ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ

ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ - XAY 0147 scaled - ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ
ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ - Untitled design - ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ

ໃນຕອນຄ່ຳວັນທີ 19 ທັນວາ 2020 ທີ່ຫໍວັດທະນະທຳແຫ່ງຊາດ ນະຄອນຫລວງວຽງຈັນ, ສະມາຄົມສິລະປະແຄນລາວ ໄດ້ຈັດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ເພື່ອສະ ເຫລີມສະຫລອງວັນເກີດ ປະທານ ໄກສອນ ພົມວິຫານ ຄົບຮອບ 100 ປີ, ວັນສະຖາປານາ ສປປ ລາວ ຄົບຮອບ 45 ປີ ແລະ ສ້າງຂະບວນການ ເພື່ອຂ່ຳນັບຮັບຕ້ອນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ. ພ້ອມນີ້, ຍັງເປັນການປຸກລະດົມກຳລັງໃຈ ຂອງຂະບວນການສິລະປະວັດທະນະທຳ ໂດຍສະເພາະແຄນລາວ, ເຊິ່ງໄດ້ເຕົ້າໂຮມສິລະປິນ ໝໍແຄນ, ໝໍລຳ, ຊ່າງເຮັດແຄນ ເພື່ອພ້ອມກັນອະນຸລັກຮັກສາ ແລະ ເສີມຂະຫຍາຍມູນເຊື້ອຂອງແຄນ ແລະ ສຽງແຄນເຊື້ອຊາດລາວ ມໍລະດົກໂລກ ໃຫ້ຍືນຍົງຢູ່ຄູ່ຄົນລາວ, ຊາວລາວ ແລະ ຊາວໂລກຕະຫລອດໄປ. ໂດຍເປັນກຽດເຂົ້າຮ່ວມ ຂອງ ທ່ານ ຄຳພັນ ພົມມະທັດ ກຳມະການກົມການເມືອງສູນກາງພັກ, ຫົວໜ້າໂຄສະນາອົບຮົມສູນກາງພັກ, ທ່ານ ຈະເລີນ ເຍຍປ່າວເຮີ ລັດຖະມົນຕີ ປະຈຳສຳນັກງານນາຍົກລັດຖະມົນຕີ, ປະທານກິດຕິມະສັກສະມາຄົມສິລະປະແຄນລາວ, ທ່ານ ສິນລາວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ພ້ອມດ້ວຍພະນັກງານ, ທະຫານ, ຕຳຫລວດ ແລະ ບັນດານັກຮຽນ ເຂົ້າຮ່ວມ.

ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ - XAY 0123 300x200 - ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ

ໃນໂອກາດນີ້, ທ່ານ ກິແກ້ວ ໄຂຄຳພິທູນ ລັດຖະມົນຕີ ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ກ່າວວ່າ: ການສະແດງສິລະປະວັດທະນະທຳ “ສຽງແຄນເຊື້ອຊາດລາວມໍລະດົກໂລກ” ທີ່ມີຄວາມໝາຍສຳຄັນທີ່ເລິກເຊິ່ງໃນຄັ້ງນີ້, ກ່ອນນີ້ 100 ປີ ຄື ວັນທີ 13 ທັນວາ 1920 ປະທານໄກ ສອນ ພົມວິຫານ ໄດ້ບັງເກີດຂຶ້ນ ແລະ ເພິ່ນໄດ້ເຕີບໃຫຍ່ຜ່ານຂະບວນວິວັດແຫ່ງການທົດສອບ ຈາກແປວ ໄຟແຫ່ງການປະຕິວັດ ອັນລະອິດລະອ້ຽວທຸລະກັນດານ ໃນທີ່ສຸດເພິ່ນໄດ້ກາຍເປັນຜູ້ນຳສູງສຸດ ແລະ ຜູ້ນຳທີ່ແສນເຄົາລົບຮັກຂອງພັກ, ລັດ, ກຳລັງປະກອບອາວຸດ ແລະ ປະຊາຊົນລາວບັນດາເຜົ່າຂອງພວກເຮົາ. ເວົ້າສະເພາະແຄນ ແລະ ສຽງແຄນລາວ ທີ່ເປັນມໍລະດົກວັດທະນະທຳອັນລ້ຳຄ່າ ຕິດພັນກັບວິຖີຊີວິດ ແລະ ວັດທະນະທຳຂອງຄົນລາວ, ຊຶ່ງໄດ້ຕົກທອດມານັບເປັນເວລາ 3 ພັນກວ່າປີນັ້ນ, ປະທານໄກສອນ ພົມວິຫານ ກໍເປັນຜູ້ນຳສູງສຸດ ທີ່ໄດ້ໃຫ້ຄວາມສຳຄັນເປັນພິເສດ ຕໍ່ການອະນຸລັກຮັກສາ ແລະ ເສີມຂະ ຫຍາຍມູນມໍລະດົກດັ່ງກ່າວນີ້. ເພິ່ນເປັນຜູ້ທີ່ມີຄວາມຮູ້ຄວາມສາມາດ ແລະ ມີຄວາມຊຳນານໃນການນຳໃຊ້ແຄນ, ເປົ່າແຄນ-ດ່ຽວແຄນ, ໂດຍສະເພາະ ການເປົ່າແຄນລຳຄອນສະຫວັນ ແລະ ແຄນຂັບ-ລຳທ້ອງຖິ່ນເປັນຕົ້ນ.

