ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມປະທານລັດຖະສະພາບັນດາປະເທດເອີຣົບ-ອາຊີ

- advert banner 728 90 728x90 - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມປະທານລັດຖະສະພາບັນດາປະເທດເອີຣົບ-ອາຊີ

ຄະນະຜູ້ແທນຂັ້ນສູງຂອງສະພາແຫ່ງຊາດລາວ ນໍາໂດຍ ທ່ານ ນາງ ສີໃສ ລືເດດມູນສອນ,  ຮອງປະທານສະພາແຫ່ງຊາດ ໄດ້ສໍາເລັດການເຂົ້າຮ່ວມກອງປະຊຸມປະທານລັດຖະສະພາຂອງບັນດາປະເທດເອີຣົບ-ອາຊີຄັ້ງທີ່ 2 ພາຍໃຕ້ຫົວຂໍ້ “ສົ່ງເສີມການຮ່ວມມືລະຫວ່າງລັດຖະສະພາ ເພື່ອຄວາມສົມບູນພູນສຸກຂອງພາກພຶ້ນເອີຣົບ-ອາຊີ” (2nd Meeting of Speakers of Eurasian Countries’ Parliaments), ຊຶ່ງມີຂື້ນລະຫວ່າງວັນທີ 26-27 ມີຖຸນາ ຜ່ານມາ, ທີ່ນະຄອນຫຼວງເຊອູນ, ສາທາລະນະລັດເກົາຫຼີ. ໂດຍພາຍໃຕ້ການເປັນປະທານຮ່ວມລະຫວ່າງ ທ່ານ ຈູງ ເຊ ຄູນ, ປະທານສະພາແຫ່ງຊາດ ສ. ເກົາຫຼີ ແລະ ທ່ານ ວີຢາເຈັດສະລັບ ວາໂລດິນ, ປະທານສະພາດູມາ ແຫ່ງສະຫະພັນ ຣັດເຊຍ ເພື່ອຮ່ວມກັນປຶກສາຫາລືກ່ຽວກັບວິທີທາງສົ່ງເສີມການຮ່ວມມືທາງລັດຖະສະພາລະຫວ່າງປະເທດຕ່າງໆ ເພື່ອປະກອບສ່ວນເຂົ້າໃນການເສີມສ້າງສັນຕິພາບ, ສະ ຖຽນລະພາບ ແລະຄວາມສະຫງົບສຸກຮ່ວມກັນໃນພາກພື້ນທະວີບເອີຣົບ-ອາຊີ.

- new3 - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມປະທານລັດຖະສະພາບັນດາປະເທດເອີຣົບ-ອາຊີ

ເຂົ້າຮ່ວມກອງປະຊຸມຄັ້ງນີ້ ມີ 25 ປະເທດ ທີ່ມາຈາກພາກພື້ນທະວີບຢູຣາເຊຍ ຫລື ເອຣົບ-ອາຊີ ໃນນັ້ນ ມີຄະນະຜູ້ແທນ ທີ່ນໍາໂດຍປະທານສະພາ 11 ທ່ານ ແລະລະດັບຮອງປະທານສະພາ 14 ທ່ານ ພ້ອມດ້ວຍທຸຕານຸທູດ ແລະອົງການຮ່ວມມືທາງດ້ານເສດຖະກິດຂອງພາກພື້ນຢູຣາເຊຍ ເຂົ້າຮ່ວມຢ່າງຫລວງຫລາຍ.

ໃນກອງປະຊຸມດັ່ງກ່າວ ທ່ານ ນາງ ສີໃສ ລືເດດມູນສອນ ໄດ້ກ່າວຄຳເຫັນຕໍ່ກອງປະຊຸມ ໂດຍໄດ້ສະແດງຄວາມຊົມເຊີຍ ແລະຕີລາຄາສູງຕໍ່ແນວຄວາມຄິດລິເລີ່ມຈັດກອງປະຊຸມປະທານລັດຖະສະພາເອີ ຣົບ-ອາຊີ ຂອງປະທາສະພາແຫ່ງຊາດສ.ເກົາຫຼີ ແລະສະພາດູມາສະຫະພັນລັດເຊຍພ້ອມທັງ, ຍົກໃຫ້ເຫັນຄວາມເປັນຫ່ວງຂອງປະຊາຄົມໂລກ ຕໍ່ສະພາບການທີ່ເກີດຂື້ນໃນພາກພື້ນຕ່າງໆ ໃນທົ່ວໂລກ ໂດຍສະເພາະໃນພາກພື້ນເອີຣົບ ແລະອາຊີ ທີ່ໄດ້ປະເຊີນໜ້າກັບໄພຂົ່ມຂູ່ຫຼາຍດ້ານ ເຊັ່ນ: ການກໍ່ການຮ້າຍສາກົນ, ລັດທິຫົວຮຸນແຮງ, ອາຊະຍາກຳຂ້າມຊາດ, ການປ່ຽນແປງດິນຟ້າອາກາດ, ສະພາບແວດລ້ອມເຊື່ອມໂຊມ, ບັນຫາຜູ້ອົບພະຍົບ, ຄວາມທຸກຍາກ, ຄວາມບໍ່ສະເໝີພາບ ແລະຄວາມແຕກໂຕນກັນຂອງລະດັບການພັດທະນາລະຫວ່າງປະເທດຕ່າງໆໃນພາກພື້ນ ຊຶ່ງຍັງເປັນອຸປະສັກກີດຂວາງຕໍ່ສັນຕິພາບ ແລະການພັດທະນາຢູ່.

