ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ

ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ - Untitled design - ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ
ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ - Untitled design - ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ

ນາງ Ella Kissi-Debrah ​ອາຍຸ 9 ປີ ​ໄດ້​ຮັບ​ບັນທຶກ​ໃນ​ໃບ​ມໍລະນະ​ວ່າ​ເສຍ​ຊີວິດ​ຈາກ​ມົນ​ລະ​ພິດ​ທາງ​ອາກາດ ​ເຊິ່ງຖື​ເປັນ​ຄົນ​ທຳ​ອິດ​ໃນ​ອັງກິດ​ທີ່​ເສຍ​ຊີວິດ​ຈາກ​ສາ​ເຫດ​ດັ່ງກ່າວ.

ຢ້ອນ​ກັບ​ໄປ, ​ເດັກ​ຍິງ​ຄົນ​ນີ້​ຕ້ອງ​ທົນ​ທຸກ​ກັບ​ອາການ​ຊັກ ​ແລະ ນຳ​ສົ່ງ​ໂຮງໝໍ​ເກືອບ 30 ຄັ້ງ​ໃນ​ໄລຍະ​ເວລາ​ສາມ​ປີ ກ່ອນ​ຈະ​ເສຍ​ຊີວິດ​ໃນ​ເດືອນ​ກຸມພາ 2013. ຕໍ່​ມາ​ໃນ​ປີ 2014 ສານ​ດີກາ​ພິຈາລະນາ​ຄະດີ ຫລັງ​ພົບ​ຫລັກ​ຖານ​ໃໝ່​ກ່ຽວ​ກັບ​ລະດັບ​ຄວາມ​ອັນຕະລາຍ​ຂອງ​ມົນ​ລະ​ພິດ​ທາງ​ອາກາດ​ໃກ້​ເຮືອນ​ຂອງ​ເດັກ​ຍິງ​ຄົນ​ດັ່ງກ່າວ ​ແລະ ສະຫລຸບ​ວ່າ: Ella ​ເສຍ​ຊີວິດ​ຈາກ​ອາການ​ຫາຍ​ໃຈ​ລົ້ມ​ເຫ​ລວກະທັນຫັນ.

ຫລ້າ​ສຸດ​ເມື່ອ​ສອງ​ອາທິດ​ຜ່ານ​ມາ, ການ​ສືບສວນ​ຄະດີ​ທີ່​ວ່າ​ມົນ​ລະ​ພິດ​ໃນ​ພື້ນທີ່​ອາດ​ມີ​ສ່ວນ​ເຮັດ​ໃຫ້ Ella ​ເສຍ​ຊີວິດ ຫລື ບໍ່​ ​ໄດ້​ສິ້ນສຸດ​ລົງ​ແລ້ວ ​ເຊິ່ງຜູ້​ຊ່ວຍ​ເຈົ້າໜ້າ​ທີ່​ສັນ​ລະ​ສູດ​ສົບ​ພົບ​ວ່າ: Ella ​ເສຍ​ຊີວິດ​ຈາກ​ພະຍາດ​ຫອບ​ຫືດ ​ໂດຍ​ມີ​ສາ​ເຫດ​ມາ​ຈາກ​ການ​ສຳຜັດ​ມົນ​ລະ​ພິດ​ທາງ​ອາກາດ​ຫລາຍ​ເກີນ​ໄປ.

