ລາວເປີດໂຄງການຮ່ວມມືກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ

- 4343 - ລາວເປີດໂຄງການຮ່ວມມືກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ
- Untitled design - ລາວເປີດໂຄງການຮ່ວມມືກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ

ພິທີເປີດໂຄງການຮ່ວມມືກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ໄດ້ມີຂຶ້ນໃນວັນທີ 10 ທັນວານີ້ ທີ່ນະຄອນຫລວງວຽງຈັນ ລະຫວ່າງສະຫະພັນແມ່ຍິງລາວ ກັບອົງການສະຫະປະຊາຊາດ ເພື່ອການພັດທະນາ (UNDP), ອົງການສະຫະປະຊາຊາດກອງທຶນສຳລັບປະຊາກອນ (UNFPA) ປະຈຳລາວ ແລະ ອົງການຮ່ວມມືສາກົນເກົາຫລີ (KOICA) ໂດຍຈະດຳເນີນເປັນເວລາ 4 ປີ (12/2020-11/2024) ດ້ວຍທຶນທັງໝົດ 2,7 ລ້ານໂດາລາສະຫະລັດ ເພື່ອແນໃສ່ສ້າງຄວາມເຂັ້ມແຂງໃນການປ້ອງກັນຄວາມຮຸນແຮງຕໍ່ແມ່ຍິງໃນ ສປປ ລາວ ໃຫ້ມີປະສິດທິພາບຫລາຍຂຶ້ນ, ພ້ອມທັງແກ້ໄຂ ແລະ ຫລຸດຜ່ອນການສ້າງຄວາມຮຸນແຮງຕໍ່ແມ່ຍິງໃນລາວອີກດ້ວຍ.

ທ່ານ ນາງ ບົວຈັນ ສີຫານາດ ຮອງປະທານສູນກາງສະຫະພັນແມ່ຍິງລາວ ໄດ້ກ່າວວ່າ: ໂຄງການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແມ່ນຈະໄດ້ເຊື່ອມສານບົດບາດຍິງ-ຊາຍເຂົ້າໃນວາລະການພັດທະນາແຫ່ງຊາດຂອງ ສປປ ລາວ ແລະ ຈະປະກອບສ່ວນເຂົ້າໃນການຈັດຕັ້ງປະຕິບັດແຜນພັດທະນາແມ່ຍິງແຫ່ງຊາດ ຄັ້ງທີ 8, ແຜນດຳເນີນງານແຫ່ງຊາດ ເພື່ອການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ໃນປີ 2021-2025, ໂຄງການນີ້ຈະປະກອບສ່ວນເຂົ້າໃນການຈັດຕັ້ງປະຕິບັດແຜນປະຕິບັດງານພາກພື້ນອາຊຽນ ວ່າດ້ວຍການລຶບລ້າງຄວາມຮຸນແຮງຕໍ່ແມ່ຍິງ ແລະ ໃນລະດັບສາກົນ, ພ້ອມຈະປະກອບສ່ວນໂດຍກົງໃຫ້ແກ່ການບັນລຸເປົ້າໝາຍທີ 5 ແລະ ເປົ້າໝາຍທີ 16 ຂອງການພັດທະນາແບບຍືນຍົງ (SDG).

ຜູ້ຕາງໜ້າອົງການ UNDP ປະຈຳລາວ ໄດ້ກ່າວວ່າ: ດ້ວຍຄວາມເຫັນດີເຫັນພ້ອມໃນທົ່ວໂລກທີ່ນັບມື້ໄດ້ຮັບຮູ້ວ່າ: ການໃຊ້ຄວາມຮຸນແຮງຕໍ່ແມ່ຍິງເປັນການລະເມີດສິດທິມະນຸດຂັ້ນພື້ນຖານທີ່ຮ້າຍແຮງ ເຊິ່ງບັນຫາດັ່ງກ່າວແມ່ນເຫັນໄດ້ຫລາຍຂຶ້ນໃນທຸກພາກສ່ວນຂອງສັງຄົມ ແລະ ໃນປີ 2020 ນີ້, ໄດ້ມີການແຜ່ລະບາດຂອງໂຄວິດ-19 ເຮັດໃຫ້ຄວາມບໍ່ສະເໝີພາບລະຫວ່າງຍິງ-ຊາຍ ແລະ ສັງຄົມມີການເພີ່ມທະວີຫລາຍຂຶ້ນ.

- Wave100S AD to Website 2020 0 - ລາວເປີດໂຄງການຮ່ວມມືກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ
- WhatsApp Image 2020 05 27 at 5 - ລາວເປີດໂຄງການຮ່ວມມືກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ
- WhatsApp Image 2020 05 27 at 5 - ລາວເປີດໂຄງການຮ່ວມມືກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ
error: Alert: ເນື້ອຫາຂ່າວມີລິຂະສິດ !!