ອຢ ອາເມລິກາ ຮັບຮອງການນຳໃຊ້ວັກຊີນຕ້ານໂຄວິດ-19 ຈາກ Pfizer ເປັນກໍລະນີສຸກເສີນແລ້ວ

- UPDATE united states fda voted accept pfizer vaccine - ອຢ ອາເມລິກາ ຮັບຮອງການນຳໃຊ້ວັກຊີນຕ້ານໂຄວິດ-19 ຈາກ Pfizer ເປັນກໍລະນີສຸກເສີນແລ້ວ
- Untitled design - ອຢ ອາເມລິກາ ຮັບຮອງການນຳໃຊ້ວັກຊີນຕ້ານໂຄວິດ-19 ຈາກ Pfizer ເປັນກໍລະນີສຸກເສີນແລ້ວ

ວັນ​ທີ 11 ທັນວາ, ອົງການ​ອາຫານ ​ແລະ ຢາ ຂອງ​ອາ​ເມ​ລິ​ກາ (FDA) ມີ​ກຳນົດ​ເຂົ້າຮ່ວມ​ກອງ​ປະຊຸມ​ເພື່ອ​ພິຈາລະນາ​ການ​ອະນຸຍາດ​ນຳ​ໃຊ້​ວັກ​ຊີ​ນຕ້ານ​ໂຄ​ວິດ-19 ຈາກ Pfizer-BioNTech ​ເປັນ​ກໍລະນີ​ສຸກ​ເສີນ ​ເພື່ອ​ຮັບ​ມື​ວິ​ກິດ​ໂຄ​ວິດ-19 ທີ່​ທ້າ​ທາຍ​ລະບົບ​ການ​ແພດ ​ແລະ ສາທາລະນະ​ສຸກ​ຂອງ​ອາ​ເມ​ລິ​ກາມາ​ຍາວ​ນານ​ເກືອບ 1 ປີ.

ຫລ້າ​ສຸດ, ຄະນະ​ກຳມະການອາຫານ ​ແລະ ຢາ​ຂອງ​ອາ​ເມ​ລິ​ກາ ລວມທັງ​ຄະນະ​ກຳມະການ​ທີ່​ກ່ຽວຂ້ອງ​ຄື VRBPAC ລົງ​ຄະ​ແນນ​ຮັບຮອງ​ການ​ນຳ​ໃຊ້​ວັກ​ຊີ​ນຕ້ານ​ໂຄ​ວິດ-19 ​ເປັນ​ກໍລະນີ​ສຸກ​ເສີນ​ແລ້ວ ​ໂດຍ​ມີ​ສຽງ​ສະໜັບສະໜູນ 17 ສຽງ, ບໍ່​ສະໜັບສະໜູນ 4 ສຽງ ​ແລະ ງົດ​ອອກສຽງ 1 ສຽງ. ຈາກ​ມະຕິ​ດັ່ງກ່າວ​ຈະ​ເຮັດ​ໃຫ້​ຜູ້​ຜະລິດ ​ແລະ ທົດ​ລອງ​ວັກ​ຊີ​ນ ລວມທັງ​ໂຄງການ Operation Warp Speed ສາມາດ​ເລີ່​ມ​ແຈກ​ຢາຍ ​ແລະ ກະຈາຍ​ວັກ​ຊີ​ນ​ໄປ​ລັດ​ຕ່າງໆ​ໄດ້.

