ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ

ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ - 121 - ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ
ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ - Untitled design - ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ

ໃນວັນທີ 14-15 ທັນວາ 2020, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ ເພື່ອຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ໃຫ້ທິດຊີ້ນຳການຈັດຕັ້ງປະຕິບັດວຽກຈຸດສຸມໃນປີ 2021 ໃຫ້ໄດ້ຮັບການພັດທະນາຂະຫຍາຍຕົວຕໍ່ເນື່ອງ ແລະ ໝັ້ນທ່ຽງ, ກະຕຸກຊຸກຍູ້ປະຊາຊົນບັນດາເຜົ່າເປັນເຈົ້າການປະກອບສ່ວນເຂົ້າໃນຂະບວນການສ້າງສາພັດທະນາປະເທດຊາດ ກໍຄືແຂວງດ້ວຍຄວາມຮັບຜິດຊອບ.

ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ - 122 300x200 - ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ

ໂອກາດນີ້, ທ່ານຮອງນາຍົກລັດຖະມົນຕີ ໄດ້ແນະນຳໃຫ້ແຂວງເສີມຂະຫຍາຍທ່າແຮງ ແລະ ຈຸດດີ, ແກ້ໄຂຈຸດອ່ອນຄົງຄ້າງ ແລະ ຕີເອົາຊະນະສິ່ງທ້າທາຍຕ່າງໆ ເພື່ອຮັບປະກັນໃຫ້ການພັດທະນາທ້ອງຖິ່ນບັນລຸຕາມຈຸດປະສົງ ແລະ ລະດັບຄາດໝາຍທີ່ວາງໄວ້, ພ້ອມນຳເອົາຜົນປະໂຫຍດສູງສຸດມາສູ່ປະຊາຊົນ ແລະ ຍົກສູງລະດັບການດຳລົງຊີວິດຂອງເຂົາເຈົ້ານັບມື້ນັບດີຂຶ້ນຢ່າງຕໍ່ເນື່ອງ.

ພ້ອມນີ້, ທ່ານຮອງນາຍົກລັດຖະມົນຕີ ກໍໄດ້ເນັ້ນໃຫ້ການນໍາຂອງແຂວງເອົາໃຈໃສ່ວຽກງານປ້ອງກັນ, ຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ແລະ ເຝົ້າລະວັງພະຍາດຕາມລະດູການ ແລະ ໄພທຳມະຊາດຕ່າງໆທີ່ອາດຈະເກີດຂຶ້ນ. ຂະນະດຽວກັນ ກໍໃຫ້ເອົາໃຈໃສ່ສ້າງວຽກເຮັດງານທຳໃຫ້ແຮງງານທີ່ກັບມາແຕ່ຕ່າງປະເທດ ແລະ ທ້ອງຖີ່ນອື່ນໆໃຫ້ດີ ເພາະບັນຫາໄພວ່າງງານຈະກ້າວໄປສູ່ຄວາມບໍ່ສະຫງົບ ແລະ ປະກົດການຫຍໍ້ທໍ້ຕ່າງໆທີ່ອາດຈະເກີດຂຶ້ນ ແລະ  ຄຽງຄູ່ກັນນັ້ນ, ກໍໃຫ້ເອົາໃຈໃສ່ກະຕຸກຊຸກຍູ້ການຜະລິດຂອງປະຊາຊົນໃຫ້ດີຂຶ້ນດ້ວຍການຕອບສະຫນອງເງື່ອນໄຂການຜະລິດກະສິກຳໃຫ້ພຽງພໍເຊັ່ນ: ແນວພັນພືດ, ສັດ ແລະ ເຕັກນິກວິຊາການເພື່ອການຜະລິດເປັນສິນຄ້າໃຫ້ນັບມື້ນັບຫລາຍຂຶ້ນ. ປະກອບສ່ວນເຂົ້າໃນການແກ້ໄຂຄວາມທຸກຍາກຂອງປະຊາຊົນລົງເທື່ອລະກ້າວ ແລະ ກ້າວໄປສູ່ການມີຊີວິດການເປັນຢູ່ນັບມື້ດີຂຶ້ນ.

ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ - Wave100S AD to Website 2020 0 - ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ

ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ - 123 300x200 - ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ

ໃນໂອກາດນີ້, ທ່ານເຈົ້າແຂວງບໍລິຄຳໄຊ ກໍໄດ້ລາຍງານສະພາບການພັດທະນາເສດຖະກິດ-ສັງຄົມຂອງແຂວງໃນໄລຍະ 9 ເດືອນຜ່ານມາວ່າ: ລວມຍອດຜະລິດຕະພັນພາຍໃນບັນລຸໄດ້ພຽງ 2,73% ຄິດເປັນມູນຄ່າ 5.800 ກວ່າຕື້ກີບ ເຊິ່ງສະເລ່ຍລາຍຮັບຕໍ່ຫົວຄົນບັນລຸ 2.732 ໂດລາສະຫະລັດ. ໃນໂອກາດດຽວກັນ, ທ່ານຮອງນາຍົກລັດຖະມົນຕີ ກໍໄດ້ມອບເງິນສົດ ຈຳນວນ 100 ລ້ານກີບ ໃຫ້ແຂວງບໍລິຄຳໄຊ ເພື່ອນຳໃຊ້ເຂົ້າໃນການພັດທະນາທ້ອງຖິ່ນ ແລະ ແກ້ໄຂຄວາມທຸກຍາກຂອງປະຊາຊົນບັນດາເຜົ່າພາຍໃນແຂວງໃຫ້ນັບມື້ນັບດີຂຶ້ນເທື່ອລະກ້າວ.

ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ - WhatsApp Image 2020 05 27 at 5 - ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ
ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ - WhatsApp Image 2020 05 27 at 5 - ຮອງນາຍົກລັດຖະມົນຕີ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ
error: Alert: ເນື້ອຫາຂ່າວມີລິຂະສິດ !!