ປະທານ ໄກສອນ ພົມວິຫານ ຍືນຍົງໃນພາລະກິດປະຕິວັດຂອງຊາດລາວຕະຫຼອດໄປ.

- Time fo an Adventure 2020 12 10T104745 - ປະທານ ໄກສອນ ພົມວິຫານ ຍືນຍົງໃນພາລະກິດປະຕິວັດຂອງຊາດລາວຕະຫຼອດໄປ.
- Untitled design - ປະທານ ໄກສອນ ພົມວິຫານ ຍືນຍົງໃນພາລະກິດປະຕິວັດຂອງຊາດລາວຕະຫຼອດໄປ.

ໂດຍ: ລູກເມືອງພວນ

ປະທານ ໄກສອນ ພົມວິຫານ ນັບວ່າເປັນບັນພະບູລຸດຜູ້ຍິ່ງໃຫ່ຍ ໃນຍຸກໃໝ່ຂອງຊາດລາວ. ປະທານໄກສອນ ພົມວິຫານ ໄດ້ນຳພາປະຊາຊົນລາວທັງຊາດ ດຳເນີນການປະຕິວັດຊາດ ປະຊາທິປະໄຕ ຕ້ານກັບຈັກກະພັດຜູ້ຮຸກຮານ ທັງແບບໃໝ່ ແລະ ແບບເກົ່າ ຈົນໄດ້ຮັບໄຊຊະນະ ແລະ ສະຖາປະນາເປັນປະເທດສາທາລະນະລັດ ປະຊາທິປະໄຕ ປະຊາຊົນລາວຂຶ້ນ ໃນວັນທີ 2 ທັນວາ ປີ 1975 ຢ້າງສະຫງ່າຜ່າເຜີຍ ແລະ ດັງກ້ອງກາງວານໄປທົ່ວທຸກມຸມໂລກ.

ປະທານໄກສອນ ພົມວິຫານ ເກີດເມື່ອວັນທີ 13 ທັນວາ ປີ 1920 ທີ່ບ້ານ ນາເຊງ ເມືອງຄັນທະບູລີ ແຂວງສະຫວັນນະເຂດ, ຊຶ່ງຈະໝູນວຽນບັນຈົບຄົບຮອບ 100 ປີໃນວັນທີ 13 ທັນວາ 2020 ນີ້.

ພໍແຕ່ເກີດອອກມາ ເພີ່ນໄດ້ຮັບການລ້ຽງດູຈາກພໍ່ແມ່ ແລະ ຍາດຕິພີ່ນ້ອງເປັນຢ່າງດີ, ທ່ານເປັນເດັກຄຳຮູ້, ມີລະບຽບວິໄນ ແລະ ໃຝ່ຫາການສຶກສາ. ເມື່ອອາຍຸໄດ້ 7 ຂວບ ເພີ່ນໄດ້ເຂົ້າໂຮງຮຽນປະຖົມຢູ່ວັດ ໄຊຍະພູມ. ເມື່ອຮຽນຈົບຊັ້ນປະຖົມຢູ່ລາວແລ້ວ, ປີ 1934 ເພີ່ນກໍໄດ້ເດີນທາງໄປຮຽນຕໍ່ຊັ້ນມັດທະຍົມທີ່ ຮ່າໂນ້ຍ ປະເທດ ຫວຽດນາມ  ໃນໄວອາຍຸ 14 ປີ. ຢູ່ຮ່າໂນ້ຍ ເພີ່ນໄດ້ເຂົ້າຮຽນຢູ່ທີ່ໂຮງຮຽນ ໂປຣເຕັກ ໂຕລາ.

