ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ

ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ - 131130035 1516361291900979 8006947978794706403 o - ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ
ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ - Untitled design - ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ

ໃນວັນທີ 16 ທັນວານີ້, ຢູ່ນະຄອນຫລວງວຽງຈັນ ໄດ້ມີພິທີລົງນາມຈົດໝາຍແລກປ່ຽນ ລະຫວ່າງ ສປປ ລາວ ແລະ ຍີ່ປຸ່ນ (Exchange Notes) ເພື່ອຜັນຂະຫຍາຍສັນຍາວ່າດ້ວຍການຮ່ວມມືດ້ານເຕັກນິກ-ວິຊາການ ລະຫວ່າງ ອາຊຽນ-ຍີ່ປຸນ ທີ່ໄດ້ລົງນາມຮ່ວມກັນໃນເດືອນພຶດສະພາຜ່ານມາ. ຕາງໜ້າຝ່າຍລາວແມ່ນທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ແລະ ຕາງໜ້າຝ່າຍຍີ່ປຸ່ນແມ່ນທ່ານ ທາເກວາກະ ເຄໂຊ (TAKEWAKA Keizo) ເອກອັກຄະລັດຖະທູດຍີ່ປຸ່ນ ປະຈໍາ ສປປ ລາວ ແລະ ມີບັນດາພະນັກງານກ່ຽວຂ້ອງທັງສອງຝ່າຍເຂົ້າຮ່ວມ.

ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ - 130879546 1516361275234314 2742123660244598407 o 300x200 - ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ

ການຮ່ວມລົງນາມຈົດໝາຍແລກປ່ຽນດັ່ງກ່າວແມ່ນເພື່ອຜັນຂະຫຍາຍສັນຍາວ່າດ້ວຍການຮ່ວມມື ທາງດ້ານເຕັກນິກ-ວິຊາການ ລະຫວ່າງ ອາຊຽນ ແລະ ຍີ່ປຸ່ນ ທີ່ໄດ້ລົງນາມກັນໃນເດືອນພຶດສະພາຜ່ານມາ ໂດຍສະເພາະແມ່ນການອະນຸມັດ ແລະ ອຳນວຍຄວາມສະດວກໃຫ້ແກ່ບັນດາຊ່ຽວຊານ ແລະ ອາສາສະໝັກຍີ່ປຸ່ນໃນເວລາເດີນທາງເຂົ້າມາປະຕິບັດໜ້າທີ່ວຽກງານຢູ່ ສປປ ລາວ ຕາມໂຄງການ/ແຜນງານ ພາຍໃຕ້ສັນຍາຮ່ວມມືທາງດ້ານເຕັກນິກ-ວິຊາການດັ່ງກ່າວ.

ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ - Wave100S AD to Website 2020 0 - ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ

ໃນພິທີ, ທ່ານຮອງລັດຖະມົນຕີ ທອງຜ່ານ ສະຫວັນເພັດ ໄດ້ຕີລາຄາສູງ ແລະ ສະແດງຄວາມຂອບໃຈຢ່າງຈິງໃຈຕໍ່ການສະໜັບສະໜູນຊ່ວຍເຫລືອຂອງລັດຖະບານຍີ່ປຸ່ນໃຫ້ແກ່ ສປປ ລາວ ໃນໄລຍະຜ່ານມາ ອັນໄດ້ປະກອບສ່ວນສໍາຄັນເຂົ້າໃນການພັດທະນາເສດຖະກິດ-ສັງຄົມຂອງລາວ ແລະ ຫວັງຢ່າງຍິ່ງວ່າ ຍີ່ປຸ່ນ ຈະສືບຕໍ່ໃຫ້ການສະໜັບສະໜູນ ແລະ ຊ່ວຍເຫລືອໃນໄລຍະຕໍ່ໜ້າ ໂດຍສະເພາະການຮັດແຄບຄວາມແຕກໂຕນດ້ານການພັດທະນາພາຍໃນອາຊຽນ ດ້ວຍການຈັດຕັ້ງປະຕິບັດແຜນປະຕິບັດງານຂໍ້ລິເລິ່ມການເຊື່ອມໂຍງອາຊຽນ ສະບັບທີ 4 ( ໄອເອໄອ ສະບັບທີ 4)  ໄລຍະ 2021-2025; ການຈັດຕັ້ງປະຕິບັດແຜນແມ່ບົດວ່າດ້ວຍການເຊື່ອມຈອດອາຊຽນ 2025; ການພັດທະນາຊັບພະຍາກອນມະນຸດ ແລະ ການຮ່ວມມື ພາຍໃຕ້ເຄືອຂ່າຍຕົວເມືອງອັດສະລິຍະອາຊຽນ.

ໃນໂອກາດດຽວກັນນີ້, ທ່ານທູດ ທາເກວາກະ ເຄໂຊ ໄດ້ສະແດງຄວາມຍິນດີທີ່ໄດ້ຕາງໜ້າໃຫ້ລັດຖະບານຍີ່ປຸ່ນ ຮ່ວມລົງນາມຈົດໝາຍແລກປ່ຽນນີ້ ແລະ ເຊື່ອໝັັ້ນວ່າ: ການຮ່ວມມືດ້ານເຕັກນິກ-ວິຊາການ ລະຫວ່າງ ອາຊຽນ ແລະ ຍີ່ປຸ່ນ ຈະປະກອບສ່ວນສຳຄັນໃຫ້ແກ່ການສະໜັບສະໜູນການພັດທະນາເສດຖະກິດ-ສັງຄົມຂອງ ສປປ ລາວ ກໍຄືປະກອບສ່ວນເຂົ້າໃນການສົ່ງເສີມການພົວພັນ-ຮ່ວມມືສອງຝ່າຍ ລາວ-ຍີ່ປຸ່ນ ນັບມື້ແໜ້ນແຟ້ນຍິ່ງຂຶ້ນ.

ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ - WhatsApp Image 2020 05 27 at 5 - ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ
ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ - WhatsApp Image 2020 05 27 at 5 - ລາວ-ຍີ່ປຸ່ນ ຮ່ວມລົງນາມຈົດໝາຍແລກປ່ຽນ ເພື່ອຂະຫຍາຍການຮ່ວມມືດ້ານເຕັກນິກ-ວິຊາການ
error: Alert: ເນື້ອຫາຂ່າວມີລິຂະສິດ !!