ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ

ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ - LPN 2020 12 14T161941 - ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ
ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ - Untitled design - ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ

ສະບາຍດີ​ເພື່ອນ​ຜູ້​ອ່ານ​ທີ່​ຮັກ​ແພງ, ບໍ່​ຮູ້​ວ່າ​ແມ່ນ​ຍ້ອນ​ເລື່ອງ​ໃດ ​ແລະ ​ເງື່ອນ​ໄຂ​ຫຍັງ, ນະຄອນຫລວງ​ວຽງ​ຈັນ​ຈຶ່ງ​ບໍ່​ສາມາດ​ແກ້​ໄຂ​ສະພາບ​ການ​ນຳ​ໃຊ້​ເສັ້ນທາງ​ຍ່າງ​ເປັນ​ບ່ອນ​ຂາຍ​ເຄື່ອງ ​ແລະ ດຳ​ເນີນ​ການ​ປະກອບ​ການ​ຕ່າງໆ​ຢູ່​ຫລາຍ​ຕົວ​ເມືອງ ອັນ​ເປັນສາ​ເຫດ​ຕົ້ນຕໍ​ໜຶ່ງ​ເຮັດ​ໃຫ້ການ​ສັນຈອນ​ໄປມາ​ໃນ​ບໍລິ​ເວນ​ດັ່ງກ່າວ​ແອ​ອັດ ​ແລະ ຂາດ​ຄວາມ​ເປັນ​ລະບຽບ​ຮຽບຮ້ອຍ. ດັ່ງ​ເສັ້ນທາງ​ບໍລິ​ເວນ​ຕະຫລາດ​ເຊົ້າ​ເບື້ອງຂົວ​ດິນ, ​ເຂດ​ເສັ້ນທາງ​ຄູ​ວຽງ, ​ເຂດ​ຕະຫລາດ​ບ້ານ​ໂພນ​ຕ້ອງ​ຈອມ​ມະນີ ​ແລະ ຫລາຍ​ແຫ່ງ​ອື່ນໆ​ອີກ ​ແລະ ສະພາບ​ແບບ​ນີ້​ກໍ​ເປັນ​ຊ້ຳ​​ເຮື້ອມາ​ແຕ່​ດົນ​ແລ້ວ.

ຖ້າ​ໄລ່​ໃສ່​ອາຍຸ​ຜູ້​ເປັນ​ເຈົ້າຄອງ​ກໍ​ມີ​ການ​ປ່ຽນ​ແປງ​ມາ​ຫລາຍ​ສະ​ໄໝ, ​ແຕ່​ສະພາບ​ດັ່ງກ່າວ​ກໍ​ຍັງ​ບໍ່​ທັນ​ໄດ້​ຮັບ​ການ​ແກ້​ໄຂ​ແຕ່​ຢ່າງ​ໃດ. ​ໃນ​ຂະນະ​ທີ່​ນະຄອນຫລວງ​ວຽງ​ຈັນ​ກໍ​ໄດ້​ວາງ​ຄຳ​ຂວັນ 6ສ ສະ​ເພາະ​ຂອງ​ຕົນ​ອອກ​ມາ ​ເພື່ອ​ແນ​ໃສ່​ສ້າງ​ນະຄອນຫລວງ​ວຽງ​ຈັນ​ໃຫ້​ມີ​ຄວາມ​ສີວິ​ໄລ ​ແລະ ຈະ​ເລີ​ນຮຸ່ງ​ເຮືອງຄື: ສ.ສະອາດ, ສ.ສີຂຽວ, ສ.ສະຫງົບ, ສ.ສະຫວ່າງ. ສ.ສະ​ເໜ່ ​ແລະ ສ.ສີວິ​ໄລ. ​ແຕ່​ແລ້ວ​ພວກ​ເຮົາ​ກໍ​ຍັງ​ເຮັດ​ໄປ​ໄດ້​ໜ້ອຍ. ສ.ສະອາດ ກໍ​ຍັງ​ມີ​ຫລາຍ​ຈຸດ​ທີ່​ຈະ​ຕ້ອງ​ໄດ້​ເອົາ​ໃຈ​ໃສ່​ປັບປຸງ​ແກ້​ໄຂ, ສ່ວນ​ ສ.ສະຫງົບ ກໍ​ຍັງ​ມີ​ຫລາຍ​ບັນຫາ​ເກີດ​ຂຶ້ນ​ເຊັ່ນ: ສະພາບ​ອຸປະຕິ​ເຫດ, ກຸ່ມ​ແກ້ງ​ຂີ່​ລົດ​ກວນ​ເມືອງ ​ແລະ ບັນຫາ​ຢາ​ເສບ​ຕິດ​ກໍ​ຍັງ​ແກ້​ບໍ່​ຕົກ.

