ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້

ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້ - 756535 - ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້
ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້ - Untitled design - ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້

ລັດຖະບານ​ມຽນມາ​ຕໍ່​ເວລາ​ບັງຄັບ​ໃຊ້​ມາດ​ຕະການຄວບ​ຄຸມ​ທາງ​ສັງຄົມ ຈົນ​ຮອດ​ວັນ​ທີ 31 ທັນວາ​ນີ້ “​ເປັນ​ຢ່າງ​ໜ້ອຍ” ​ເພື່ອ​ຢັບຢັ້ງການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ທີ່​ມີ​ຜູ້​ຕິດ​ເຊື້ອສະ​ສົມ​ຫລາຍ​ກວ່າ 100.000 ຄົນ ​ແລະ ​ເສຍ​ຊີວິດ​ຫລາຍ​ກວ່າ 2.000 ຄົນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຄະນະ​ກຳມາ​ທິການ​ກາງ​ແຫ່ງ​ຊາດ​ດ້ານ​ການ​ປ້ອງ​ກັນ, ຄວບ​ຄຸມ ​ແລະ ປິ່ນປົວ​ພະຍາດ​ໂຄ​ວິດ-19 ຂອງ​ມຽນມາ ປະກາດ​ໃນ​ວັນ​ທີ 13 ທັນວາ​ຜ່ານ​ມາ ຂະຫຍາຍ​ເວລາ​ບັງຄັບ​ໃຊ້​ມາດ​ຕະການ​ຄວບ​ຄຸມ​ທາງ​ສັງຄົມ ​ໂດຍ​ສະ​ເພາະ​ມາດ​ຕະການ “ຢູ່​ເຮືອນ” ຫລື ງົດ​ອອກ​ຈາກ​ເຮືອນ​ຖ້າ​ບໍ່​ມີ​ຄວາມ​ຈຳ​ເປັນ ບໍ່​ວ່າ​ໃນ​ລະດັບ​ສູນ​ກາງ ຫລື ທ້ອງ​ຖິ່ນ ​ເຊິ່ງຈະ​ຄົບ​ກຳນົດ​ຮອບ​ຫລ້າ​ສຸດ​ໃນ​ວັນ​ທີ 15 ທັນວາ ​ໃຫ້​ມີ​ຜົນ​ຕໍ່​ໄປ​ຈົນ​ຮອດ​ວັນ​ທີ 31 ທັນວາ​ນີ້ “​ເປັນ​ຢ່າງ​ໜ້ອຍ”, ສ່ວນ​ຖ້ຽວ​ບິນ​ພາຍ​ໃນ​ປະ​ເທດ​ກຽມ​ກັບ​ມາ​ໃຫ້​ບໍລິການ​ໃນ​ວັນ​ທີ 16 ທັນວາ​ນີ້.

ຂະນະ​ທີ່​ກະຊວງ​ສາທາລະນະ​ສຸກ​ຂອງ​ມຽນມາລາ​ຍງານ​ສະຖິຕິ​ຂອງ​ພະຍາດ​ໂຄ​ວິດ-19 ​ໃນ​ຮອບ 24 ຊົ່ວ​ໂມງ​ຫລ້າ​ສຸດ ຈົນ​ເຖິງ​ວັນ​ທີ 13 ທັນວາ ຕາມ​ເວລາ​ທ້ອງ​ຖິ່ນ ຢືນຢັນ​ຜູ້​ຕິດ​ເຊື້ອສະ​ສົມ​ຢ່າງ​ໜ້ອຍ 108.342 ຄົນ ​ເພີ່ມ​ຂຶ້ນ 1.127 ຄົນ ​ແລະ ​ເສຍ​ຊີວິດ​ແລ້ວ 2.268 ຄົນ ​ເພີ່ມ​ຂຶ້ນ 23 ຄົນ, ສ່ວນ​ສະຖິຕິ​ສະ​ສົມ​ຂອງ​ຜູ້​ທີ່​ປິ່ນປົວ​ດີ​ມີ​ຢ່າງ​ໜ້ອຍ 86.795 ຄົນ.

ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້ - Wave100S AD to Website 2020 0 - ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້

ທັງ​ນີ້, ​ເມືອງ​ຢາງ​ກຸ້ງ ​ແລະ ພື້ນທີ່​ໃກ້​ຄຽງ​ຍັງ​ເປັນ​ສູນ​ກາງ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ຢູ່​ມຽນມາ. ​ເຖິງ​ຢ່າງ​ໃດ​ກໍ​ຕາມ, ທຸກ​ຝ່າຍ​ເພີ່ມ​ການ​​ເຝົ້າລະວັງ​ສະຖານະ​ການ​ໃນ​ພາກພື້ນມັນທະ​ເລ ທີ່​ພົບ​ຜູ້​ຕິດ​ເຊື້ອ​ແຕ່​ລະ​ວັນ​ຫລາຍ​ກວ່າ 200 ຄົນ ຫລັງ​ຜ່ານ​ພົ້ນການ​ເລືອກ​ຕັ້ງທົ່ວ​ໄປ ​ເມື່ອ​ວັນ​ທີ 8 ພະຈິກ​ຜ່ານ​ມາ.

ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້ - WhatsApp Image 2020 05 27 at 5 - ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້
ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້ - WhatsApp Image 2020 05 27 at 5 - ມຽນມາຂະຫຍາຍເວລາຄວບຄຸມໂຄວິດຮອດທ້າຍປີນີ້
error: Alert: ເນື້ອຫາຂ່າວມີລິຂະສິດ !!