ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ

ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ - 95d347d3d71caf96780e5a70e5f8f960 - ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ
ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ - Untitled design - ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ

ຜູ້​ຕິດ​ເຊື້ອ​ໂຄ​ວິດ-19 ​ເສຍ​ຊີວິດ​ລະຫວ່າງ​ຖ້າ​ຕຽງ​ນອນ​ສູງ​ເຖິງ 6 ຄົນ​ໃນ​ເດືອນ​ນີ້ ສະທ້ອນ​ລະບົບ​ສາທາລະນະ​ສຸກ​ໃນ​ປະ​ເທດ​ທີ່​ອາດ​ບໍ່​ພຽງ​ພໍ​ຕໍ່​ການ​ຮອງ​ຮັບ​ຜູ້​ຕິດ​ເຊື້ອ​ໂຄ​ວິດ-19 ທີ່​ກຳລັງ​ເພີ່ມ​ສູງ​ຂຶ້ນຢູ່ ສ.​ເກົາຫລີ.

ວັນ​ທີ 18 ທັນວາ, ສຳນັກ​ຂ່າວ Yonhap ສື່​ພາສາ​ອັງກິດ​ຂອງ ສ.​ເກົາຫລີ ລາຍ​ງານ​ວ່າ: ມີ​ຜູ້​ຕິດ​ເຊື້ອ​ໂຄ​ວິດ-19 ​ເສຍ​ຊີວິດ​ລະຫວ່າງ​ລໍຖ້າ​ຕຽງ​ຢູ່​ໂຮງໝໍ​ສູງ​ເຖິງ 6 ຄົນ​ໃນ​ເດືອນ​ນີ້ ຖື​ວ່າ​ຫລາຍ​ທີ່​ສຸດ​ນັບ​ແຕ່​ມີ​ການລະບາດ​ໃນ​ເດືອນ​ມັງກອນ ​ເຊິ່ງຜ່ານ​ມາ​ມີ​ຜູ້​ຕິດ​ເຊື້ອ​ໂຄ​ວິດ-19 ທີ່​ເສຍ​ຊີວິດ​ລະຫວ່າງ​ລໍຖ້າ​ຕຽງ​ນອນ​ທັງ​ໝົດ 8 ຄົນ.

ລາຍ​ງານ​ລະບຸ​ວ່າ: ຜູ້​ຕິດ​ເຊື້ອທັງ 6 ຄົນ​ທີ່​ຫາ​ກໍ​ເສຍ​ຊີວິດ ​ໃນ​ຈຳນວນ​ນີ້ 1 ຄົນ ​ເສຍ​ຊີວິດ​ຢູ່​ເຮືອນ​ລະຫວ່າງ​ລໍຖ້າ​ຕຽງ​ຢູ່​ໂຮງໝໍ​ວ່າງ, ສ່ວນ​ອີກ 3 ຄົນ​ເສຍ​ຊີວິດ​ຢູ່​ສະຖານທີ່​ເບິ່ງ​ແຍງ ລະຫວ່າງລໍຖ້າ​ສົ່ງ​ຕົວ​ໄປ​ໂຮງໝໍ. ຂະນະ​ທີ່​ອີກ 2 ຄົນ​ບໍ່​ມີ​ການ​ເປີດ​ເຜີຍ​ສາ​ເຫດການ​ເສຍ​ຊີວິດ​ທີ່​ຊັດ​ເຈນ.

ການ​ເສຍ​ຊີວິດ​ຂອງ​ຜູ້​ຕິດ​ເຊື້ອ​ໂຄ​ວິດ-19 ລະຫວ່າງ​ລໍຖ້າ​ຕຽງ​ນອນ ສະ​ທ້ອນ​ໃຫ້​ເຫັນ​ເຖິງ​ສະຖານະ​ການ​ການລະບາດ​ຂອງ​ພະຍາດ​ໂຄ​ວິດ-19 ທີ່​ກຳລັງ​ຮຸນ​ແຮງ ຈົນ​ລະບົບ​ສາທາລະນະ​ສຸກ​ອາດ​ບໍ່​ສາມາດ​ຮອງ​ຮັບ​ຜູ້​ຕິດ​ເຊື້ອພຽງພໍ ​ໂດຍ​ຫລ້າ​ສຸດ ສ.​ເກົາຫລີ ພົບ​ຜູ້​ຕິດ​ເຊື້ອ​ໂຄ​ວິດ-19 ​ໃໝ່​ຫລາຍ​ກວ່າ 1.000 ຄົນ ຕິດ​ຕໍ່​ກັນມາ 3 ມື້​ແລ້ວ ​ເຮັດ​ໃຫ້​ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ​ຢູ່ ສ.​ເກົາຫລີ ສະ​ສົມ​ທັງ​ໝົດ 47.000 ກວ່າ​ຄົນ ​ແລະ ມີ​ຜູ້​ເສຍ​ຊີວິດ 650 ຄົນ.

ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ - Wave100S AD to Website 2020 0 - ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ

ຂະນະ​ທີ່​ໃນ​ວັນ​ທີ 17 ທັນວາ, ທາງ​ການ ສ.​ເກົາຫລີ ​ເປີດ​ເຜີຍ​ວ່າ: ມີ​ຜູ້​ເສຍ​ຊີວິດ​ໃໝ່ 22 ຄົນ ​ເຊິ່ງ​ເປັນ​ການ​ເສຍ​ຊີວິດ​ໃນ​ມື້ດຽວ​ສູງ​ທີ່​ສຸດ​ນັບ​ແຕ່​ມີ​ການລະບາດ​ຢູ່ ສ.​ເກົາຫລີ ​ເປັນຕົ້ນມາ.

ປັດຈຸບັນ​, ລັດຖະບານ ສ.​ເກົາຫລີ ກຳລັງ​ພິຈາລະນາ​ວ່າ: ອາດ​ບັງຄັບ​ໃຊ້​ມາດ​ຕະການ​ຮັກສາ​ໄລຍະ​ຫ່າງ​​ໃຫ້​ເຂັ້ມງວດ​ຂຶ້ນ ​ເຊິ່ງອາດ​ກະທົບ​ຕໍ່​ທຸລະ​ກິດ​ຫລາຍ​ກວ່າ 1,2 ລ້ານ​ແຫ່ງ​ໃຫ້​ຕ້ອງ​ປິດ​ບໍລິການ​ໃນ​ທ້າຍ​ປີ​​ນີ້.

ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ - WhatsApp Image 2020 05 27 at 5 - ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ
ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ - WhatsApp Image 2020 05 27 at 5 - ໂຄວິດ-19 ຢູ່ ສ.ເກົາຫລີ ວິກິດ ຜູ້ຕິດເຊື້ອ 6 ຄົນຕາຍລະຫວ່າງຖ້າຕຽງນອນ
error: Alert: ເນື້ອຫາຂ່າວມີລິຂະສິດ !!