ສຳລັບ ສ.ສະຫວ່າງ ກໍ​ຍັງ​ມີ​ຫລາຍ​ຈຸດ, ຫລາຍ​ເສັ້ນທາງ​ຍັງ​ຂາດ​ໄຟ​ເຍືອງ​ທາງ ​ໂດຍ​ສະ​ເພາະ​ເສັ້ນທາງ​ປະຫວັດສາດ 450 ປີ ທີ່​ໄດ້​ສ້າງ​ມາ​ນັບ​ຫລາຍ​ປີ​ແລ້ວ ​ແຕ່​ຈົນ​ມາ​ຮອດ​ປັດຈຸບັນ​ກໍ​ຍັງ​ບໍ່​ມີ​ໄຟ​ເຍືອງ​ທາງ ​ໂດຍ​ສະ​ເພາະ​ແມ່ນ​ນັບ​ແຕ່ 4 ​ແຍກ​ເຂົ້າບ້ານ​ໂຊກ​ນ້ອຍ​ໂຊກ​ໃຫຍ່​ໄປ​ຈົນ​ຮອດ​ສາງ​ທ່າ​ນາ​ແລ້ງ​ກໍ​ບໍ່​ມີ​ໄຟ​ແສງ​ສະຫວ່າງ​ເຍືອງ​ທາງ ອັນ​ເຮັດ​ໃຫ້ການ​ສັນຈອນ​ໄປມາ​ໃນ​ເສັ້ນທາງ​ດັ່ງກ່າວ​ພົບ​ຄວາມ​ຫຍຸ້ງຍາກ ​ແລະ ມີ​ຄວາມ​ສ່ຽງ​ກໍ່​ໃຫ້​ເກີດ​ອຸປະຕິ​ເຫດ​ໄດ້​ງ່າຍ ຈົນ​ຫລາຍ​ຄົນ​ໃຫ້​ຂະໜານ​ນາມ​ວ່າ​ເປັນ​ເສັ້ນທາງ​ມໍລະນະ. ຟັງ​ແລ້ວ​ຕົກ​ໃຈ !.

ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ - Wave100S AD to Website 2020 0 - ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ

ສ່ວນ​ການ​ແກ້​ໄຂ​ສະພາບ​ນຳ​ໃຊ້​ແຄມ​ທາງ​ເປັນ​ບ່ອນ​ບໍລິການ ​ແລະ ຂາຍ​ເຄື່ອງ​ຕ່າງໆ​ກໍ​ແກ້​ໄຂ​ບໍ່​ຕົກ, ​ເຖິງ​ວ່າ​ຜ່ານ​ມາ​ອຳນາດ​ການ​ປົກຄອງ​ນະຄອນຫລວງ​ໄດ້​ມີ​ກອງ​ປະຊຸມ​ແນະນຳ​ໃຫ້​ຂະ​ແໜງ​ການ ​ແລະ ​ເມືອງ​ກ່ຽວຂ້ອງ​ຮ່ວມ​ກັນ​ແກ້​ໄຂ, ​ແຕ່​ກໍ​ເຮັດ​ໄປ​ໄດ້​ພຽງ​ໄລຍະ​ສັ້ນໆ ຜົນ​ສຸດ​ທ້າຍ​ກໍ​ກັບ​ມາ​ຢູ່​ຈຸດ​ເກົ່າ ​ເບິ່ງ​ແລ້ວ​ມີ​ປະສິດທິ​ຜົນ​ໜ້ອຍ. ຖ້າ​ທຸກ​ວຽກ​ງານ​ກໍ​ເຮັດ​ເປັນ​ແບບ​ນີ້​ກໍ​ຈະ​ເຮັດ​ໃຫ້ການ​ພັດທະນາ​ປະ​ເທດ​ຊາດ​ບ້ານ​ເມືອງ​ເຮົາ​ພົບ​ຄວາມ​ຫຍຸ້ງຍາກ.

ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ - WhatsApp Image 2020 05 27 at 5 - ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ
ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ - WhatsApp Image 2020 05 27 at 5 - ນະຄອນຫລວງວຽງຈັນ ຍັງແກ້ບໍ່ຕົກສະພາບຂາຍເຄື່ອງແຄມທາງ
error: Alert: ເນື້ອຫາຂ່າວມີລິຂະສິດ !!