ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70%

ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70% - 3000 scaled - ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70%
ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70% - Untitled design - ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70%

​ເກືອບ​ທຸກ​ປະ​ເທດ​ໃນ​ທະວີບ​ເອີຣົບ​ໂຈະ​ການ​ເດີນທາງ​ທຸກ​ຊ່ອງ​ທາງ​ກັບ​ອັງກິດ​ຊົ່ວຄາວ ຫລັງ​ລັດຖະບານ​ກາງ​ໃນ​ນະຄອນຫລວງ​ລອນ​ດອນ​ຢືນຢັນ​ການ​ພົບ “​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ກາຍພັນ” ທີ່​ແຜ່​ລະບາດ​ໄດ້​ໄວ​ຂຶ້ນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ພາຍຫລັງ​ນາຍົກລັດຖະມົນຕີ ບໍຣິສ ຈອນ​ສັນ ຍົກ​ລະດັບ​ທົ່ວ 32 ​ເຂດ​ໃນ​ນະຄອນຫລວງ​ລອນ​ດອນ ລວມທັງ​ຊິ​ຕີ ອອຟ ລອນ​ດອນ ພື້ນທີ່​ທັງ​ໝົດ​ທາງ​ຕາ​ເວັນ​ອອກສຽງ​ໃຕ້ ​ແລະ ຕາ​ເວັນ​ອອກ​ຂອງ​​ເກາະ​ອັງກິດ ສູ່​ການ​ເຝົ້າລະວັງ​ດ້ານ​ສາທາລະນະ​ສຸກ​ລະດັບ “​ເທຍ 4” ​ເປັນ​ເວລາ​ຢ່າງ​ໜ້ອຍ 14 ວັນ ນັບ​ແຕ່​ວັນ​ທີ 20 ທັນວາ​ຜ່ານ​ມາ ​ເນື່ອງ​ຈາກ​ພື້ນທີ່​ດັ່ງກ່າວ​ມີ​ການ​ແຜ່​ກະຈາຍ​ຂອງ “​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ກາຍພັນ” ທີ່​ສາມາດ​ຕິດ​ຕໍ່​ໄດ້​ໄວ​ຂຶ້ນອີກ 70% ນັ້ນ.

ລັດຖະບານ​ຂອງ​ເກືອບ​ທຸກ​ປະ​ເທດ​ໃນ​ທະວີບ​ເອີຣົບ ບໍ່​ວ່າ​ຈະ​ເປັນ​ເຢຍລະ​ມັນ, ຝຣັ່ງ, ອິຕາ​ລີ, ​ເບ​ລຢ້ຽມ, ​ໄອ​ແລນ, ​ໂອ​ຕຣິດ, ​ເນ​ເທີ​ແລນ, ສະ​ວີ​ເດນ, ຟິນ​ແລນ ​ແລະ ສະ​ວິດ​ເຊີ​ແລນ ທະຍອຍ​ປະກາດ​ມາດ​ຕະການ​ໂຈະ​ການ​ເດີນທາງ​ທັງ​ທາງບົກ, ທາງ​ເຮືອ ​ແລະ ທາ​ງອາກາດ​ຈາກອັງກິດ ​ໂດຍ​ສ່ວນ​ຫລາຍ​ໂຈະ​ເປັນ​ເວລາ​ຢ່າງ​ໜ້ອຍ 14 ວັນ, ສ່ວນ​ມາດ​ຕະການ​ຂອງຝຣັ່ງ “ມີ​ຜົນ​ຢ່າງ​ໜ້ອຍ 48 ຊົ່ວ​ໂມງ” ນັບ​ແຕ່​ວັນ​ທີ 20 ທັນວາ.

