ປະເທດຮັ່ງມີກວາດຊື້ວັກຊີນ ປະເທດທຸກຍາກສ່ຽງໝົດໂອກາດໃຊ້

- 113672647 8f50d60c 5b9f 4e48 957b da5a5ccaba3a - ປະເທດຮັ່ງມີກວາດຊື້ວັກຊີນ ປະເທດທຸກຍາກສ່ຽງໝົດໂອກາດໃຊ້
- Untitled design - ປະເທດຮັ່ງມີກວາດຊື້ວັກຊີນ ປະເທດທຸກຍາກສ່ຽງໝົດໂອກາດໃຊ້

ມີ​ທ່າ​ອ່ຽງວ່າ​ປະຊາກອນ​ໃນ​ປະ​ເທດ​ກຳລັງ​ພັດທະນາ​ຈຳນວນ​ຫລາຍ​ຈະ​ບໍ່​ໄດ້​ຮັບ​ວັກ​ຊີ​ນ ​ເນື່ອງ​ຈາກ​ປະ​ເທດ​ຮັ່ງມີ​ກັກ​ຕຸ​ນ​ໄປ​ຈົນ​ໝົດ.

BBC ລາຍ​ງານ​ວ່າ: ກຸ່ມ​ພັນທະມິດວັກຊີນເພື່ອປະຊາຊົນ (The People’s Vaccine Alliance) ກ່າວ​ວ່າ: ປະ​ເທດ​ຮັ່ງມີ​ກຳລັງ​ກັກ​ຕຸ​ນວັກ​ຊີ​ນປ້ອງ​ກັນ​ໄວຣັສ​ໂຄ​ໂຣນາ ​ເຊິ່ງຈະ​ເຮັດ​ໃຫ້​ມີ​ປະ​ເທດ​ທີ່​ມີ​ລາຍ​ໄດ້​ໜ້ອຍ​ເກືອບ 70 ປະ​ເທດ​ໄດ້​ຮັບ​ວັກ​ຊີ​ນພຽງ 1 ​ໃນ 10 ຄົນ​ເທົ່າ​ນັ້ນ.

ຈາກ​ການ​ວິ​ເຄາະ​ຂອງ​ພວກ​ເຂົາ​ພົບ​ວ່າ: ປະ​ເທດ​ຮັ່ງມີ​ໄດ້​ຊື້ວັກ​ຊີ​ນ​ໃນ​ປະລິມານ​ທີ່​ພຽງພໍ​ຕໍ່​ການ​ສັກ​ໃຫ້​ປະຊາກອນ​ທົ່ວ​ປະ​ເທດ​ເຖິງ 3 ຄັ້ງ ຖ້າ​ວັກ​ຊີ​ນ​ໄດ້​ຮັບ​ການ​ອະນຸມັດ.

ຍົກ​ຕົວຢ່າງ​ເຊັ່ນ: ກາ​ນາ​ດາ ​ເຊິ່ງສັ່ງ​ຊື້ວັກ​ຊີ​ນ​ໃນ​ປະລິມານ​ທີ່​ສາມາດ​ປົກ​ປ້ອງ​ຊາວ​ກາ​ນາ​ດາ​ໄດ້​ເຖິງ 5 ຄັ້ງ ​ແລະ ​ເຖິງ​ວ່າ​ປະ​ເທດ​ຮັ່ງມີ​ຈະ​ມີ​ຈຳນວນ​ພຽງ 14% ຂອງ​ປະຊາກອນ​ໂລກ, ​ແຕ່​ພວກ​ເຂົາ​ມີ​ທ່າ​ອ່ຽງຈະ​ຊື້ວັກ​ຊີ​ນຫລາຍ​ທີ່​ສຸດ​ເຖິງ 53%.

ທາງ​ອົງ​ກອນ​ຮຽກຮ້ອງ​ໃຫ້​ບໍລິສັດ​ຜູ້​ຜະລິດ​ວັກ​ຊີ​ນທຸກ​ແຫ່ງ​ແບ່ງປັນ​ເຕັກ​ໂນ​ໂລ​ຊີ ​ແລະ ຊັບ​ສິນ​ທາງ​ປັນຍາ ​ເພື່ອ​ໃຫ້​ສາມາດ​ຜະລິດ ​ແລະ ຈຳໜ່າຍວັກ​ຊີ​ນ​ໄດ້​ຫລາຍ​ຂຶ້ນຫລາຍ​ພັນ​ລ້ານ​ໂດ​ສສຳລັບ​ທຸກ​ຄົນ​ທີ່​ຕ້ອງການ​ວັກ​ຊີ​ນ.

