ບໍລິສັດ ສະຕາໂທລະຄົມ ຈຳກັດ ສາຂາແຂວງຜົ້ງສາລີ ສຳມະນາກ່ຽວກັບວຽກງານເຕັກໂນໂລຊີ, ຂໍ້ມູນຂ່າວສານ ແລະ ດິຈິຕອນ ( Digital ).

- 26bcb628 4a14 4c75 89f6 b5bd4ea8a191 - ບໍລິສັດ ສະຕາໂທລະຄົມ ຈຳກັດ ສາຂາແຂວງຜົ້ງສາລີ ສຳມະນາກ່ຽວກັບວຽກງານເຕັກໂນໂລຊີ, ຂໍ້ມູນຂ່າວສານ ແລະ ດິຈິຕອນ ( Digital ).
- Untitled design - ບໍລິສັດ ສະຕາໂທລະຄົມ ຈຳກັດ ສາຂາແຂວງຜົ້ງສາລີ ສຳມະນາກ່ຽວກັບວຽກງານເຕັກໂນໂລຊີ, ຂໍ້ມູນຂ່າວສານ ແລະ ດິຈິຕອນ ( Digital ).

ວັນທີ 07 ທັນວາ 2020 ນີ້ບໍລິສັດ ສະຕາ ໂທລະຄົມ ຈໍາກັດ ສາຂາ ຜົ້ງສາລີ ໄດ້ຈັດກອງປະຊຸມສຳມະນາກ່ຽວກັບວຽກງານເຕັກໂນໂລຊີ,ຂໍ້ມູນຂ່າວສານ ແລະ ດີຈິຕອນ ຂຶ້ນທີ່ຫ້ອງປະຊຸມ ຊັ້ນ5 ສຳນັກງານປົກຄອງແຂວງຫຼັງໃໝ່ ເປັນກຽດເຂົ້າຮ່ວມຂອງທ່ານ ຄຳເຫຼັກ ໃຈອີ່ສານ ກຳມະການປະຈຳພັກແຂວງ ຫົວໜ້າພະແນກແຜນການ ແລະ ການລົງທຶນແຂວງ ມີທ່ານ ບູນມີ ມາລາວົງ ຮອງຜູ້ອຳນວການໃຫຍ່ ບໍລິສັດ ສະຕາຣ ໂທລະຄົມ ຈຳກັດ, ມີບັນດາພະແນກການ ຂອງແຂວງເຂົ້າຮ່ວມຢ່າງພ້ອມພຽງ.

