ແນວຄິດຊີ້ນຳຂອງປະທານ ໄກສອນ ພົມວິຫານຕໍ່ວຽກງານອະນາໄມກັນພະຍາດ
ໂດຍ: ຄຳຮຸ່ງ ເຮືອງວົງສີ
ປະທານ ໄກສອນ ພົມວິຫານ ໄດ້ມີການຄົ້ນຄວ້າ ແລະ ວິໄສທັດທີ່ກວ້າງໄກກ່ຽວກັບວຽກງານສາທາລະນະສຸກ ໂດຍສະເພາະແມ່ນຕໍ່ວຽກງານອະນາໄມກັນພະຍາດ.
ປະທານ ໄກສອນ ພົມວິຫານ ໄດ້ເນັ້ນໜັກວ່າ: ວິທະຍາສາດການແພດກ່ຽວກັບການກັນພະຍາດລ່ວງໜ້າ ໄດ້ຊ່ວຍເສີມຂະຫຍາຍຄຸນປະໂຫຍດອັນຕັ້ງໜ້າຂອງບັນດາເງື່ອນໄຂທາງທຳມະຊາດ ແລະ ສັງຄົມ ແນໃສ່ປົກປັກຮັກສາສຸຂະພາບ ແລະ ດັດສ້າງສິ່ງແວດລ້ອມທາງທຳມະຊາດ ແລະ ສັງຄົມ.
ປະທານ ໄກສອນ ພົມວິຫານ ໄດ້ໃຫ້ທັດສະນະວ່າ: ທົ່ວໂລກເຂົາຖືບັນຫາກັນພະຍາດຢ່າງເປັນເຈົ້າການນັ້ນ ໄດ້ກາຍເປັນທິດທາງອັນກ້າວໜ້າ, ເປັນວິທີການທີ່ຕັ້ງໜ້າ ແລະ ມີປະສິດທິຜົນກວ່າເພິ່ນ ໃນວຽກງານປົກປັກຮັກສາ ແລະ ເພີ່ມທະວີສຸຂະພາບ, ພະລະກຳລັງຂອງຄົນ.
ປະທານ ໄກສອນ ພົມວິຫານ ຈຶ່ງວາງແນວຄິດຊີ້ນຳຕໍ່ວຽກງານອະນາໄມກັນພະຍາດວ່າ: ຕ້ອງຊຸກຍູ້ຢ່າງແຂງແຮງ ແລະ ຂະຫຍາຍຂະບວນການອະນາໄມກັນພະຍາດຂະບວນການ 3 ສະອາດຢ່າງກວ້າງຂວາງ.
ວິທະຍາສາດການແພດກ່ຽວກັບການກັນພະຍາດລ່ວງໜ້າ ໄດ້ຊ່ວຍເສີມຂະຫຍາຍຄຸນປະໂຫຍດອັນຕັ້ງໜ້າຂອງບັນດາເງື່ອນໄຂທາງທຳມະຊາດ ແລະ ສັງຄົມ ແນໃສ່ປົກປັກຮັກສາສຸຂະພາບ ແລະ ດັດສ້າງສິ່ງແວດລ້ອມທາງດ້ານທຳມະຊາດ ແລະ ສັງຄົມ.
ສາທາລະນະສຸກຕ້ອງຄົ້ນຄວ້າວິໄຈສະພາບແຕ່ລະຍາມ ແຕ່ລະລະດູການ ແລະ ແຕ່ລະທ້ອງຖິ່ນ ເພື່ອມີສະຕິຈັດຕັ້ງປະຕິບັດຢ່າງຄົບຖ້ວນ ທົ່ວເຖິງກ່ຽວກັບວຽກງານສັກຢາກັນພະຍາດຕ້ານພະຍາດລ່ວງໜ້າແບບຕັ້ງໜ້າ.
ການຈັດຕັ້ງປະຕິບັດຢ່າງຄົບຖ້ວນທົ່ວເຖິງ ກ່ຽວກັບວຽກງານອະນາໄມ 3 ສະອາດ ວຽກງານສັກຢາກັນພະຍາດແມ່ນການກັນ ແລະ ການຕ້ານພະຍາດລ່ວງໜ້າຢ່າງເປັນເຈົ້າການ.
ວຽກງານອະນາໄມກັນພະຍາດ 3 ສະອາດແມ່ນອຸດົມຮັ່ງມີທີ່ສຸດ ເຊິ່ງມີທັງຄວາມຊິນເຄີຍ ຮີດຄອງປະເພນີ.