ຜູ້​ຊ່ວຍ​ເຈົ້າໜ້າ​ທີ່​ສັນ​ລະ​ສູດ​ສົບ​ໄດ້​ບັນທຶກ​ສາ​ເຫດການ​ຕາຍ​ທາງ​ການ​ແພດ​ກໍລະນີ​ນີ້​ວ່າ: ​ເກີດ​ຈາກ 1. ຫາຍ​ໃຈ​ລົ້ມ​ເຫ​ລວກະທັນຫັນ, 2. ຫອບ​ຫືດ​ຮຸນ​ແຮງ, 3. ການ​ສຳຜັດ​ມົນ​ລະ​ພິດ​ທາງ​ອາກາດ ​ເຊິ່ງມົນ​ລະ​ພິດ​ທາງ​ອາກາດ​ຖື​ເປັນ​ປັດ​ໄຈ​ສຳຄັນ​ເຮັດ​ໃຫ້​ອາການ​ຫອບ​ຫືດ​ເກີດ​ຂຶ້ນ ​ແລະ ​ໃນ​ໄລຍະ​ປີ 2010-2013 ​ເຊິ່ງ Ella ຢູ່​ໃນ​ໄລຍະ​ບໍ່​ສະບາຍ​ຕ້ອງ​ຜະ​ເຊີນ​ລະດັບ​ໄນ​ໂຕຣ​ເຈນ​ໄດ​ອອກ​ໄຊ ​ແລະ ຝຸ່ນ​ລະອອງ​ເກີນ​ມາດຕະຖານ​ອົງການ​ອະນາ​ໄມ​ໂລກ ​ແລະ ມົນ​ລະ​ພິດ​ໃນ​ອາກາດ​ເຫລົ່າ​ນີ້​ມີ​ແຫ​ລ່ງທີ່​ມາ​ຈາກ​ການ​ປ່ອຍ​ມົນ​ລະ​ພິດ​ທາງ​ຈະລາຈອນ.

ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ - Wave100S AD to Website 2020 0 - ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ

ນອກຈາກ​ນີ້, ​ເຈົ້າໜ້າ​ທີ່​ສັນ​ລະ​ສູດ​ສົບ ກ່າວ​ວ່າ: ​ແມ່​ຂອງ Ella ບໍ່​ໄດ້​ຮັບ​ຮູ້ຂໍ້​ມູນ​ກ່ຽວ​ກັບ​ມົນ​ລະ​ພິດ​ມີ​ຄວາມ​ສ່ຽງ​ຕໍ່​ສຸຂະພາບ ​ແລະ ​ໂອກາດ​ທີ່​ຈະ​ເຮັດ​ໃຫ້​ພະຍາດ​ຫອບ​ຫືດ​ເກີດ​ຂຶ້ນ ​ແລະ ຖ້າ​ແມ່​ຂອງ Ella ຮູ້​ຂໍ້​ມູນ​ນີ້ ນາງ​ອາດ​ຈະ​ປົກ​ປ້ອງ​ການ​ເສຍ​ຊີວິດ​ຂອງ​ລູກ​ສາວ​ໄດ້.

​ແມ່​ຂອງ Ella ລະບຸ​ວ່າ: ຂ້ອນ​ຂ້າງ​ຕົກ​ໃຈ​ກັບ​ຂໍ້​ສະຫລຸບ​ການ​ສືບສວນ​ຄະດີ​ການ​ເສຍ​ຊີວິດ​ຂອງ​ລູກ​ສາວ ​ແລະ ຮຽກຮ້ອງ​ໃຫ້​ເພີ່ມ​ການ​ສຶກສາ​ຄວາມ​ສ່ຽງ​ມົນ​ລະ​ພິດ​ທາງ​ອາກາດ​ໃຫ້​ຄົນ​ທີ່​ຂາດ​ຄວາມ​ເຂົ້າ​ໃຈ​ວ່າ​ມົນ​ລະ​ພິດ​ສົ່ງ​ຜົນ​ຕໍ່​ປອດ​ເດັກ​ແນວ​ໃດ.

ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ - WhatsApp Image 2020 05 27 at 5 - ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ
ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ - WhatsApp Image 2020 05 27 at 5 - ເດັກນ້ອຍ 9 ປີ ເສຍຊີວິດຈາກມົນລະພິດທາງອາກາດ ເປັນຄົນທຳອິດໃນອັງກິດ
error: Alert: ເນື້ອຫາຂ່າວມີລິຂະສິດ !!