1 ປີ ຟູດແພນດ້າລາວ ຂະຫຍາຍຕົວຢ່າງກະໂດດຂັ້ນດ້ານການສົ່ງອາຫານອອນລາຍໃນຂອບເຂດທົ່ວປະເທດ

- 130223669 3603759203050647 5259123256403926635 n - 1 ປີ ຟູດແພນດ້າລາວ ຂະຫຍາຍຕົວຢ່າງກະໂດດຂັ້ນດ້ານການສົ່ງອາຫານອອນລາຍໃນຂອບເຂດທົ່ວປະເທດ
- Untitled design - 1 ປີ ຟູດແພນດ້າລາວ ຂະຫຍາຍຕົວຢ່າງກະໂດດຂັ້ນດ້ານການສົ່ງອາຫານອອນລາຍໃນຂອບເຂດທົ່ວປະເທດ

foodpanda ຫຼື ທີ່ຮູ້ຈັກກັນດີໃນນາມ ແພນດ້າສີບົວ ຜູ້ສ້າງພຶດຕິກຳການກິນແບບໃໝ່ໃຫ້ກັບຜູ້ບໍລິໂພກໃນລາວ ທັງເປັນຜູ້ພິກວົງການຈ້າງງານພະນັກງານອິດສະລະ, ເບີກທາງການເຮັດວຽກຮູບແບບໃໝ່ໃຫ້ນັກຂັບຂີ່ບ້ານເຮົາ ແລະ ທີ່ສໍາຄັນເປັນຜູ້ພັດທະນາຊ່ອງທາງການຂາຍໃຫ້ຮ້ານອາຫານ ຈົນກາຍເປັນຜູ້ນຳທາງດ້ານການຈັດສົ່ງອາຫານອັນດັບໜຶ່ງ.

 

ຟູດແພນດ້າລາວ ເປີດໃຫ້ບໍລິການຢ່າງເປັນທາງການໃນໃນວັນທີ 4 ພະຈິກ 2019 ເປັນຕົ້ນມາ ເຊິ່ງເປັນຄວາມທ້າທາຍຢ່າງຍິ່ງ ທີ່ບໍລິສັດເດລິເວີຣີ່ລະດັບສາກົນ ຕັດສິນໃຈເຂົ້າມາລົງທຶນໃນລາວ, ເນື່ອງຈາກເປັນເຄື່ອງມືການຊື້ອາຫານ “ທາງອອນລາຍ” ຈຶ່ງເປັນສິ່ງແປກໃໝ່ສຳລັບຄົນລາວຫຼາຍ ແຕ່ໃນທ້າຍທີ່ສຸດດ້ວຍກົນລະຍຸດ ແລະ ຄວາມເອົາໃຈໃສ່ຕໍ່ກັບສິ່ງທ້າທາຍເຫຼົ່ານັ້ນ “ຟູດແພນດ້າລາວ” ຈຶ່ງສາມາດຢືນໜຶ່ງໄດ້ໃນອຸສາຫະກໍາປະເພດນີ້.

ໃນການເຂົ້າມາຂອງ ຟູດແພນດ້າ ນອກຈາກມີຄວາມຕັ້ງໃຈເຂົ້າມາເປັນຜູ້ໃຫ້ບໍລິການດ້ານການຈັດສົ່ງອາຫານແລ້ວ ຄະນະຜູ້ບໍລິຫານມີຄວາມມຸ່ງໝັ້ນຕັ້ງໃຈໃຫ້ເປັນອົງກອນໜຶ່ງໃນການສ້າງບຸກຄະລາກອນທີ່ມີຄຸນນະພາບ ໂດຍການນຳໃຊ້ຫຼັກວິຊາການ, ມາຕະຖານຂອງການບໍລິການອັນດຽວກັບບໍລິສັດແມ່ ແລະ ຟູດແພນດ້າຕາມປະເທດຕ່າງໆ ທັງນີ້ກໍເພື່ອຄົງໄວ້ເຊິ່ງຄວາມເພິ່ງພໍໃຈຂອງຄູ່ຮ່ວມທຸລະກິດນັ້ນເອງ ຕັ້ງແຕ່ມື້ເລີ່ມໃຫ້ບໍລິການຈົນມາເຖິງປັດຈຸບັນ ສ້າງບຸກຄະລາກອນທີ່ມີຄຸນນະພາບແລ້ວ ກວ່າຮ້ອຍຄົນ ແລະ ມີໄຣເດີ ເປັນພະນັງງານຂົນສົ່ງອິດສະຫຼະ ຫຼາຍກວ່າພັນຄົນໃນທົ່ວປະເທດ.

