ແຂວງເຊກອງ ສໍາຫຼວດສະຖິຕິກະສິກຳສໍາເລັດແລ້ວ 94%

- 35 - ແຂວງເຊກອງ ສໍາຫຼວດສະຖິຕິກະສິກຳສໍາເລັດແລ້ວ 94%
- Untitled design - ແຂວງເຊກອງ ສໍາຫຼວດສະຖິຕິກະສິກຳສໍາເລັດແລ້ວ 94%

- 001 300x260 - ແຂວງເຊກອງ ສໍາຫຼວດສະຖິຕິກະສິກຳສໍາເລັດແລ້ວ 94%

ໃນວັນທີ 10 ທັນວານີ້, ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ຄະນະຊີ້ນໍາການສໍາຫຼວດສະຖິຕິກະສິກຳລະດັບຊາດ ແລະທ່ານ ບຸນມີ ວິໄລຈິດ ຫົວໜ້າຫ້ອງການສູນສະຖິຕິແຫ່ງຊາດ ພ້ອມຄະນະ ໄດ້ລົງຕິດຕາມ, ກວດກາຄວາມຄືບໜ້າການຈັດຕັ້ງປະຕິບັດການເດີນສໍາຫຼວດສະຖິຕິກະສິກຳທົ່ວປະເທດ ຄັ້ງທີ III ຢູ່ເມືອງທ່າແຕງ ແຂວງເຊກອງ ໂດຍໄດ້ຮັບຟັງການລາຍງານເຖິງຜົນການຈັດຕັ້ງປະຕິບັດການສໍາຫຼວດຢູ່ແຂວງເຊກອງ ໃນ 4 ຕົວເມືອງ ແມ່ນໄດ້ເລີ່ມຈັດຕັ້ງປະຕິບັດມາແຕ່ວັນທີ 15 ພະຈິກ 2020, ມາຮອດປັດຈຸບັນນີ້ ສໍາເລັດແລ້ວ 94% ແລະ ຄາດວ່າຈະໃຫ້ສໍາເລັດວັນທີ 15 ທັນວາ 2020.

- 0012 300x283 - ແຂວງເຊກອງ ສໍາຫຼວດສະຖິຕິກະສິກຳສໍາເລັດແລ້ວ 94%

ທ່ານ ສີສຸພັນ ອິນທານຸວົງ ຫົວໜ້າສູນສະຖິຕິປະຈໍາແຂວງເຊກອງ, ຄະນະຊີ້ນໍາການສໍາຫຼວດສະຖິຕິກະສິກຳຂັ້ນແຂວງ ລາຍງານວ່າ: ການສໍາຫຼວດສະຖິຕິກະສິກຳຢູ່ແຂວງເຊກອງ ໃນປີ 2019-2020 ເຊິ່ງມີຈໍານວນບ້ານຕົວແທນກະສິກໍາ 67 ບ້ານ, ມີຄົວເຮືອນຕົວແທນທັງໝົດ 1.050 ຄົວເຮືອນ ເຊິ່ງໃນນີ້ ເມືອງລະມາມ ມີ 14 ບ້ານ, ທ່າແຕງ 18 ບ້ານ, ກະລຶມ 15 ບ້ານ ແລະເມືອງດາກຈຶງ 20 ບ້ານ, ມີນັກກວດກາ ແລະນັກເດີນສໍາຫຼວດ 24 ຄົນ ເຊິ່ງເຮັດໜ້າທີ່ໃນການປະສານກັບອໍານາດການປົກຄອງບ້ານ, ຂຶ້ນແຜນເດີນສໍາຫຼວດ, ສໍາພາດຄົວເຮືອນ ແລະມີການລາຍງານສະພາບຄວາມຄືບໜ້າຂອງການເດີນສໍາຫຼວດໃນແຕ່ລະວັນໃຫ້ຄະນະຊີ້ນໍາຂັ້ນແຂວງ, ຫ້ອງການສໍາຫຼວດໄດ້ຮັບຊາບເປັນປົກກະຕິ ແລະມີການປະສານງານກັນຢ່າງລະອຽ ແລະວ່ອງໄວ ທັນກັບສະພາບການ ໂດຍນໍາໃຊ້ເຄື່ອງມືທີ່ທັນສະໄໝ ເພື່ອລາຍງານຄວາມຄືບໜ້າໃນແຕ່ລະວັນ, ເຊິ່ງນັບຈາກໄລຍະເວລາທີ່ຈັດຕັ້ງປະຕິບັດການເດີນສໍາຫຼວດ ໄດ້ເກືອບ 1 ເດືອນ ສາມາດຈັດຕັ້ງປະຕິບັດສໍາເລັດແລ້ວ 94%, ໃນນີ້ ເມືອງລະມາມ ສໍາເລັດ 100%, ມີຄົວເຮືອນຕົວແທນກະສິກໍາ 224 ຄົວເຮືອນ, ເມືອງທ່າແຕງ ສໍາເລັດ 100%, ມີຄົວເຮືອນຕົວແທນ 288 ຄົວເຮືອນ, ເມືອງກະລຶມ ສໍາເລັດ 86,7%, ມີຄົວເຮືອນຕົວແທນ 218 ຄົວເຮືອນ, ຍັງເຫຼືອ 2 ບ້ານທີ່ຈັດຕັ້ງປະຕິບັດບໍ່ທັນສໍາເລັດ ແລະເມືອງດາກຈຶງ ປະຕິບັດສໍາເລັດ 90%, ມີຄົວເຮືອນຕົວແທນ 320 ຄົວເຮືອນ ແລະຍັງອີກ 2 ບ້ານ ທີ່ຈັດຕັ້ງປະຕິບັດບໍ່ທັນສໍາເລັດ; ສໍາລັບ 4 ບ້ານ, 69 ຄົວເຮືອນ ທີ່ຍັງຈັດຕັ້ງປະຕິບັດບໍ່ທັນສໍາເລັດ ແມ່ນຈະໄດ້ຮີບຮ້ອນສືບຕໍ່ປະຕິບັດການເດີນສໍາຫຼວດສະຖິຕິກະສິກຳ ໃຫ້ສໍາເລັດທັນຕາມກຳນົດເວລາ ກ່ອນວັນທີ 15 ທັນວາ 2020 ນີ້.