​​ແຕ່​​ເຖິງ​ຢ່າງ​ໃດ​ກໍ​ຕາມ, ຍັງ​ຈຳ​ເປັນ​ຕ້ອງ​ຖ້າ​ມະຕິ​ຈາກ​ຄະນະ​ກຳມະການ​ຄວບ​ຄຸມ ​ແລະ ປ້ອງ​ກັນ​ພະຍາດ​ຂອງ​ອາ​ເມ​ລິ​ກາ (CDC) ກ່ອນ ຈຶ່ງ​ຈະ​ສາມາດ​ເລີ່​ມຕົ້ນສັກ​ວັກ​ຊີ​ນ​ໃຫ້​ປະຊາຊົນ​ໄດ້, ຄາດ​ວ່າ​ຄະນະ​ກຳມະການ​ຂອງ CDC ມີ​ກຳນົດ​ພິຈາລະນາ​ຄວາມ​ປອດ​ໄພ ​ແລະ ປະສິດທິພາບ​ຂອງ​ວັກ​ຊີ​ນຕ້ານ​ໂຄ​ວິດ-19 ຈາກ Pfizer-BioNTech ​ໃນ​ວັນ​ທີ 13 ທັນວາ​ນີ້ ຖ້າ CDC ມີ​ມະຕິ​ຮັບຮອງ ວັກ​ຊີ​ນຈາກ Pfizer-BioNTech ຈະ​ເປັນ​ວັກ​ຊີ​ນຕ້ານ​ໂຄ​ວິດ-19 ບໍລິສັດ​ທຳ​ອິດ​ທີ່​ໄດ້​ຮັບ​ອະນຸຍາດ​ໃຫ້​ມີ​ການ​ນຳ​ໃຊ້​​ໃນ​ວົງ​ກວ້າງ​ຢ່າ​ງ​ເປັນ​ທາງ​ການ​ຢູ່​ອາ​ເມ​ລິ​ກາ ກ່ອນ​ຄະນະ​ກຳມະການ​ອາຫານ ​ແລະ ຢາ​ຈະ​ມີ​ກຳນົດ​ພິຈາລະນາ ການ​ອະນຸຍາດ​ນຳ​ໃຊ້​ວັກ​ຊີ​ນຕ້ານ​ໂຄ​ວິດ-19 ຈາກ Moderna ​ໃນ​ວັນ​ທີ 17 ທັນວາ​ນີ້ ຕາມ​ເວລາ​ທ້ອງ​ຖິ່ນ.

- Wave100S AD to Website 2020 0 - ອຢ ອາເມລິກາ ຮັບຮອງການນຳໃຊ້ວັກຊີນຕ້ານໂຄວິດ-19 ຈາກ Pfizer ເປັນກໍລະນີສຸກເສີນແລ້ວ

ຫລ້າ​ສຸດ, ທົ່ວ​ໂລກ​ມີ​ຜູ້​ຕິດ​ເຊື້ອສະ​ສົມ​ແລ້ວ​ເກືອບ 69,5 ລ້ານ​ຄົນ (69.496.859 ຄົນ), ປິ່ນປົວ​ຫາຍ 49 ລ້ານ​ກວ່າ​ຄົນ (49.139.558 ຄົນ) ຫລື ປະມານ 69% ຂອງ​ຜູ້ຕິດ​ເຊື້ອທັງ​ໝົດ, ​ເສຍ​ຊີວິດ​ແລ້ວ 1.580.727 ຄົນ ອັດຕາ​ການ​ເສຍ​ຊີວິດ​ປະມານ 2,3%.

ປະ​ເທດ​ທີ່​ມີ​ຜູ້​ຕິດ​ເຊື້ອສະ​ສົມ​ຫລາຍ​ທີ່​ສຸດ 5 ອັນ​ດັບ​ທຳ​ອິດ​ຄື: ອາ​ເມ​ລິ​ກາ (15.599.122 ຄົນ), ຮອງ​ລົງ​ມາ​ອິນ​ເດຍ (9.767.371 ຄົນ), ບຣາຊິ​ລ (6.781.799 ຄົນ), ຣັດ​ເຊຍ (2.546.113 ຄົນ) ​ແລະ ຝຣັ່ງ (2.391.643 ຄົນ), ພົບ​ຜູ້​ຕິດ​ເຊື້ອ​ແລ້ວ​ຢ່າງ​ໜ້ອຍ 185 ຈາກ 193 ປະ​ເທດ​ທົ່ວ​ໂລກ.

- WhatsApp Image 2020 05 27 at 5 - ອຢ ອາເມລິກາ ຮັບຮອງການນຳໃຊ້ວັກຊີນຕ້ານໂຄວິດ-19 ຈາກ Pfizer ເປັນກໍລະນີສຸກເສີນແລ້ວ
- WhatsApp Image 2020 05 27 at 5 - ອຢ ອາເມລິກາ ຮັບຮອງການນຳໃຊ້ວັກຊີນຕ້ານໂຄວິດ-19 ຈາກ Pfizer ເປັນກໍລະນີສຸກເສີນແລ້ວ
error: Alert: ເນື້ອຫາຂ່າວມີລິຂະສິດ !!