ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່

ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່ - propagada - ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່
ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່ - Untitled design - ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່

ໂດຍ: ລູກເມືອງພວນ

ທຸກສິ່ງທຸກຢ່າງໃນໄລຍະນີ້ຂອງພັກເຮົາ ແມ່ນສຸມໃສ່ກະກຽມກອງປະຊຸມໃຫຍ່ຄັ້ງທີ່ 11 ຂອງພັກຢ່າງຮີບຮ້ອນ, ໂດຍສະເພາະແມ່ນການກະກຽມ ດ້ານສະຖານທີ່, ງົບປະມານ, ຂະບວນການ, ບຸກຄະລາກອນ(ໃນນີ້ນັບທັງການທາບທາມຢັ່ງຫາງສຽງບຸກຄະລາກອນ, ມາດຕະຖານເງື່ອນໄຂ ຜູ້ທີ່ຈະເປັນກຳມະການກົມການເມືອງ, ຜູ້ທີ່ຈະເປັນກຳມະການສູນກາງພັກ…) ແລະ ອັນທີ່ສຳຄັນທີ່ສຸດກໍແມ່ນຄວາມສະຫງົບ ຄວາມເປັນລະບຽບຮຽບຮ້ອຍທາງສັງຄົມກ່ອນມື້ໄຂກອງປະຊຸມໃຫຍ່.

ຂະນະນີ້ ປະຊາຊົນລາວກຳລັງຈົດຈໍ່ ຈ້ອງມອງ ແລະ ງ່ຽງຫູຟັງເບິ່ງວ່າ ໜ້າຕາຂອງກຳມະການກົມການເມືອງສູນກາງພັກ, ກຳມະການສູນກາງພັກຄັ້ງທີ 11 ນີ້ຈະມີໜ້າຕາແນວໃດ, ຈະມີໃຜແດ່, ໜ້າຕາເກົ່າໆ ມີໃຜແດ່, ໜ້າຕາໃໝ່ໆ ມີໃຜເພີ່ມເຕີມ…

ແຕ່ມີສິ່ງໜຶ່ງທີ່ຫາງສຽງສັງຄົມ ແລະ ປະຊາຊົນຮຽກຮ້ອງກໍແມ່ນຢາກໃຫ້ພັກເຮົາ ເປີດເຜີຍມາດຖານ, ເງື່ອນໄຂຜູ້ທີ່ຈະເປັນກຳມະການສູນກາງພັກ ໃຫ້ສັງຄົມຮັບຊາບນຳ ໂດຍຜ່ານສື່ມວນຊົນ ແມ່ນຈະເປັນການດີ ເພາະຜູ້ນຳປະເທດຊາດ ແມ່ນຕົວແທນແຫ່ງສິດຜົນປະໂຫຍດຂອງປະຊາຊົນລາວ ແມ່ນຜູ້ທີ່ຈະຄັດທ້າຍເຮືອຂອງການປະຕິວັດລາວຍຸກໃໝ່ໄປສູ່ເປົ້າໝາຍສັງຄົມນິຍົມ ປະຊາຊົນຢາກສັງເກດຕີລາຄາ ແລະ ເລືອກເອົາຄົນດີເຂົ້າມາບໍລິຫານບ້ານເມືອງ…ນີ້ຄືຄວາມເປັນຫ່ວງຂອງປະຊາຊົນຢ່າງແທ້ຈິງ.

ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່ - Wave100S AD to Website 2020 0 - ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່

ລະບອບຂອງເຮົາແມ່ນລະບອບປະຊາທິປະໄຕປະຊາຊົນ ຕ້ອງເອົາປະຊາຊົນເປັນກົກ. ບັນຫາສຳຄັນໆ ຂອງປະເທດຊາດປະຊາຊົນຄວນມີສ່ວນຮ່ວມໃນການຕັດສິນບັນຫາ. ສິ່ງທີ່ປະຊາຊົນຢາກຮູ້ຢາກເຫັນນັ້ນ ເປັນສິ່ງທີ່ຊອບທຳທີ່ສຸດ. ຖ້າປະຊາຊົນມີສ່ວນຮ່ວມຄິດວ່າຈະດີທີ່ສຸດ. ການເປີດເຜີຍມາດຖານ, ເງື່ອນໄຂໃຫ້ສັງຄົມຮັບຊາບນຳ ແມ່ນບັນຫາທີ່ຄວນຈະເຮັດເປັນຢ່າງຍິ່ງ. ເພາະຜ່ານມາ ມາດຖານ, ເງື່ອນໄຂນັ້ນ ປະຊາຊົນບໍ່ໄດ້ມີສ່ວນຮ່ວມຕັດສິນໃຈ. ເມື່ອໄດ້ຄົນເຂົ້າມາບໍລິຫານບ້ານເມືອງ ບຸກຄົນຈຳນວນໜຶ່ງໄດ້ສ້າງບັນຫາໃຫ້ແກ່ບ້ານເມືອງຢ່າງມາກມາຍ.

ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່ - WhatsApp Image 2020 05 27 at 5 - ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່
ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່ - WhatsApp Image 2020 05 27 at 5 - ເສີມຂະຫຍາຍປະຊາທິປະໄຕ ປະຊາຊົນ ໃຫ້ເຕັມທີ່
error: Alert: ເນື້ອຫາຂ່າວມີລິຂະສິດ !!