ໃນຂະນະທີ່ຮໍ່າຮຽນສຶກສາຢູ່ ຮ່າໂນ້ຍນັ້ນ, ເພິ່ນໄດ້ຮຽນຮູ້ຫຼາຍສິ່ງຫຼາຍຢ່າງ ຈາກຂະບວນການຕໍ່ສູ້ຂອງປະຊາຊົນຫວຽດນາມ ຕ້ານກັບພວກຈັກກະພັດຝຣັ່ງຜູ້ຮຸກຮານ, ທ່ານໄດ້ອາສາສະໝັກເຂົ້າຮ່ວມຂະບວນການຊາວໜຸ່ມກູ້ຊາດຂອງຫວຽດນາມ. ນີ້ຄືຂີດໝາຍປະຫວັດສາດທີ່ສຳຄັນແຫ່ງຊີວິດປະຕິວັດຂອງທ່ານໄກສອນ ພົມວິຫານ.

- Wave100S AD to Website 2020 0 - ປະທານ ໄກສອນ ພົມວິຫານ ຍືນຍົງໃນພາລະກິດປະຕິວັດຂອງຊາດລາວຕະຫຼອດໄປ.

ແຕ່ນັ້ນມາ, ເພີ່ນໄດ້ເລີ່ມເຄື່ອນໄຫວປະຕິວັດຢ່າງຂະຫຍັນຂັນແຂງ ແລະ ຈົນພົ້ນເດັ່ນໃນຂະບວນການຕ້ານພວກລ່າເມືອງຂຶ້ນຝຣັ່ງ. ໂດຍໄດ້ຮັບຄວາມໄວ້ເນື້ອເຊື່ອໃຈ ຈາກການນຳຂອງຫວຽດນາມ ໂດຍສະເພາະແມ່ນ ປະທານໂຮ່ຈິມິນ, ຈຶ່ງໄດ້ແຕ່ງຕັ້ງໃຫ້ທ່ານເປັນຫົວໜ້າຂະບວນການຕໍ່ຕ້ານຝຣັ່ງ ມາເຄື່ອນໄຫວ ແລະ ຊີ້ນຳນຳພາຂະບວນການຕ້ານຝຣັ່ງຊອງປະຊາຊົນລາວ.

ຕັ້ງແຕ່ນັ້ນເປັນຕົ້ນມາ ທ່ານ ໄກສອນ ພົມວິຫານ ໄດ້ກາຍເປັນຜູ້ນຳປະຕິວັດຂອງລາວຢ່າງເຕັມໂຕ. ຊຶ່ງທ່ານໄດ້ນຳພາປະຊາຊົນລາວຕ້ານພວກຈັກກະພັດຝຣັ່ງ, ຍີ່ປຸ່ນ ແລະ ຈັກກະພັດ ອາເມລິກາ ຊຶ່ງລ້ວນແຕ່ແມ່ນຈັກກະພັດໂຕໃຫ່ຍ ແລະ ຮ້າຍກາດທີ່ສຸດຂອງໂລກໃນສະໃໝນັ້ນ. ທ່ານຍິ່ງນຳພາ ກໍຍິ່ງເຕີບໃຫ່ຍ ຍິ່ງນຳພາ ກໍຍິ່ງເຂັ້ມແຂງ ແລະ ໄດ້ມີຊື່ສຽງໂດ່ງດັງໄປທົ່ວປະເທດລາວ, ໂດດເດັ່ນທີ່ສຸດກໍແມ່ນພາຍຫຼັງການສ້າງຕັ້ງພັກປະຊາຊົນລາວ ເມື່ອວັນທີ 22 ມີນາ ປີ 1955 ເປັນຕົ້ນມາ.

