ຈີນປະສົບບັນຫາຕູ້ຄອນເທນເນີຂາດເຂີນ ສົ່ງອອກຕາມລາຍການບໍ່ທັນ

- 2020 12 10T084756Z 1 LE4 RTRLXPP 2 LYNXPACKAGER - ຈີນປະສົບບັນຫາຕູ້ຄອນເທນເນີຂາດເຂີນ ສົ່ງອອກຕາມລາຍການບໍ່ທັນ
- Untitled design - ຈີນປະສົບບັນຫາຕູ້ຄອນເທນເນີຂາດເຂີນ ສົ່ງອອກຕາມລາຍການບໍ່ທັນ

ຕູ້​ຄອນ​ເທ​ນ​ເນີ​ກາຍ​ເປັນ​ສິ່ງ​ທີ່​ມີຄ່າ​ຫລາຍ​ໃນ​ການ​ຂົນ​ສົ່ງ​ສິນຄ້າ​ຈາກ​ຈີນ ຈົນ​ອາດ​ເຖິງ​ຂັ້ນດຶງ​ຕົວ​ເລກ​ການ​ສົ່ງ​ອອກ​ຊ່ວງ​ທ້າຍ​ປີ​ນີ້.

ວັນ​ທີ 10 ທັນວາ​ນີ້, ສຳນັກ​ຂ່າວຣອຍ​ເຕີ​ລາຍ​ງານ​ວ່າ: ຂະ​ແໜງ​ການ​ສົ່ງ​ອອກ​ຂອງ​ຈີນ​ກຳລັງ​ປະສົບ​ບັນຫາ​ຈາກ​ການ​ຂາດ​ເຂີນ​ຕູ້​ຄອນ​ເທ​ນ​ເນີ​ທີ່​ໃຊ້​ສົ່ງ​ສິນຄ້າ​ທາງ​ເຮືອ​ໄປ​ປະ​ເທດ​ຕ່າງໆ ​ເຮັດ​ໃຫ້​ມີ​ຍອດ​ສັ່ງ​ຊື້ຕົກ​ຄ້າງ​ເປັນ​ຈຳນວນ​ຫລາຍ ​ເນື່ອງ​ຈາກ​ບໍ່​ສາມາດ​ສົ່ງ​ອອກ​ສິນຄ້າ​ໄດ້​ທັນ.

ຄວາມ​ບໍ່​ສົມ​ດູ​ນ​ໃນ​ການ​ນຳ​ເຂົ້າ ​ແລະ ສົ່ງ​ອອກ​ຂອງ​ຈີນ ​ເຮັດ​ໃຫ້ການ​ທີ່​ຈີນ​ໃຊ້​ຕູ້​ຄອນ​ເທ​ນ​ເນີ 3 ຕູ້ ສົ່ງ​ສິນຄ້າ​ອອກ​ໄປ​ຕ່າງປະ​ເທດ ຈະ​ມີ​ການ​ສົ່ງ​ສິນຄ້າ​ກັບ​ມາ​ພຽງ​ຕູ້​ດຽວ​ເທົ່າ​ນັ້ນ ​ແລະ ຄວາມ​ຊັກ​ຊ້າ​ໃນ​ການ​ຂົນ​ສົ່ງ​ທີ່​ເກີດ​ຈາກ​ການລະບາດ​ຂອງ​ພະຍາດ​ໂຄ​ວິດ-19 ​ເຮັດ​ໃຫ້​ຈີນ​ທີ່​ບໍ່​ໄດ້​ມີ​ບັນຫາ​ການລະບາດ​ຂອງ​ເຊື້ອ​ໄວຣັສ​ໃນ​ປະ​ເທດ ​ເລີ່​ມປະສົບ​ບັນຫາ​ການ​ສົ່ງ​ອອກ​ຕາມ​ໄປ​ນຳ ​ເນື່ອງ​ຈາກ​ມີ​ຕູ້​ໃສ່​ສິນຄ້າ​ບໍ່​ພຽງພໍ.

ຕາມ​ລາຍ​ງານ​ລະບຸ​ວ່າ: ​ໃນ​ການ​ຂົນ​ສົ່ງ​ສິນຄ້າ​ທົ່ວ​ໂລກ ປະມານ 60% ​ເປັນ​ການ​ຂົນ​ໂດຍ​ໃສ່​ຕູ້​ຄອນ​ເທ​ນ​ເນີ ​ແລະ ຂໍ້​ມູນ​ຈາກ​ອົງການ​ສະຫະ​ປະຊາ​ຊາດ​ເປີດ​ເຜີຍ​ວ່າ: ປັດຈຸບັນ​ທົ່ວ​ໂລກ​ມີ​ຕູ້​ຄອ​ນ​ເທ​ນ​ເນີ​ທັງ​ໝົດ​ເກືອບ 180 ລ້ານ​ຕູ້.