ສ່ວນ​ກະຊວງ​ສາທາລະນະ​ສຸກ​ຂອງ​ອິຕາ​ລີ​ປະກາດ​ວ່າ: ບຸກຄົນ​ໃດ​ກໍ​ຕາມ ທີ່​ຫາ​ກໍ​ເດີນທາງ​ມາ​ຈາກ​ອັງກິດ​ຕ້ອງ​ເຂົ້າສູ່​ຂະ​ບວນການ​ກັກ​ຕົວ ​ແລະ ກວດ​ຄັດ​ກອງ ຫລັງ​ກວດ​ພົບ​ມີ​ຜູ້​ຕິດ​ເຊື້ອຢ່າງ​ໜ້ອຍ 1 ຄົນ​ຫາ​ກໍ​ເດີນທາງ​ກັບ​ມາ​ຈາກ​ອັງກິດ ​ແລະ ມີ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ກາຍພັນ.

​ໃນ​ເວລາ​ດຽວ​ກັນ, ອົງການ​ອະນາ​ໄມ​ໂລກ (WHO) ອອກ​ຖະ​ແຫລ​ງການ​ວ່າ: ອັດຕາ​ການ​ຕິດ​ເຊື້ອ ​ແລະ ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ຮອບ​ປັດຈຸບັນ​ໃນ​ພື້ນທີ່​ສ່ວນ​​ຫລາຍ​ຂອງ​ທະວີບ​ເອີຣົບ “ຮຸນ​ແຮງ ​ແລະ ​ເປັນ​ວົງ​ກວ້າງ” ທຸກ​ປະ​ເທດ​ຄວນ​ຍົກ​ລະດັບ​ມາດ​ຕະການ​ຕອບ​ສະໜອງ​ອີກ​ທົບ​ເທື່ອ ​ແລະ WHO ກຳລັງ​ປະສານ​ງານ​ຢ່າງ​ໃກ້ຊິດ​ກັບ​ລັດຖະບານ​ອັງກິດ ​ເພື່ອ​ຂໍ​ຂໍ້​ມູນ​ເພີ່ມ​ຕື່ມ​ກ່ຽວ​ກັບ “ການ​ກາຍພັນ” ຂອງ​ເຊື້ອ​ໄວຣັສ​ໂຄ​ໂຣນາ.

ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70% - Wave100S AD to Website 2020 0 - ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70%

ຂະນະ​ທີ່​ທ່ານ ​ແມດ ​ແຮນ​ດ໊ອກ ລັດຖະມົນຕີ​ກະຊວງ​ສາທາລະນະ​ສຸກ​ຂອງ​ອັງກິດ ຍອມຮັບ​ວ່າ: ອັດຕາ​ການ​ແຜ່​ລະບາດ​ໃນ​ພື້ນທີ່​ພາຍ​ໃຕ້​ຄຳ​ສັ່ງ​ເທຍ 4 “ຍັງ​ຄວບ​ຄຸມ​ບໍ່​ໄດ້” ​ແຕ່​ຢືນຢັນ​ວ່າ​ທຸກ​ຝ່າຍ​ພະຍາຍາມ​ຢ່າງ​ສຸດ​ຄວາມ​ສາມາດ.

ປັດຈຸບັນ ອັງກິດ​ມີ​ຜູ້​ຕິດ​ເຊື້ອສະ​ສົມ​ຈາກ​ພະຍາດ​ໂຄ​ວິດ-19 ຢ່າງ​ໜ້ອຍ 2.040.147 ຄົນ ​ເພີ່ມ​ຂຶ້ນ 35.928 ຄົນ ​ແລະ ​ເສຍ​ຊີວິດ​ແລ້ວ 67.401 ຄົນ ​ເພີ່ມ​ຂຶ້ນ 326 ຄົນ​ໃນ​ຮອບ 24 ຊົ່ວ​ໂມງ​ຫລ້າ​ສຸດ.

ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70% - WhatsApp Image 2020 05 27 at 5 - ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70%
ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70% - WhatsApp Image 2020 05 27 at 5 - ອັງກິດພົບ “ໂຄວິດກາຍພັນ” ແຜ່ລະບາດໄດ້ໄວຂຶ້ນ 70%
error: Alert: ເນື້ອຫາຂ່າວມີລິຂະສິດ !!