ຕະຫຼອດໄລຍະການປະຕິວັດຊາດ ປະຊາທິປະໄຕ ກໍຄື ໄລຍະແຫ່ງການປົກປັກຮັກສາ ແລະ ພັດທະນາປະເທດຊາດໃນໄລຍະໃໝ່ , ປະທານໄກສອນ ພົມວິຫານ ໄດ້ກາຍເປັນຜູ້ນຳທີ່ສະຫຼາດສ່ອງໃສ ມີຫົວຄິດປະດິດສ້າງ ເກັ່ງກ້າສາມາດ ແລະ ແຂງແກ່ນທີ່ສຸດ, ເປັນຜູ້ນຳທີ່ມີວິໄສທັດ ເບິ່ງກວ້າງເຫັນໄກ, ຕີລາຄາຊັ່ງຊາກຳລັງ ແລະ ສະຖານະການຖືກຕ້ອງແມ່ນຢຳ. ຊຶ່ງຜົນງານການປະຕິວັດຂອງທ່ານ ແມ່ນມີມາກມາຍກ່າຍກອງ ຊຶ່ງພວກເຮົາບໍ່ສາມາດທີ່ຈະເອົາມາເວົ້າ ເລົ່າສູ່ຟັງໃນທີ່ນີ້ໃຫ້ໝົດໄດ້. ພວກເຮົາຂໍສະຫຼຸບເອົາແຕ່ຜົນງານໃຫ່ຍໆ ເດັ່ນໆ ທີ່ເປັນ ເຫດການຂີດໝາຍທາງປະຫວັດສາດທີ່ສຳຄັນຂອງເພິ່ນໄວ້ດັ່ງນີ້:

  1. ເປັນຜູ້ກໍ່ຕັ້ງກອງລາດຊະວົງ ໃນວັນທີ 20 ມັງກອນ ປີ 1949 ຊຶ່ງເປັນຕົ້ນກຳເນີດຂອງກອງທັບປະຊາຊົນລາວໃນປັດຈຸບັນ.
  2. ນຳພາກໍ່ຕັ້ງພັກປະຊາຊົນປະຕິວັດລາວ ໃນວັນທີ 22 ມີນາ ປີ 1955 ຊຶ່ງເປັນຕົ້ນກຳເນີດຂອງພັກປະຊາຊົນປະຕິວັດລາວ ໃນປັດຈຸບັນ.
  3. ນຳພາປົດປ່ອຍປະເທດຊາດ ແລະ ສາຖາປະນາສາທາລະນະລັດປະຊາທິປະໄຕປະຊາຊົນລາວໃນວັນທີ 2 ທັນວາ ປີ 1975.
  4. ຈັດຕັ້ງນຳພາແນວທາງການປ່ຽນແປງໃໝ່ຮອບດ້ານ ແລະ ເປີດປະຕູສູ່ໂລກພາຍນອກໃນປີ 1979.
  5. ນຳພາຍຶດອຳນາດ 23 ສິງຫາ 1975 ໂດຍບໍ່ແຕກສຽງປືນ, ໂດຍບໍ່ໄດ້ນອງເລືອດ “ບົວບໍ່ຊໍ້າ ນໍ້າບໍ່ຂຸ່ນ ແຕ່ຈັບປາໄດ້ທັງໝົດ”.

ປະທານ ໄກສອນ ພົມວິຫານ ຈົ່ງຍືນຍົງຄົງຢູ່ໃນພາລະກິດປະຕິວັດຂອງຊາດລາວຕະຫຼອດໄປ, ປະທານໄກສອນ ພົມ ວີຫານຢູ່ໃນດວງໃຈຂອງປະຊາຊົນລາວຊົ່ວຟ້າດິນສະຫຼາຍ, ພາລະກິດປະຕິວັດຂອງຊາດລາວຈົ່ງກ້າວໄປ.

- WhatsApp Image 2020 05 27 at 5 - ປະທານ ໄກສອນ ພົມວິຫານ ຍືນຍົງໃນພາລະກິດປະຕິວັດຂອງຊາດລາວຕະຫຼອດໄປ.
- WhatsApp Image 2020 05 27 at 5 - ປະທານ ໄກສອນ ພົມວິຫານ ຍືນຍົງໃນພາລະກິດປະຕິວັດຂອງຊາດລາວຕະຫຼອດໄປ.
error: Alert: ເນື້ອຫາຂ່າວມີລິຂະສິດ !!