ນອກຈາກສິ່ງທ້າທາຍທີ່ກ່າວມາເບື້ອງຕົ້ນນັ້ນ ຍັງມີອີກສິ່ງໜຶ່ງນັ້ນກໍຄືວິກິດການແຜ່ລະບາດເຊື້ອພະຍາດ covid-19 ມີການຈຳກັດການເດີນທາງ ຫຼື Lock Down ເກີດຂຶ້ນ ຟູດແພນດ້າລາວ ບໍ່ເມີນເສີຍກັບບັນຫາດັ່ງກ່າວ ແຕ່ໃນທາງກັບກັນ  ໄດ້ພິກບົດບາດກາຍເປັນຜູ້ຍື່ນມືໃຫ້ຄວາມຊ່ວຍເຫຼືອກັບບັນດາຜູ້ປະກອບການທາງດ້ານອາຫານ ທັງລາຍເກົ່າ ແລະ ໃໝ່ ໄດ້ຫຼາຍທີ່ສຸດ, ເນື່ອງດ້ວຍວິໄສທັດ ແລະ ມຸ່ງໝັ້ນຕັ້ງໃຈນີ້ເອງຈຶ່ງ ໄດ້ຫັນວິກິດເປັນໂອກາດ ກ້າວຂ້າມຂີດຈຳກັດໃນຊ່ວງຂະນະນັ້ນ ດ້ວຍການເພີ່ມຂະຫຍາຍຈຳນວນ ໄຣເດີໃຫ້ຫຼາຍຂຶ້ນ. ພ້ອມທັງເນັ້ນມາດຕາການຕ່າງໆທີ່ບໍ່ຂັດກັບທາງພາກລັດ ສົ່ງເສີມໃຫ້ທຸລະກິດຮ້ານອາຫານຂະໜາດກາງ-ນ້ອຍ ໄປຈົນເຖິງຜູ້ທີ່ປະກອບການທີ່ບໍ່ມີໜ້າຮ້ານ. ໂດຍໃຫ້ການສົ່ງເສີມແບບເທົ່າທຽບ ຈົນກາຍເປັນໜຶ່ງຊ່ອງທາງເພີ່ມລາຍໄດ້ທີ່ຮືຮາ ແລະ ກາຍເປັນຜູ້ສ້າງວັດທະນະທຳໃໝ່ໃນການກິນໃຫ້ກັບຄົນລາວທີ່ຢູ່ໃນນະຄອນຫຼວງວຽງຈັນ ແລະ ຄ່ອຍໆຂະຫຍາຍຕົວໄປຕາມແຂວງໃຫຍ່ໆໃນທົ່ວປະເທດ.

ດ້ວຍເຫດນີ້ດ້ວຍໄລຍະພຽງ 1 ປີ ຟູດແພນດ້າລາວ ຈຶ່ງສາມາດຂະຫຍາຍຮ້ານຄ້າເຂົ້າໃນລະບົບໄດ້ຢ່າງຫຼວງຫຼາຍ, ເປັນການຂະຫຍາຍຕົວຢ່າງກ້າວກະໂດດຢ່າງຍິ່ງສຳລັບຕະຫຼາດໃໝ່ຄືປະເທດລາວ ແລະ ມີທ່າທີວ່າ ອັດຕາການເຕີບໂຕຢ່າງຕໍ່ເນື່ອງອີກໃນປີ 2021 ເຊິ່ງເຫັນໄດ້ຈາກຍອດການສັ່ງອາຫານແບບອອນລາຍໃນແຕ່ລະເດືອນ ແລະ ຍອດຜູ້ຊົມໃຊ້ແອັບພຣິເຄຊັ້ນເພີ່ມຂຶ້ນ. ດ້ວຍເຫດນັ້ນ, ການເຕີບໂຕຂອງຮ້ານຄ້າ ກໍໝາຍເຖິງການເຕີບໃຫຍ່ຂະຫຍາຍຕົວທາງດ້ານບຸກຄະລາກອນຈັດສົ່ງອາຫານ ເຊິ່ງມາຮອດປັດຈຸບັນນີ້ມີໄຣເດີ ຫຼາຍກວ່າພັນຊີວິດ ກວມເອົາທັງໝົດມີ 10 ແຂວງ ແລະ ຍັງມີແຜນຂະຫຍາຍການບໍລິການ ໄປໃນຂອບເຂດທົ່ວປະເທດ ພາຍໃນ ປີ 2021.

