ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022

ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022 - GettyImages 1230049856 scaled - ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022
ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022 - Untitled design - ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022

ຜູ້​ຊ່ຽວຊານ​ຈາກ Johns Hopkins Bloomberg School of Public Health ລະບຸ​ວ່າ: ປະຊາກອນ​ໂລກ​ເກືອບ 1 ​ໃນ 4 ຈະ​ບໍ່​ໄດ້​ຮັບ​ວັກ​ຊີ​ນຕ້ານ​ໂຄ​ວິດ-19 ຈົນ​ຮອດ​ປີ 2022 ​ໂດຍ​ສະ​ເພາະ​ປະ​ເທດ​ທີ່​ມີ​ລາຍ​ໄດ້​ປານ​ກາງ​ເຖິງ​ໜ້ອຍ​ອາດ​ຈະ​ຕ້ອງ​ລໍຖ້າ​ໄປ​ອີກ ​ເນື່ອງ​ຈາກ​ຍອດ​ສັ່ງ​ຈອງ​ວັກ​ຊີ​ນຕ້ານ​ໂຄ​ວິດ-19 ຂອງ​ປະ​ເທດ​ທີ່​ມີ​ລາຍ​ໄດ້​ສູງ​ມີ​ຈຳນວນ​ຫລາຍ ​ເຖິງ​ວ່າ​ຈະ​ມີ​ບາງ​ໂຄງການ​ທີ່​ພະຍາຍາມ​ຈະ​ຊ່ວຍ​ສະໜັບສະໜູນ​ການ​ເຂົ້າ​ເຖິງ​ວັກ​ຊີ​ນຢ່າງ​ເທົ່າ​ທຽມ​ກັນ​ກໍ​ຕາມ.

​ໂດຍ​ວາລະສານ​ທາງ​ການ​ແພດ British Medical Journal (BMJ) ລະບຸ​ວ່າ: ເບື້ອງຕົ້ນມີ​ວັກ​ຊີ​ນຕ້ານ​ໂຄ​ວິດ-19 ຈາກ​ຜູ້​ຜະລິດ​ ​ແລະ ທົດ​ລອງ​ປະມານ 13 ​ແຫ່ງ​ທີ່​ປິດ​ດີ​ລສັ່ງ​ຈອງ​ວັກ​ຊີ​ນລວມກັນ​ຢ່າງ​ໜ້ອຍ 7,48 ພັນ​ລ້ານ​ໂດ​ສ​ໃນ​ໄລຍະ​ເວລາ​ນີ້ ​ເຊິ່ງປະ​ເທດ​ທີ່​ມີ​ລາຍ​ໄດ້​ສູງ ລວມທັງ​ສະຫະພາບ​ເອີຣົບສັ່ງ​ຈອງ​ວັກ​ຊີ​ນປະມານ 51% ຂອງ​ຍອດ​ສັ່ງ​ຈອງ​ທັງ​ໝົດ​ທົ່ວ​ໂລກ (ປະມານ 3,85 ພັນ​ລ້ານ​ໂດ​ສ ​ເຖິງ​ວ່າ​ຈະ​ມີ​ປະຊາກອນ​ພຽງ​ປະມານ 13,7% ຂອງ​ປະຊາກອນ​ໂລກ​ທັງ​ໝົດ (7,79 ພັນ​ລ້ານ​ຄົນ) ກໍ​ຕາມ).

ຜູ້​ຊ່ຽວຊານ​ຍັງ​ລະບຸ​ອີກ​ວ່າ: ຄວາມ​ບໍ່​ແນ່ນອນ​ໃນ​ການ​ເຂົ້າ​ເຖິງ​ວັກ​ຊີ​ນຕ້ານ​ໂຄ​ວິດ-19 ທົ່ວ​ໂລກ ບໍ່​ໄດ້​ມາ​ຈາກ​ພຽງ​ວ່າ​ວັກ​ຊີ​ນສ່ວນ​ໃຫຍ່​ຍັງ​ຢູ່​ໃນ​ລະຫວ່າງ​ການ​ທົດ​ລອງ ​ແລະ ຍັງ​ບໍ່​ສຳ​ເລັດ​ສົມບູນ, ​ແຕ່​ຍັງ​ມາ​ຈາກ​ຄວາມ​ລົ້ມ​ເຫ​ລວຂອງ​ລັດຖະບານ ​ແລະ ຜູ້​ຜະລິດ ​ແລະ ທົດ​ລອງ​ວັກ​ຊີ​ນທີ່​ຈະ​ຕ້ອງ​ມີ​ຄວາມ​ໂປ່​ງ​ໃສ, ສາມາດ​ອະທິບາຍ ​ແລະ ຕອບ​ຄຳ​ຖາມ​ຕ່າງໆ​ໄດ້ ນັບ​ແຕ່​ເລື່ອງ​ລາຄາ​ໄປ​ຈົນ​ເຖິງ​ການ​ແບ່ງປັນ​ຢ່າງ​ຍຸຕິ​ທຳ.