ລາຍການສະແດງສິລະປະວັດທະນະທຳ “ສຽງແຄນເຊື້ອຊາດລາວມໍລະດົກໂລກ” ປະກອບມີ: ສືບສານຕຳນານ ສຽງແຄນແຜ່ນດິນເດີມ ຂອງຄົນເຊື້ອຊາດລາວ, ລຳຄອນສະຫວັນ “ສັນລະເສີນປະທານ ໄກສອນ ພົມວິຫານ”, ຂັບຊຳເໜືອລາວ ແລະ ຂັບໄຕແດງ, ລຳຜູ້ໄທປະກອບບົດຟ້ອນ, ດ່ຽວແຄນ (ໝໍແຄນຈາກຄົນອັງກິດ, ສະວີເດັນ ແລະ ຍີ່ປຸ່ນ), ຮ້ອງເພັງແກ້ວຫລັກເມືອງ, ຂັບງື່ມ, ລຳຕັ່ງຫວາຍປະກອບບົດຟ້ອນ. ນອກຈາກນີ້, ເປົ່າແຄນວົງຊາຍ-ຍິງ ຈາກກອງສິລະປະກອນ ກະຊວງປ້ອງກັນຄວາມສະຫງົບ.

ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ - Wave100S AD to Website 2020 0 - ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ

ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ - XAY 0115 300x200 - ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ

ທ່ານ ກິແກ້ວ ໄຂຄຳພິທູນ ກ່າວຕື່ມວ່າ: ການໄດ້ມາຊື່ສຽງແຄນເຊື້ອຊາດລາວ ມໍລະດົກໂລກ ບວກກັບມໍລະດົກໂລກຫລວງພະບາງ, ວັດພູຈຳປາສັກ ແລະ ທົ່ງໄຫຫີນຊຽງຂວາງ ໄດ້ນຳເອົາຊື່ສຽງ, ກຽດສັກສີອັນໃຫຍ່ຫລວງໃຫ້ແກ່ຊາດລາວເຮົາ ກໍຄື ມວນມະນຸດໂລກ, ຂ້າພະເຈົ້າຂໍຮຽກຮ້ອງມາຍັງປະຊາ ຊົນລາວທຸກຄົນ, ທຸກຊົນເຜົ່າ ຈົ່ງພ້ອມກັນປົກປັກຮັກສາ, ເສີມຂະຫຍາຍມໍລະດົກໂລກດັ່ງກ່າວ ໃຫ້ຄົງຢູ່ກັບຄົນລາວ ແລະ ປະເທດລາວຕໍ່ໄປ.

ພາຍໃນງານຍັງໄດ້ມີການປະກາດຜົນການແຂ່ງຂັນ ສີມືຊ່າງແຄນດີເດັ່ນທົ່ວປະເທດ ປະຈຳປີ 2020 ນຳອີກ, ເຊິ່ງຜູ້ທີ່ຊະນະເລີດໃນໄດ້ແກ່ ທ່ານ ບົວວັນ ອຸດົມສຸກ ເມືອງພູກູດ, ແຂວງຊຽງຂວາງ ເຊິ່ງໄດ້ຮັບລາງວັນເງິນສົດ 4 ລ້ານກີບ ພ້ອມດ້ວຍໂລ້ລາງວັນ ແລະ ໃບກຽດຕິຄຸນ. ສຳລັບລາງວັນຮອງຊະນະເລີດໄດ້ແກ່ ທ່ານ ຈັນສີ ອຸດົມສຸກ ໄດ້ຮັບເງິນລາງວັນ 3.200.000 ກີບ ພ້ອມໂລ້ລາງວັນ ແລະ ໃບກຽດຕິຄຸນ. ສ່ວນລາງວັນທີ 3 ໄດ້ແກ່ ທ່ານ ແກ່ນ ອຸດົມສຸກ ເງິນລາງວັນ 2.500.000 ກີບ ພ້ອມໂລ້ລາງວັນ ແລະ ໃບກຽດຕິຄຸນ ແລະ ລາງວັນຊົມເຊີຍໄດ້ແກ່ ທ່ານ ສາຍທອງ ສາຍນະສິນ ເງິນລາງວັນ 2 ລ້ານກີບ ພ້ອມໃບກຽດຕິຄຸນ, ເຊິ່ງທັງໝົດແມ່ນມາຈາກບ້ານ ທົ່ງໝັ້ນ, ເມືອງພູກູດ, ແຂວງຊຽງຂວາງ.

ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ - WhatsApp Image 2020 05 27 at 5 - ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ
ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ - WhatsApp Image 2020 05 27 at 5 - ເປີດງານມະໂຫລານ “ສຽງແຄນເຊື້ອຊາດລາວມໍລະດົກໂລກ” ສະເຫລີມ ສະຫລອງວັນເກີດປະທານ ໄກສອນ ພົມວິຫານ ຄົບຮອບ 100 ປີ
error: Alert: ເນື້ອຫາຂ່າວມີລິຂະສິດ !!