ກອງປະຊຸມບັນດາຜູ້ເຂົ້າຮ່ວມໄດ້ຮັບຟັງການແນະນຳຂໍ້ມູນກ່ຽວກັບວຽກງານເຕັກໂນໂລຊີ, ຂໍ້ມູນຂ່າວສານ ແລະ ດີຈີຕອນ ເປັນຕົ້ນ: ລະບົບຢູອ໋ອບຟິສ, ວີດີໂອຄອນເຟີເລັນ, ຢູມັນນີ, ເຊິ່ງແມ່ນຜະລິດຕະພັນສໍາເລັດຮູບ, ທາງເລືອກດ້ານລະບົບໄອທີ, ສໍາລັບ ຢູອອບຟິສແມ່ນໝາຍເຖິງລະບົບຫ້ອງການ ແລະ ເອກະສານເອເລັກໂຕຣນິກ ທີ່ນໍາໃຊ້ຜ່ານລະບົບ ຄຣາວ ທີ່ນໍາມາໃຊ້ເຂົ້າໃນການຈັດການເອກະສານ,ເກັບຮັກສາເອກະສານ, ການຄົ້ນຫາ-ການສົ່ງຕໍ່ເອກະສານ,ການສົ່ງເຊັນເອກະສານຜ່ານເອເລັກໂຕຣນິກ ໃຫ້ມີຄວາມສະດວກ,ທັນສະໄໝ,ປະຢັດເວລາ ແລະ ຄ່າໃຊ້ຈ່າຍຕ່າງໆ ທີ່ເໝາະແກ່ບັນດາອົງການຈັດຕັ້ງລັດຖະບານ, ບັນດາກະຊວງ, ບັນດາຫົວໜ່ວຍທຸລະກິດ, ບັນດາທະນາຄານ, ສໍາລັບການປະຊຸມທາງໄກ ຫຼື ວີດີໂອ ຄອນເຟີເລັນ ແມ່ນເປັນລະບົບທີ່ນໍາໃຊ້ ເພື່ອຈັດກອງປະຊຸມທາງໄກແບບທັນສະໄໝ, ສາມາດຈັດກອງປະຊຸມໄດ້ຢ່າງວ່ອງໄວໄດ້ທຸກທີ່ ທຸກເວລາ ທຸກບ່ອນ ທີ່ມີສັນຍານອິນເຕີເນັດ, ເຮັດໃຫ້ຫຼຸດຜ່ອນຄ່າໃຊ້ຈ່າຍໃນການກະກຽມກອງປະຊຸມ ຊ່ວຍປະຢັດການລົງທຶນ ແລະ ການບໍລິຫານ, ໂດຍນໍາໃຊ້ໄດ້ຜ່ານໂທລະສັບມືຖື, ເດສທັອບ,ໂນດບຸກ ແລະ ຄອມພິວເຕີຕັ້ງໂຕະ ການບໍລິການຕ່າງໆຍັງຮັບປະກັນຄວາມລັບ ແລະ ມີຄວາມປອດໄພສູງ,ສ່ວນຢູມັນນີແມ່ນຜະລິດຕະພັນໜຶ່ງທີ່ຂຶ້ນກັບບໍລິສັດ ສະຕາ ໂທລະຄົມ ຈຳກັດ ເຮັດໜ້າທີ່ບໍລິການດ້ານການເງິນຜ່ານມືຖື ທີ່ອໍານວຍຄວາມສະດວກໃຫ້ແກ່ການດໍາລົງຊີວິດຂອງຜູ້ຊົມໃຊ້ ເປັນຕົ້ນ: ແມ່ນການໂອນເງິນ, ການຖອນເງິນ, ການຊໍາລະຄ່າໂທລະສັບ, ຄ່າອິນເຕີເນັດ, ການຊື້ເຄື່ອງອຸປະໂພກ-ບໍລິໂພກ, ຊື້ຫວຍ, ການເບິກຈ່າຍເງິນເດືອນໃຫ້ພະນັກງານ ແລະ ບໍລິການອື່ນໆ, ຢູມັນນີ ນອກຈາກຈະເຮັດໃຫ້ຜູ້ຊົມໃຊ້ ມີຄວາມທັນສະໄໝ, ສະດວກສະບາຍແລ້ວ, ຍັງຫຼຸດຜ່ອນຄວາມສ່ຽງໃນການເດີນທາງ, ຫຼຸດຜ່ອນຄວາມສ່ຽງໃນການຖືກໂຈລະກໍາປຸ້ນຈີ້, ຊີງຊັບ, ເປັນລະບົບທີ່ມີຄວາມປອດໄພສູງ ເພາະຈະມີຂໍ້ຄວາມແຈ້ງເຕືອນເພື່ອຢືນຢັນທຸກໆການເຄື່ອນໄຫວເຮັດທຸລະກໍາຂອງທ່ານ. ທ່ານ ຄຳເຫຼັກ ໃຈອີ່ສານ ກຳມະການປະຈຳພັກແຂວງ ໄດ້ກ່າວມີຄໍາເຫັນວ່າ: ການຈັດກອງປະຊຸມສຳມະນາກ່ຽວກັບວຽກງານ ເຕັກໂນໂລຊີ, ຂໍ້ມູນຂ່າວສານ ແລະ ດີຈິຕອນ ຄັ້ງນີ້ເພື່ອເຮັດໃຫ້ພະນັກງານພະແນກການ ແລະ ກົມກອງ ພາຍໃນແຂວງ ຜົ້ງສາລີ ໄດ້ມີຄວາມຮັບຮູ້ເຂົ້າໃຈເລື່ອງການນໍາໃຊ້ລະບົບເຕັກໂນໂລຊີ້ທີ່ທັນສະໄໝ ເພື່ອຈະໄດ້ນໍາໃຊ້ເຂົ້າໃນການພັດທະນາວຽກງານ ພັດທະນາກົມກອງ ໃຫ້ມີຄວາມກ້າວໜ້າທັນສະໄໝທຽບທັນກັບສາກົນເທື່ອລະກ້າວ .

 

- Wave100S AD to Website 2020 0 - ບໍລິສັດ ສະຕາໂທລະຄົມ ຈຳກັດ ສາຂາແຂວງຜົ້ງສາລີ ສຳມະນາກ່ຽວກັບວຽກງານເຕັກໂນໂລຊີ, ຂໍ້ມູນຂ່າວສານ ແລະ ດິຈິຕອນ ( Digital ).

 

- WhatsApp Image 2020 05 27 at 5 - ບໍລິສັດ ສະຕາໂທລະຄົມ ຈຳກັດ ສາຂາແຂວງຜົ້ງສາລີ ສຳມະນາກ່ຽວກັບວຽກງານເຕັກໂນໂລຊີ, ຂໍ້ມູນຂ່າວສານ ແລະ ດິຈິຕອນ ( Digital ).
error: Alert: ເນື້ອຫາຂ່າວມີລິຂະສິດ !!