ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99%

ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99% - AUSTRALIA SYDNEY QANTAS LAST BOEING 747  01 - ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99%
ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99% - Untitled design - ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99%

ສຳນັກ​ຂ່າວ​ຊິນ​ຮົວລາຍ​ງານ​ວ່າ: ​ໂບອິ້ງປະກາດ​ການ​ເຮັດ​ວຽກ​ຮ່ວມ​ກັບ​ມະຫາວິທະຍາ​ໄລ ​ແອຣິ​ໂຊ​ນາ ຂອງ​ອາ​ເມ​ລິ​ກາ ​ເພື່ອ​ນຳ​ເອົາ​ການ​ຂ້າ​ເຊື້ອພະຍາດ​ດ້ວຍ​ຄວາມ​ຮ້ອນ ອັນ​ເປັນ​ເຕັກນິກ​ເກົ່າ​ແກ່​ມາ​ຕໍ່ສູ້​ກັບ​ພະຍາດ​ຕິດ​ເຊື້ອ​ໂຄ​ວິດ-19 ​ໂດຍ​ຄຳ​ປະກາດ​ລະບຸ​ວ່າ: ຄະນະ​ນັກວິ​ໄຈ​ກວດ​ສອບ​ແລ້ວ​ວ່າ ການ​ເພີ່ມ​ຄວາມ​ຮ້ອນ​ໃນ​ພື້ນຜິວ ​ໂດຍ​ສະ​ເພາະ​ໃນ​ອຸປະກອນ​ຫ້ອງ​ນັກ​ບິນ​ທີ່​ອະນາ​ໄມ​ຍາກ ສາມາດ​ກຳຈັດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (SARS-CoV-2) ​ໄດ້ຢ່າງ​ມີ​ປະສິດທິພາບ.

ຜົນ​ການ​ທົດ​ລອງ​ບົ່ງ​ບອກ​ວ່າ: ຖ້າ​ຜະ​ເຊີນ​ອຸນຫະພູມ 50 ອົງສາ ດົນ​ເຖິງ 3 ຊົ່ວ​ໂມງ ​ເຊື້ອ​ໄວຣັສຈະ​ຖືກ​ທຳລາຍ​ຫລາຍ​ກວ່າ 99,99% ​ແລະ ​ໃນ​ອຸນຫະພູມ 40 ອົງສາ ​ເຊື້ອ​ໄວຣັສຈະ​ຖືກ​ຂ້າ​ຢ່າງ​ມີ​ປະສິດທິພາບ​ຫລາຍ​ກວ່າ 99,99%.

ທ່ານ ​ໄມ​ເຄິລ ​ເດ​ລາ​ນີ ຜູ້ນຳ​ແຜນ​ລິ​ເລີ່​ມການ​ເດີນທາງ​ຢ່າງ​ໝັ້ນ​ໃຈ (CTI) ຂອງ​ໂບອິ້ງ ລະບຸ​ວ່າ: ບໍລິສັດ​ໃຫ້​ຄວາມ​ສຳຄັນ​ຕໍ່​ຄວາມ​ປອດ​ໄພ​ຂອງ​ຜູ້​ໂດຍສານ ​ແລະ ລູກ​ເຮືອ​ເປັນອັນ​ດັບ​ທຳ​ອິດ ຄວບ​ຄຸມ​ນັບ​ແຕ່​ຫ້ອງ​ຜູ້​ໂດຍສານ​ຈົນ​ເຖິງ​ຫ້ອງ​ນັກ​ບິນ ​ແລະ ການ​ຂ້າ​ເຊື້ອດ້ວຍ​ຄວາມ​ຮ້ອນ​ອາດ​ເປັນ​ອີກ​ໜຶ່ງ​ວິທີ​ທີ່​ສາມາດ​ທຳ​ລາຍ​ເຊື້ອ​ໄວຣັສ​​ໃນສ່ວນ​ທີ່​ບອບ​ບາງ​ເຂົ້າ​ເຖິງ​ຍາກ ​ແລະ ປົກ​ປ້ອງ​ນັກ​ບິນ​ໄດ້.

