ສປປ ເກົາຫລີ ຍິງລູກສອນໄຟ ລົງທະເລຍີ່ປຸ່ນອີກ

- advert banner 728 90 728x90 - ສປປ ເກົາຫລີ ຍິງລູກສອນໄຟ ລົງທະເລຍີ່ປຸ່ນອີກ

- plt17041621340008 p1 - ສປປ ເກົາຫລີ ຍິງລູກສອນໄຟ ລົງທະເລຍີ່ປຸ່ນອີກ

- new3 - ສປປ ເກົາຫລີ ຍິງລູກສອນໄຟ ລົງທະເລຍີ່ປຸ່ນອີກ

ສຳນັກ​ຂ່າວ​ຍອນ​ຮັບ​ລາຍ​ງານ​ໂດຍ​ອ້າງ​ແຫ​ລ່ງຂ່າວ​ຈາກ​ກອງທັບ ສ.​ເກົາຫລີ ວ່າ: ​​ສປປ ​ເກົາຫລີ ​ໄດ້​ຍິງ​ລູກ​ສອນ​ໄຟ​ອີກ​ຈາກ​ແຂວງ​ພະ​ຍອງ​ອັນ​ເໜືອ ​ເຊິ່ງຕັ້ງຢູ່​ທາງ​ຕາ​ເວັນ​ຕົກ​ຂອງ​ປະ​ເທດ ​ໃນ​ເວລາ 9:40 ​ໂມງ ຂອງ​ວັນ​ທີ 4 ກໍລະກົດ ຕາມ​ເວລາ​ທ້ອງ​ຖິ່ນ (7:40 ​ໂມງ ຕາມ​ເວລາ​ຢູ່​ລາວ) ​ໂດຍ​ລູກ​ສອນ​ໄຟ​ຕົກລົງ​ໃນ​ທະ​ເລ​ຍີ່ປຸ່ນ.

 

+ ສປປ ເກົາຫລີ ຍິງລູກສອນໄຟສະກັດ ຕົກໃນນ່ານນ້ຳຍີ່ປຸ່ນ

+ UNSC ຜ່ານຍັດຕິລົງໂທດເຈົ້າໜ້າທີ່ ແລະ ອົງການ ສປປ ເກົາຫລີ

 

ລູກ​ສອນ​ໄຟ​ດັ່ງກ່າວ​ລອຍ​ຂຶ້ນ​ເປັນ​ໄລຍະ​ທາງ 930 ກິ​ໂລ​ແມັດ ​ເປັນ​ເວລາ 40 ນາທີ ກ່ອນ​ຈະ​ຕົກລົງ​ໃນ​ເຂດ​ເສດຖະກິດ​ສະ​ເພາະ​ຂອງ​ຍີ່ປຸ່ນ ​ເຮັດ​ໃຫ້​ທ່ານ ​ໂຍຊິ​ຮິ​​ເດະ ຊີ​ກະ ​ເລຂາທິການ​ຄະນະ​ລັດຖະບານ​ຍີ່ປຸ່ນ​ອອກ​ມາ​ຖະ​ແຫລ​ງວ່າ: ການ​ກະທຳ​ຂອງ ສປປ ​ເກົາຫລີ ​ແບບ​ນີ້​ເປັນ​ສິ່ງ​ທີ່​ຍອມຮັບ​ບໍ່​ໄດ້ ​ໂດຍ​ຍີ່ປຸ່ນ​ຂໍ​ປະນາມ​ການ​ຍິງ​ລູກ​ສອນ​ເທື່ອ​ນີ້ ​ແລະ ​ໄດ້​ຍື່ນ​ປະ​ທ້ວງ​ໄປຫາ ສປປ ​ເກົາຫລີ ​ແລ້ວ.