​ໂດຍ​ໂຄງການ Covax ທີ່​ອົງການ​ອະນາ​ໄມ​ໂລກ ​ແລະ ຫລາຍ​ປະ​ເທດ​ທົ່ວ​ໂລກ​ຕ່າງ​ເຂົ້າມາ​ຮ່ວມ​ມື​ກັນ ​ເພື່ອ​ສະໜັບສະໜູນ​ການ​ເຂົ້າ​ເຖິງ​ການກວດ, ການ​ປິ່ນປົວ ​ແລະ ການ​ໄດ້​ຮັບ​ວັກ​ຊີ​ນຢ່າງ​ເທົ່າ​ທຽມ ​ເບື້ອງຕົ້ນສັ່ງ​ຈອງ​ວັກ​ຊີ​ນຕ້ານ​ໂຄ​ວິດ-19 ຈາກ AstraZeneca-Oxford ຈຳນວນ 300 ລ້ານ​ໂດ​ສ ​ແລະ ມີ​ທ່າ​ອ່ຽງຈະ​ສັ່ງ​ຈອງ​ເພີ່ມ​ອີກ 200 ລ້ານ​ໂດ​ສຈາກ AstraZeneca-Oxford ຫລື Novavaz ​ໃນ​ລະດັບ​ລາຄາ​ສູງ​ສຸດ​ບໍ່​ເກີນ 3 ​ໂດ​ລາ​ຕໍ່ 1 ​ໂດ​ສ.

ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022 - Wave100S AD to Website 2020 0 - ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022

ຫລ້າ​ສຸດ​ທົ່ວ​ໂລກ​ມີ​ຜູ້​ຕິດ​ເຊື້ອສະ​ສົມ​ແລ້ວ 73,3 ລ້ານ​ກວ່າ​ຄົນ (73.376.785 ຄົນ), ປິ່ນປົວ​ດີ 51,7 ລ້ານ​ກວ່າ​ຄົນ (51.797.816 ຄົນ) ຫລື ປະມານ 69% ຂອງ​ຜູ້​ຕິດ​ເຊື້ອທັງ​ໝົດ, ​ເສຍ​ຊີວິດ​ແລ້ວ 1.633.180 ຄົນ ອັດຕາ​ການ​ເສຍ​ຊີວິດ​ປະມານ 2,3%.

ປະ​ເທດ​ທີ່​ມີ​ຜູ້​ຕິດ​ເຊື້ອສະ​ສົມ​ຫລາຍ​ທີ່​ສຸດ 5 ອັນ​ດັບ​ທຳ​ອິດ​ຄື: ອາ​ເມ​ລິ​ກາ (16.681.178 ຄົນ), ຮອງ​ລົງ​ມາ​ອິນ​ເດຍ (9.906.165 ຄົນ), ບຣາຊິ​ລ (6.970.034 ຄົນ), ຣັດ​ເຊຍ (2.682.866 ຄົນ) ​ແລະ ຝຣັ່ງ (2.445.511 ຄົນ) ພົບ​ຜູ້​ຕິດ​ເຊື້ອ​ແລ້ວ​ຢ່າງ​ໜ້ອຍ 185 ຈາກ 193 ປະ​ເທດ​ທົ່ວ​ໂລກ.

ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022 - WhatsApp Image 2020 05 27 at 5 - ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022
ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022 - WhatsApp Image 2020 05 27 at 5 - ຜູ້ຊ່ຽວຊານເຜີຍ ປະຊາກອນໂລກເກືອບ 1 ໃນ 4 ຈະບໍ່ໄດ້ຮັບ ວັກຊີນຕ້ານໂຄວິດ-19 ຈົນຮອດປີ 2022
error: Alert: ເນື້ອຫາຂ່າວມີລິຂະສິດ !!