຄົນມາຜ່ານ
- WhatsApp Image 2020 05 27 at 5 - ແຂວງບໍ່ແກ້ວວາງມາດຕະການສະກັດກັ້ນພະຍາດໂຄວິດ-19 ພາຍຫລັງມີຜູ້ຕິດເຊື້ອຊາວຈີນ 2 ຄົນມາຜ່ານ
- WhatsApp Image 2020 05 27 at 5 - ແຂວງບໍ່ແກ້ວວາງມາດຕະການສະກັດກັ້ນພະຍາດໂຄວິດ-19 ພາຍຫລັງມີຜູ້ຕິດເຊື້ອຊາວຈີນ 2 ຄົນມາຜ່ານ
error: Alert: ເນື້ອຫາຂ່າວມີລິຂະສິດ !!