​ເຖິງ​ວ່າ​ຜູ້​ຜະລິດ​ຕູ້​ຄອນ​ເທ​ນ​ເນີ​ຢູ່​ຈີນ ​ເຊິ່ງຜະລິດ​ຕູ້​ຄອນ​ເທ​ນ​ເນີ​ໃນ​ອັດຕາ 96% ຂອງ​ທົ່ວ​ໂລກ ຈະ​ພະຍາຍາມ​ເພີ່ມ​ກຳລັງ​ການ​ຜະລິດ, ​ແຕ່​ຍັງ​ຫ່າງ​ໄກ​ຕໍ່​ປະລິມານ​ທີ່​ຕ້ອງການ ​ໂດຍ​ທາງ​ສະມາຄົມ​ອຸດສາຫະກຳ​ຕູ້​ຄອນ​ເທ​ນ​ເນີ​ຂອງ​ຈີນ (China Container Industry Association) ຫລື CCIA ​ເປີດ​ເຜີຍ​ວ່າ: ​ໃນ​ເດືອນ​ກັນຍາ​ຜ່ານ​ມາ, ຈີນ​ຜະລິດ​ຕູ້​ຄອນ​ເທ​ນ​ເນີ​ເຖິງ 300.000 ຕູ້ ​ເຊິ່ງ​ເປັນ​ປະລິມານ​ການ​ຜະລິດ​ສູງ​ທີ່​ສຸດ​ໃນ​ຮອບ 5 ປີ.

- Wave100S AD to Website 2020 0 - ຈີນປະສົບບັນຫາຕູ້ຄອນເທນເນີຂາດເຂີນ ສົ່ງອອກຕາມລາຍການບໍ່ທັນ

ຜູ້​ສົ່ງ​ອອກ​ແຫ່ງ​ໜຶ່ງ​ຢູ່​ຈີນ​ເປີດ​ເຜີຍ​ວ່າ: ສະພາບ​ດັ່ງກ່າວ​ເຮັດ​ໃຫ້​ຄ່າ​ຂົນ​ສົ່ງ​ເພີ່ມ​ຂຶ້ນ​ເຖິງ 3 ​ເທົ່າ ​ແລະ ຍັງ​ຕ້ອງ​ຖ້າ​ຄິວ​ອີກ 2-4 ອາທິດ ​ໂດຍ​ບໍ່​ກາ​ຮັບປະກັນ​ວ່າ​ສິນຄ້າ​ເຫລົ່ານັ້ນຈະ​ໄດ້​ສົ່ງ​ຕາມ​ເວລາ​ທີ່​ກຳນົດ ຫລື ບໍ່.

ຂະນະ​ທີ່​ການ​ຂົນ​ສົ່ງ​ທາງ​ເຮືອ​ມີ​ຈຳກັດ, ການ​ຂົນ​ສົ່ງ​ທາ​ງອາກາດ ຫລື ຄາຣ​ໂກ ກໍ​ປະສົບ​ບັນຫາ​​ເຊັ່ນ​ກັນ ຈາກ​ການ​ທີ່​ຖ້ຽວ​ບິນ​ການ​ຄ້າ​ສາກົນ​ມີ​ໜ້ອຍ​ລົງ ​ເຮັດ​ໃຫ້​ສິນຄ້າ​ປົກກະຕິ​ສາມາດ​ສົ່ງ​ຜ່ານ​ຖ້ຽວ​ບິນ​ປົກກະຕິ​ທີ່​ພາ​ຜູ້​ໂດຍສານ​ໄປ​ກັບ​ລະຫວ່າງ​ປະ​ເທດ​ນັ້ນບໍ່​ສາມາດ​ຂົນ​ສົ່ງ​ດ້ວຍ​ວິທີ​ເກົ່າ​ໄດ້ ​ເຮັດ​ໃຫ້​ລາຄາ​ເພີ່ມ​ສູງ​ຂຶ້ນຕາມ​ໄປ​ນຳ.

- WhatsApp Image 2020 05 27 at 5 - ຈີນປະສົບບັນຫາຕູ້ຄອນເທນເນີຂາດເຂີນ ສົ່ງອອກຕາມລາຍການບໍ່ທັນ
- WhatsApp Image 2020 05 27 at 5 - ຈີນປະສົບບັນຫາຕູ້ຄອນເທນເນີຂາດເຂີນ ສົ່ງອອກຕາມລາຍການບໍ່ທັນ
error: Alert: ເນື້ອຫາຂ່າວມີລິຂະສິດ !!