ຮອງລັດຖະມົນຕີກະຊວງສາທາລະນະສຸກເນັ້ນໜັກໃຫ້ ໂຮງໝໍແຂວງສະຫວັນນະເຂດເອົາໃຈໃສ່ຄວບຄຸມການຕິດເຊື້ອ

- 130465754 2069739963156943 2030763722283924311 o - ຮອງລັດຖະມົນຕີກະຊວງສາທາລະນະສຸກເນັ້ນໜັກໃຫ້ ໂຮງໝໍແຂວງສະຫວັນນະເຂດເອົາໃຈໃສ່ຄວບຄຸມການຕິດເຊື້ອ
- Untitled design - ຮອງລັດຖະມົນຕີກະຊວງສາທາລະນະສຸກເນັ້ນໜັກໃຫ້ ໂຮງໝໍແຂວງສະຫວັນນະເຂດເອົາໃຈໃສ່ຄວບຄຸມການຕິດເຊື້ອ

ໃນໂອກາດພົບປະໂອ້ລົມຄະນະອຳນວຍການ, ພະນັກງານແພດໝໍ ໂຮງໝໍແຂວງສະຫວັນນະເຂດໃນວັນທີ 7 ທັນວານີ້ ທ່ານ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ໄດ້ເນັ້ນໜັກໃຫ້ເອົາໃຈໃສ່ປະຕິບັດໜ້າທີ່ດ້ວຍຄວາມຮັບຜິດຊອບ ໂດຍສະເພາະການບໍລິການຄົນເຈັບ, ໃນນັ້ນ ຕ້ອງເອົາໃຈໃສ່ການຮັກສາຄວາມສະອາດເພື່ອຄວບຄຸມການຕິດແຜ່ເຊື້ອຂອງພະຍາດ ເປັນຕົ້ນ ການຈຳກັດຂີ້ເຫຍື້ອປະເພດຕ່າງໆໃຫ້ດີ ແລະ ຖືກວິທີ ພ້ອມເອົາໃຈໃສ່ໂຄສະນາການຮັກສາຄວາມສະອາດໃຫ້ປະຊາຊົນທີ່ມາໃຊ້ບໍລິການຢູ່ໂຮງໝໍແຂວງໃຫ້ຮັບຮູ້ຢ່າງກວ້າງຂວາງ ແລະ ພ້ອມກັນສືບຕໍ່ປະຕິບັດມາດຕະການປ້ອງກັນ, ຄວບຄຸມພະຍາດໂຄວິດ-19 ເນື່ອງຈາກແຂວງສະຫວັນນະເຂດເປັນແຂວງໃຫຍ່, ມີຊາຍແດນຕິດຈອດກັບປະເທດເພື່ອນບ້ານ ແລະ ຍັງມີການເຄື່ອນຍ້າຍແຮງງານທີ່ກັບຈາກຕ່າງປະເທດ ແລະ ການລັກລອບເຂົ້າເມືອງຜິດກົດໝາຍຂອງແຮງງານຕ່າງດ້າວອີກດ້ວຍ.

- 130477720 2069739856490287 2259229383197697893 o 300x200 - ຮອງລັດຖະມົນຕີກະຊວງສາທາລະນະສຸກເນັ້ນໜັກໃຫ້ ໂຮງໝໍແຂວງສະຫວັນນະເຂດເອົາໃຈໃສ່ຄວບຄຸມການຕິດເຊື້ອ