ຕໍ່ສະພາບການດັ່ງກ່າວ, ຄະນະຜູ້ແທນລາວ ກໍໄດ້ສະເໜີໃຫ້ລັດຖະສະພາປະເທດຕ່າງໆ ຕ້ອງເພີ່ມທະວີໃນການຊຸກຍູ້ສົ່ງເສີມການຊ່ວຍເຫຼືອເຊີ່ງກັນ ແລະກັນດ້ານການພັດທະນາ ເພື່ອຮັດແຄບຄວາມແຕກໂຕນກັນຂອງລະດັບການພັດທະນາໃນພາກພື້ນ ຕາມກອບການຮ່ວມມືໜຶ່ງແລວທາງ ໜຶ່ງເສັ້ນທາງ ແລະເປັນປັດໃຈສຳຄັນເພື່ອສົ່ງເສີມການພົວພັນ ແລກປ່ຽນລະຫວ່າງຄົນກັບຄົນ ແລະການເຊື່ອມຈອດ, ເຊື່ອມໂຍງພາກພື້ນ ແລະສາກົນ;  ຫັນເອົາຄວາມຫຼາກຫຼາຍທາງດ້ານການເມືອງ, ເສດຖະກິດ, ວັດທະນາທຳ ແລະສັງຄົມ ທີ່ມີຢູ່ໃນພາກພື້ນ ໃຫ້ກາຍເປັນກຳລັງແຮງຂັບເຄື່ອນໃຫ້ແກ່ການພັດທະນາ, ເປັນປະຊາຄົມແຫ່ງການຮຽນຮູ້, ແບ່ງປັນຊ່ວຍເຫຼືອກັນ ແລະກ້າວໄປພ້ອມກັນ ໂດຍບໍ່ປະຜູ້ໃດໄວ້ຢູ່ເບື້ອງຫຼັງ. ພ້ອມທັງຮຽກຮ້ອງໃຫ້ປະເທດຕ່າງໆ ເພີ່ມທະວີຄວາມພະຍາຍາມໃນການແກ້ໄຂຂໍ້ຂັດແຍ່ງຕ່າງໆ ໂດຍສັນຕິວິທີ ເພື່ອຮັບປະກັນສັນຕິພາບ ສະເຖຍລະພາບ ແລະຄວາມໝັ້ນຄົງຂອງພາກພື້ນທະວີບຢູຣາເຊຍ ແລະໃນໂລກ.

- lattana 1 - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມປະທານລັດຖະສະພາບັນດາປະເທດເອີຣົບ-ອາຊີ

ກອງປະຊຸມຮັບຮັບຮອງເອົາຖະແຫຼງການເຊອູນ (Seoul Statement) ຊຶ່ງມີເນື້ອໃນຕົ້ນຕໍ 10 ຂໍ້ ໂດຍແນໃສ່ເພີ່ມທະວີຄວາມພະຍາຍາມໃນການຊຸກຍູ້ສົ່ງເສີມບົດບາດ ແລະການປະຕິບັດໜ້າທີ່ຂອງລັດຖະສະພາ, ພ້ອມທັງຂະຫຍາຍການຮ່ວມມືລະຫວ່າງລັດຖະສະພາ ເພື່ອເຮັດໃຫ້ກອງປະຊຸມດັ່ງກ່າວ ມີຄວາມຕໍ່ເນື່ອງ ກາຍເປັນປະຊາຄົມ ແລະອົງການດ້ານການຮ່ວມມື ລະຫວ່າງລັດຖະສະພາ ເພື່ອນໍາເອົາຄວາມສົມບູນພູນສຸກ ທີ່ໝັ້ນຄົງໃຫ້ແກ່ພາກພື້ນຢູຣາເຊຍ. ໂດຍໃຫ້ຄວາມສຳຄັນຕໍ່ຄວາມພະຍາຍາມຮ່ວມກັນ ໃນດ້ານນິຕິກຳ ແລະສະຖະບັນນິຕິບັນຍັດ ເພື່ອສົ່ງເສີມການຮ່ວມມືໃນຫຼາຍຂົງເຂດ; ສະໜັບສະໜູນບັນດາກິດຈະການຕ່າງໆ ຂອງສະຫະປະຊາຊາດ ແລະສະຫະພັນລັດຖະສະພາສາກົນ ໃນການແກ້ໄຂບັນຫາ ແລະສິ່ງທ້າທາຍຕ່າງໆຂອງໂລກ ໂດຍສັນຕິວິທີ;  ເຫັນດີ ທີ່ຈະສ້າງກອງເລຂາດ້ານເຄືອຂ່າຍລະບົບຄອມພີວເຕີຂື້ນ ເພື່ອຕິດຕໍ່ສື່ສານເຊີ່ງກັນແລະກັນລະຫວ່າງລັດຖະສະພາປະເທດຕ່າງໆ. ພ້ອມນີ້, ກອງປະຊຸມຍັງເຫັນດີເອກະພາບກັນ ທີ່ຈະສືບຕໍ່ຈັດກອງປະຊຸມປະທານລັດຖະສະພາບັນດາປະເທດເອີຣົບ-ອາຊີ ເປັນຄັ້ງທີ 03 ຂື້ນໃນປີ 2018 ຕໍ່ໄປ. ສ່ວນຈະຢັດຢູ່ປະເທດໃດທາງເຈົ້າພາບຮ່ວມຈະແຈ້ງໃຫ້ໃນທ້າຍປີ 2017.

error: Content is protected !!