- Wave100S AD to Website 2020 0 - ປະເທດຮັ່ງມີກວາດຊື້ວັກຊີນ ປະເທດທຸກຍາກສ່ຽງໝົດໂອກາດໃຊ້

ປັດຈຸບັນ Oxford-AstraZeneca ຈະ​ໃຫ້​ຄຳ​ໝັ້ນວ່າ​ຈະ​ຈັດ​ຫາ​ວັກ​ຊີ​ນ​ໃຫ້​ຄົນ​ໃນ​ປະ​ເທດ​ກຳລັງ​ພັດທະນາ​ໂດຍ​ບໍ່​ຫວັງ​ຜົນ​ກຳ​ໄລ ​ແລະ ກຳລັງ​ດຳ​ເນີນ​ການ​ຕາມ​ຂັ້ນຕອນ ​ເພື່ອ​ໃຫ້​ແນ່​ໃຈ​ວ່າ​ຈະ​ມີ​ການ​ເຂົ້າ​ເຖິງ​ວັກ​ຊີ​ນທົ່ວ​ໂລກ​ຢ່າງ​ຍຸຕິ​ທຳ ລວມທັງ​ຍັງ​ມີ​ໂຄງການ COVAX ​ເພື່ອ​ໃຫ້​ມີ​ວັກ​ຊີ​ນ 700 ລ້ານ​ໂດ​ສ ​ເພື່ອ​ແຈກ​ຢາຍ​ວັກ​ຊີ​ນລະຫວ່າງ 92 ປະ​ເທດ.

​ເຖິງ​ຢ່າງ​ໃດ​ກໍ​ຕາມ, ອົງການ​ຕ່າງໆ ລວມທັງ​ແອ​ມ​ເນສຕີ້ ອິນ​ເຕີ​ເນ​ຊັນ​ແນ​ລ, ອອກ​ຟາ​ມ ​ແລະ ​ໂກລບອລ ຈັສຕິ​ສ ​ເບິ່ງ​ວ່າ​ວັກ​ຊີ​ນຍັງ​ບໍ່​ພຽງພໍ ​ແລະ ບໍລິສັດ​ຜູ້​ຜະລິດ​ຄວນ​ແບ່ງປັນ​ເຕັກ​ໂນ​ໂລ​ຊີ​ຂອງ​ຕົນ ​ເພື່ອ​ໃຫ້​ແນ່​ໃຈ​ວ່າ​ມີ​ການ​ຜະລິດ​ໃນ​ປະລິມານ​ເພີ່ມ​ຂຶ້ນ.

ປັດຈຸບັນ ວັກ​ຊີ​ນຈາກ Pfizer-BioNTech ​ໄດ້​ຮັບ​ການ​ອະນຸມັດ​ຢູ່​ອັງກິດ​ແລ້ວ ​ແລະ ມີ​ທ່າ​ອ່ຽງຈະ​ໄດ້​ຮັບ​ອະນຸມັດ​ຈາກ​ໜ່ວຍ​ງານ​ເບິ່ງ​ແຍງ​ຢູ່​ອາ​ເມ​ລິ​ກາ ​ແລະ ​ເອີຣົບ​ໃນ​ມໍ່ໆ​ນີ້. ໝາຍ​ຄວາມ​ວ່າ​ອາດ​ຕ້ອງ​ໃຊ້​ເວລາ​ໄລຍະ​ໜຶ່ງ​ກ່ອນ​ຈະ​ມີ​ການ​ແບ່ງປັນ​ກັບປະ​ເທດ​ທີ່​ທຸກ​ຍາກ​ກວ່າ.

- WhatsApp Image 2020 05 27 at 5 - ປະເທດຮັ່ງມີກວາດຊື້ວັກຊີນ ປະເທດທຸກຍາກສ່ຽງໝົດໂອກາດໃຊ້
- WhatsApp Image 2020 05 27 at 5 - ປະເທດຮັ່ງມີກວາດຊື້ວັກຊີນ ປະເທດທຸກຍາກສ່ຽງໝົດໂອກາດໃຊ້
error: Alert: ເນື້ອຫາຂ່າວມີລິຂະສິດ !!