ທ່ານ ນາງ ດຣ. ພູວິໄລ ແກ້ວມຸງຄຸນ ຫົວໜ້າອຳນວຍການໂຮງໝໍແຂວງ ໄດ້ລາຍງານໃຫ້ທ່ານຮອງລັດຖະມົນຕີ ຊາບວ່າ: ໂຮງໝໍແຂວງສະຫວັນນະເຂດເປັນໂຮງໝໍທີ່ເກົ່າແກ່ ສ້າງຕັ້ງຂຶ້ນໃນປີ 1925, ປັດຈຸບັນມີ 200 ຕຽງ, ປະກອບມີ 17 ໜ່ວຍງານ, ມີບຸກຄະລາກອນ 298 ຄົນ, ແບ່ງອອກເປັນ 5 ສາຍໃຫຍ່ຄື: ພະແນກພາຍໃນ, ພາຍນອກ, ພະຍາດເດັກນ້ອຍ, ພະຍາດຍິງ-ອອກລູກ ແລະ ຟື້ນຟູວິຊາຊີບ-ວາງຢາສະຫຼົບ. ນອກນັ້ນ ຍັງມີການປິ່ນປົວສະເພາະເຊັ່ນ: ພະຍາດເບົາຫວານ, ຫົວໃຈ, ເສັ້ນເລືອດ, ເອດສ໌, ຟອກໄຂ່ຫຼັງ ແລະ ຕຶກນອນພິເສດ ໂດຍຖືເອົາຄົນເຈັບເປັນໃຈກາງ, ໃຫ້ບໍລິການທີ່ມີປະສິດທິພາບ, ນຳໃຊ້ລະບົບເຕັກໂນໂລຊີທີ່ທັນສະໄໝ, ຮ່ວມກໍ່ສ້າງ ແລະ ພັດທະນາບຸກຄະລາກອນດ້ານການແພດ, ພະຍາບານ ແລະ ຜະດຸງຄັນ.

- Wave100S AD to Website 2020 0 - ຮອງລັດຖະມົນຕີກະຊວງສາທາລະນະສຸກເນັ້ນໜັກໃຫ້ ໂຮງໝໍແຂວງສະຫວັນນະເຂດເອົາໃຈໃສ່ຄວບຄຸມການຕິດເຊື້ອ

ທ່ານ ດຣ ພູວິໄລ ໃຫ້ຮູ້ຕື່ມວ່າ: ສ່ວນລະບົບກຳຈັດຂີ້ເຫຍື້ອ ທາງໂຮງໝໍໄດ້ເອົາໃຈໃສ່ເປັນພິເສດໂດຍສະເພາະຂີ້ເຫຍື້ອຕິດເຊື້ອ, ຂີ້ເຫຍື້ອແຫຼມຄົມ, ຂີ້ເຫຍື້ອປະເພດແກ້ວ ເພື່ອໄປກຳຈັດໃຫ້ຖືກວິທີ, ສິ່ງທີ່ສຳຄັນຢູ່ໂຮງໝໍຍັງບໍ່ທັນມີອ່າງບຳບັດນຳເສຍທີ່ໄດ້ມາດຕະຖານ. ດັ່ງນັ້ນ ໃນແຜນປີ 2021 ຈະສູ້ຊົນໃຫ້ມີລະບົບອ່າງບຳບັດນ້ຳເສຍທີ່ໄດ້ມາດຕະຖານ ພ້ອມທັງຈະມີການປັບປຸງຮ່ອງລະບາຍນ້ຳ, ຫ້ອງນ້ຳແພດ-ຫ້ອງນ້ຳລວມໃຫ້ມີຄວາມສະດວກສະບາຍດີຂຶ້ນ.

- WhatsApp Image 2020 05 27 at 5 - ຮອງລັດຖະມົນຕີກະຊວງສາທາລະນະສຸກເນັ້ນໜັກໃຫ້ ໂຮງໝໍແຂວງສະຫວັນນະເຂດເອົາໃຈໃສ່ຄວບຄຸມການຕິດເຊື້ອ
- WhatsApp Image 2020 05 27 at 5 - ຮອງລັດຖະມົນຕີກະຊວງສາທາລະນະສຸກເນັ້ນໜັກໃຫ້ ໂຮງໝໍແຂວງສະຫວັນນະເຂດເອົາໃຈໃສ່ຄວບຄຸມການຕິດເຊື້ອ
error: Alert: ເນື້ອຫາຂ່າວມີລິຂະສິດ !!