- Wave100S AD to Website 2020 0 - ແຂວງເຊກອງ ສໍາຫຼວດສະຖິຕິກະສິກຳສໍາເລັດແລ້ວ 94%

- 35 300x180 - ແຂວງເຊກອງ ສໍາຫຼວດສະຖິຕິກະສິກຳສໍາເລັດແລ້ວ 94%

ໂອກາດນີ້ ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ ໄດ້ຍ້ອງຍໍຊົມເຊີຍຕໍ່ຜົນສໍາເລັດດັ່ງກ່າວ ແລະ ເນັ້ນໃຫ້ຄະນະຊີ້ນໍາລະດັບແຂວງເອົາໃຈໃສ່ຢ່າງເຂັ້ມງວດຕໍ່ຜູ້ຖຶກແຕ່ງຕັ້ງປະຕິບັດພາກສະໜາມ, ໃຫ້ຄະນະຊີ້ນໍາຂັ້ນແຂວງ, ຂັ້ນເມືອງ ເອົາໃຈໃສ່ຈັດຕັ້ງປະຕິບັດແຜນການສໍາຫຼວດຂອງຕົນໃຫ້ໄປຕາມ ກອບລວມຂອງສູນກາງທີ່ໄດ້ວາງອອກ, ເພື່ອຮັບປະກັນໃຫ້ການສໍາຫຼວດຖືກຈັດຕັ້ງປະຕິບັດຢ່າງເປັນເອກະພາບ, ຖ້າຫາກການເດີນສຳຫຼວດພາກສະໜາມປະຕິບັດສຳເລັດແລ້ວ ໃຫ້ຄະນະຊີ້ນໍາແຕ່ລະຂັ້ນເອົາໃຈໃສ່ ໃນການສັງລວມບັນຊີຜູ້ມີຜົນງານດີເດັ່ນ ຜູ້ທີ່ເສຍສະຫຼະປະຕິບັດໜ້າທີ່ຢ່າງເອົາຈີງເອົາຈັງ ແລະ ມີນໍ້າໃຈຮັບຜິດຊອບ ປະກອບສ່ວນເຂົ້າໃນການດໍາເນີນການສໍາຫຼວດໃນແຕ່ລະໄລຍະ ເພື່ອໃຫ້ຄະນະຊີ້ນໍາລະດັບຊາດໄດ້ ຍ້ອງຍໍຊົມເຊິຍ ຕໍ່ຜູ້ທີມີຜົນງານດີເດັ່ນດັ່ງກ່າວໃນທຸກຂັ້ນ.

- WhatsApp Image 2020 05 27 at 5 - ແຂວງເຊກອງ ສໍາຫຼວດສະຖິຕິກະສິກຳສໍາເລັດແລ້ວ 94%
- WhatsApp Image 2020 05 27 at 5 - ແຂວງເຊກອງ ສໍາຫຼວດສະຖິຕິກະສິກຳສໍາເລັດແລ້ວ 94%
error: Alert: ເນື້ອຫາຂ່າວມີລິຂະສິດ !!