- lattana 1 - ສປປ ເກົາຫລີ ຍິງລູກສອນໄຟ ລົງທະເລຍີ່ປຸ່ນອີກ

- sjm36czv - ສປປ ເກົາຫລີ ຍິງລູກສອນໄຟ ລົງທະເລຍີ່ປຸ່ນອີກ

ສ່ວນ​ປະທານາທິບໍດີ ມຸນ ​ເຈ ອິນ ຂອງ ສ.​ເກົາຫລີ ​ໄດ້​ຮຽກ​ປະຊຸມ​ສະພາ​ຄວາມ​ໝັ້ນຄົງ​ແຫ່ງ​ຊາດຢ່າງ​ຮີບ​ດ່ວນ ພາຍຫລັງ​ການ​ຍິງ​ລູກ​ສອນ​ໄຟ​ດັ່ງກ່າວ​ຂອງ ສປປ ​ເກົາຫລີ ​ເຊິ່ງຖື​ເປັນຄັ້ງທີ 11 ​ແລ້ວ​ໃນ​ປີ​ນີ້. ​ເຖິງ​ຢ່າງ​ໃດ​ກໍ​ຕາມ, ຍັງ​ບໍ່​ຮູ້​ແນ່ນອນ​ວ່າ​ເປັນ​ລູກ​ສອນ​ໄຟປະ​ເພດ​ໃດ, ​ແຕ່​ນັກ​ຂ່າວ BBC ປະຈຳ​ນະຄອນຫລວງ​​ເຊ​ອຸນລາຍ​ງານ​ວ່າ: ​ເບິ່ງ​ຈາກ​ໄລຍະ​ການ​ຍິງ​ຂອງ​ລູກ​ສອນ​ໄຟ​ໃນ​ເທື່ອ​ຫລ້າ​ສຸດຈະ​ກວ້າງ​ໄກ​ຂຶ້ນ.

​ເຫດການ​ຍິງ​ລູກ​ສອນ​ໄຟ​ເທື່ອ​ຫລ້າ​ສຸດ​ມີ​ຂຶ້ນ ພາຍຫລັງ​ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ​ໄດ້​ສົນທະນາ​ທາງ​ໂທລະສັບ​ກັບ​ປະທານາທິບໍດີ ສີຈິ້ນຜິ​ງ ຂອງ​ຈີນ ​ແລະ ທ່ານ ຊິ​ນ​ໂຊ ອາ​ເບະ ນາຍົກລັດຖະມົນຕີຍີ່ປຸ່ນ ​ໃນ​ວັນ​ທີ 3 ກໍລະກົດ ​ເພື່ອ​ຫາລື​ບັນຫາ​ ສປປ ​ເກົາຫລີ ​ໂດຍ​ທຳນຽບປະທານາທິບໍດີ​ອາ​ເມ​ລິ​ກາ ​ໄດ້​ຖະ​ແຫລ​ງຕໍ່​ສື່​ມວນ​ຊົນ​ພາຍຫລັງ​ວ່າ: ຜູ້ນຳ​ຈີນ ​ແລະ ສ.​ເກົາຫລີ ຍັງ​ຢືນຢັນ​ຢຶດໝັ້ນ​ໃນ​ພັນທະ​ກິດ​ຂອງ​ຕົນ​ທີ່​ຈະ​ມຸ່ງ​ເຮັດ​ໃຫ້​ແຫລມ​ເກົາຫລີ​ປອດ​ນິວ​ເຄຼຍ.

- 559000002607101 - ສປປ ເກົາຫລີ ຍິງລູກສອນໄຟ ລົງທະເລຍີ່ປຸ່ນອີກ

​ໃນ​ອາທິດ​ຜ່ານ​ມາ, ຜູ້ນຳ​ອາ​ເມ​ລິ​ກາ ​ກ່າວ​ລະຫວ່າງ​ການ​ພົບ​ປະ​ຫາລື​ກັບ​ຜູ້ນຳ ສ.​ເກົາຫລີ ຢູ່​ນະຄອນຫລວງ​ວໍ​ຊິງ​ຕັນ​ວ່າ: ອາ​ເມ​ລິ​ກາສິ້ນສຸດ​ຄວາມ​ອົດທົນ​ອົດ​ກັ້ນທີ່​ມີ​ຕໍ່ ສປປ ​ເກົາຫລີ ​ແລ້ວ ​ແລະ ປັດຈຸບັນ ​ຮອດ​ເວລາ​ຕ້ອງ​ຕອບ​ໂຕ້ ສປປ ​ເກົາຫລີ ຢ່າງ​ຈິງ​ຈັງ.

error: Content is protected !!