- Wave100S AD to Website 2020 0 - 1 ປີ ຟູດແພນດ້າລາວ ຂະຫຍາຍຕົວຢ່າງກະໂດດຂັ້ນດ້ານການສົ່ງອາຫານອອນລາຍໃນຂອບເຂດທົ່ວປະເທດ

ສິ່ງທີ່ເປັນຕົວກາລັນຕີໃຫ້ກັບ ຟູດແພນດ້າລາວ ໃນການຕັດສິນໃຈຂອງບັນດາຮ້ານອາຫານຮ້ານຄ້າ ໃຫ້ເຂົ້າມາຮ່ວມເປັນຄູ່ຄ້າທຸລະກິດ ກໍຄົງໜີບໍ່ພົ້ນຈຸດແຂງຂອງຟູດແພນດ້າທີ່ຍຶດຖືມາໂດຍຕະຫຼອດກໍຄື ລາຄາທີ່ຖືກກວ່າ ແລະ ການຈັດສົ່ງທີ່ວ່ອງໄວທັນໃຈ. ການໃສ່ໃຈເຖິງການສານສຳພັນກັບລູກຄ້າ ເອົາໃຈໃສ່ພັດທະນາສົ່ງເສີມການຂາຍທີ່ມີຄວາມຫຼາກຫຼາຍ ຕະຫຼອດໄລຍະທີ່ຜ່ານມາ, ຟູດແພນດ້າ ໄດ້ສະແດງສັກກະຍະພາບເຖິງຄວາມໝັ້ນຄົງ ການພັດທະນາຢ່າງບໍ່ຢຸດຢັ້ງ ແລະ ສາມາດສ້າງລາຍຮັບໄດ້ຢ່າງແທ້ຈິງ ຈຶ່ງກາຍເປັນທາງເລືອກໜຶ່ງໃຫ້ແກ່ເຈົ້າຂອງທຸລະກິດ ກໍຄືບັນດາຮ້ານຄ້າ ຮ້ານອາຫານປະເພດຕ່າງໆ ກ້າທີ່ຈະຕັດສິນໃຈໃນການເຂົ້າຮ່ວມທຸລະກິດ. ພາຍຫຼັງຮ້ານຄ້າ-ຮ້ານອາຫານທີ່ເຂົ້າຮ່ວມ ທີມງານ ຟູດແພນດ້າລາວ ແມ່ນມີຄວາມຕັ້ງໃຈທີ່ຈະຊ່ວຍກະຕຸ້ນ ຊ່ວຍສະໜັບສະໜູນ ດ້ວຍການເຮັດການຕະຫຼາດຮູບແບບໃໝ່ໆຢູ່ຕະຫຼອດເວລາ ສ້າງຄວາມແປກໃໝ່ໃຫ້ກັບຜູ້ບໍລິໂພກ ແລະ ເພີ່ມຍອດຂາຍໃຫ້ກັບຮ້ານຄ້າຫຼາຍຂຶ້ນ, ການພັດທະນາຟັງຊັ້ນຂອງແອັບພຣິເຄຊັ້ນ, ການເພິ່ມກິດຈະກຳສະສົມຕ່າງໆເພື່ອຄືນກຳໄລໃຫ້ກັບຜູ້ບໍລິໂພກ ເພື່ອເປັນຫຼາຍກວ່າຜູ້ນຳທາງດ້ານການຈັດສົ່ງອາຫານ.

ຕະຫຼອດໄລຍະ 1 ປີຂອງ ຟູດແພນດ້າ ທີ່ດຳເນີນທຸລະກິດໃນ ສປປ.ລາວ ຈົນໄດ້ຮັບປະສົບຜົນສຳເລັດຕາມທີ່ຄາດຫວັງໄວ້ນັ້ນ ກໍລ້ວນແລ້ວມາຈາກການສະໜັບສະໜູນດ້ວຍດີຕະຫຼອດມາຂອງພີ່ນ້ອງຊາວລາວທຸກທ່ານ ກໍຄືບັນດາຮ້ານຄ້າຄູ່ຮ່ວມທຸລະກິດ ທີ່ໃຫ້ກະແສຕອບຮັບທີ່ດີແລະເຂົ້າມາເປັນສ່ວນໜຶ່ງໃນລະບົບຂອງຟູດແພນດ້າ ລວມໄປເຖິງບັນດາທີມງານທຸກຄົນທີ່ຕ່າງກໍທຸ້ມເທແຮງກາຍແຮງໃຈພ້ອມທີ່ຈະເຕີບໃຫຍ່ໄປພ້ອມກັນ.

 

 

- WhatsApp Image 2020 05 27 at 5 - 1 ປີ ຟູດແພນດ້າລາວ ຂະຫຍາຍຕົວຢ່າງກະໂດດຂັ້ນດ້ານການສົ່ງອາຫານອອນລາຍໃນຂອບເຂດທົ່ວປະເທດ
- WhatsApp Image 2020 05 27 at 5 - 1 ປີ ຟູດແພນດ້າລາວ ຂະຫຍາຍຕົວຢ່າງກະໂດດຂັ້ນດ້ານການສົ່ງອາຫານອອນລາຍໃນຂອບເຂດທົ່ວປະເທດ
error: Alert: ເນື້ອຫາຂ່າວມີລິຂະສິດ !!