ພົບແຫລ່ງລັກລອບຄ້າ ຂາຍງາຊ້າງໃຫຍ່ຢູ່ຈີນ

- advert banner 728 90 728x90 - ພົບແຫລ່ງລັກລອບຄ້າ ຂາຍງາຊ້າງໃຫຍ່ຢູ່ຈີນ

ຮົງ​ກົງ 4 ກໍລະກົດ: ກຸ່ມ​ຄວບ​ຄຸມ​ເບິ່ງ​ແຍງ​ສິ່ງ​ແວດ​ລ້ອມ​ກວດ​ສອບ​ພົບ​ເຄືອ​ຂ່າຍ​ອາດຊະຍາ​ກຳ​ລັກລອບ​ຄ້າຂາຍ​ງາ​ຊ້າງ​ຢູ່​ເມືອງ​ບໍ່​ເປັນ​ທີ່​ຮູ້ຈັກ​ແຫ່ງ​ໜຶ່ງ​ທາງ​ຕອນ​ໃຕ້​ຂອງ​ຈີນ.

ສຳນັກງານ​ກວດ​ສອບ​ສະພາບ​ແວດ​ລ້ອມ (EIA) ​ເຊິ່ງມີ​ສຳນັກງານ​ໃຫຍ່​ຕັ້ງຢູ່​ນະຄອນຫລວງ​ວໍ​ຊິງ​ຕັນ ຂອງ​ອາ​ເມ​ລິ​ກາ ​ລາຍ​ງານ​ໃນ​ວັນ​ທີ 4 ກໍລະກົດ​ນີ້​ວ່າ: ພົບ​ເຄືອ​ຂ່າຍ​ລັກລອບ​ຄ້າຂາຍ​ງາ​ຊ້າງ​ບໍລິ​ເວນ​ນອກ​ເມືອງ​ສຸ່ຍຕົງ ​ແຂວງ​ກວາງຕຸ​ງ ​ໃກ້​ກັບ​ເຂດ​ບໍລິຫານ​ພິ​ເສດ​ຮົງ​ກົງ. ການ​ເປີດ​ເຜີຍ​ແຫ​ລ່ງຄ້າຂາຍ​ງາ​ຊ້າງ​ໃຫຍ່​​ເທື່ອ​ນີ້​ມີ​ຂຶ້ນ ພາຍຫລັງ​ສຳນັກງານ​ໄດ້​ມີ​ການ​ສົ່ງ​ເຈົ້າໜ້າ​ທີ່​ສາຍ​ສືບ​ເຂົ້າ​ໄປ​ເປັນ​ລູກ​ຄ້າຈົນ​ສາມາດ​ຕິດຕາມ​ເສັ້ນທາງ​ລັກລອບ​ນຳ​ເຂົ້າງາ​ຊ້າງ​ຜິດ​ກົດໝາຍຈາກ​ໂມ​ຊຳ​ບິ​ກ​ໄດ້​ສຳ​ເລັດ. EIA ລະບຸ​ວ່າ: ​ໃນ​ພື້ນທີ່​ດັ່ງກ່າວ​ມີ​ກຸ່ມ​ລັກລອບ​ຄ້າຂາຍ​ງາ​ຊ້າງ​ປະມານ 10-20 ກຸ່ມ ​ແລະ 80% ຂອງ​ງາ​ຊ້າງ​ທັງ​ໝົດ​ຖືກ​ລັກລອບ​ນຳ​ເຂົ້າຈາກ​ທະວີບອາ​ຟຣິກາມາ​ຈີນ ​ໂດຍ​ໃຊ້​ເມືອງ​ສຸ່ຍຕົງ​ເປັນ​ເສັ້ນທາງ​ຜ່ານ.

- lattana 1 - ພົບແຫລ່ງລັກລອບຄ້າ ຂາຍງາຊ້າງໃຫຍ່ຢູ່ຈີນ
- 1 1 - ພົບແຫລ່ງລັກລອບຄ້າ ຂາຍງາຊ້າງໃຫຍ່ຢູ່ຈີນ

EIA ຈຶ່ງ​ຮຽກຮ້ອງ​ໄປ​ຫາ​ລັດຖະບານ​ຈີນ​​ໃຫ້​ຕິດຕາມ​ນະ​ໂຍບາຍ​ປາບ​ປາມ​ການ​ຄ້າຂາຍ​ງາ​ຊ້າງ​ພາຍ​ໃນ​ປະ​ເທດ, ພາຍຫລັງ​ໄດ້​ມີ​ການ​ສັ່ງ​ປິດ​ໂຮງງານ​ຜະລິດ​ເຄື່ອງ​ປະດັບ​ຈາກ​ງາ​ຊ້າງ​ຫລາຍ​ແຫ່ງ​ໃນ​ເດືອນ​ມີນາ​ຜ່ານ​ມາ ​ແລະ ວາງ​ແຜນ​ຈະ​ປະກາດ​ຫ້າມ​ຄ້າຂາຍ​ງາ​ຊ້າງ​ທົ່ວ​ປະ​ເທດ​ພາຍ​ໃນ​ປີ​ນີ້. ທັງ​ນີ້ ຄວາມ​ຕ້ອງການ​ງາ​ຊ້າງ​ຢູ່​ຈີນ​ເປັນ​ເຫດ​ໃຫ້​ຊ້າງ​ຫລາຍ​ໝື່ນ​ໂຕ​ຢູ່​ອາ​ຟຣິກາ​ຖືກ​ລ່າ​ໃນ​ແຕ່ລະ​ປີ.

error: Content is protected !!