ທັງ​ນີ້, ​ໂບອິ້ງທົດ​ລອງ​ການ​ໃຊ້​ຄວາມ​ຮ້ອນ​ຂ້າ​ເຊື້ອ​ໄວຣັສ​ໃນ​ສະພາບ​ແວດ​ລ້ອມ​ແບບ​ປິດ​ພາຍ​ໃນ​ຫ້ອງ​ທົດ​ລອງ​ຂອງ​ມະຫາວິທະຍາ​ໄລ ​ໂດຍ​ໃຊ້​ອຸປະກອນ​ບາງ​ສ່ວນ​ຈາກ​ຫ້ອງ​ນັກ​ບິນ ​ແລະ ​ເຊື້ອ​ໄວຣັສ, ການ​ທົດ​ລອງ​ນີ້​ສຳ​ເລັດ​ໃນ​ຊ່ວງ​ລະດູ​ໃບ​ໄມ້​ຫລົ່ນ.

ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99% - Wave100S AD to Website 2020 0 - ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99%

ທັງ​ນີ້, ​ໂບອິ້ງລະບຸ​ວ່າ: ຫ້ອງ​ນັກ​ບິນ​ຂອງ​ໂບອິ້ງ​ໄດ້​ຮັບ​ການ​ອອກ​ແບບ​ໃຫ້​ທົນ​ທານ​ຄວາມ​ຮ້ອນ​ເຖິງ 70 ອົງສາ. ດັ່ງນັ້ນ ການ​ຂ້າ​ເຊື້ອດ້ວຍ​ຄວາມ​ຮ້ອນ​ຈຶ່ງ​ເປັນ​ວິທີ​ທີ່​ປອດ​ໄພ, ປະຕິບັດ​ໄດ້​ຕົວ​ຈິງ ​ແລະ ສາມາດ​ຂ້າ​ເຊື້ອ​ໄດ້​ຢ່າງ​ມີ​ປະສິດທິພາບ.

ທ່ານ ຊາລ ​ເກີ​ບາ ນັກ​ຈຸ​ລະ​ຊີວະ​ວິທະຍາ ຂອງ​ມະຫາວິທະຍາ​ໄລ​ແອຣິ​ໂຊ​ນາ ​ແລະ ຜູ້​ຊ່ຽວຊານ​ດ້ານ​ພະຍາດ​ຕິດ​ຕໍ່ ກ່າວ​ວ່າ: ສິ່ງ​ທີ່​ເຮົາ​ປະຕິບັດ​ຄື​ການ​ຂ້າ​ເຊື້ອ​ໄວຣັສ ​ແລະ ການ​ຂ້າ​ເຊື້ອດ້ວຍ​ຄວາມ​ຮ້ອນ​ເປັນ​ໜຶ່ງ​ໃນ​ວິທີ​ເກົ່າ​ແກ່​ທີ່​ສຸດ​ໃນ​ການ​ຂ້າ​ຈຸລິນ​ຊີ​ທີ່​ກໍ່​ໃຫ້​ເກີດ​ພະຍາດ ​ແລະ ​ເປັນ​ວິທີ​ທີ່​ນັກ​ຈຸ​ລະ​ຊີວະ​ວິທະຍາ​ໃຊ້​ໃນ​ຫ້ອງ​ທົດ​ລອງ​ເປັນ​ປົກກະຕິ.

ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99% - WhatsApp Image 2020 05 27 at 5 - ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99%
ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99% - WhatsApp Image 2020 05 27 at 5 - ໂບອິ້ງ ທົດລອງໃຊ້ຄວາມຮ້ອນຂ້າເຊື້ອໂຄວິດ ພົບໄດ້ປະສິດທິພາບເຖິງ 99,99%
error: Alert: ເນື້ອຫາຂ່າວມີລິຂະສິດ !!