ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ

ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ - 666 3 - ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ
ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ - Untitled design - ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ

ໂດຍ: ທິດ​ກໍ່າ

​ໃນ​ຊ່ວງ​ເດືອນ​ພະຈິກ​ຫາ​ເດືອນ​ທັນວາ 2020 ຜ່ານ​ມາ​ນີ້, ຂ່າວ​ຄາວ​ກ່ຽວ​ກັບ​ການ​ຈັບ​ຕົວ, ຄຸມ​ຕົວ​ຄົນ​ລັກ​ຂ້າມ​ຊາຍ​ແດນ​ໄປ​ໄທ​ປາກົດ​ວ່າ​ມີ​ໃຫ້​ເຫັນ​ເລື້ອຍໆ. ພວກ​ທີ່​ມັກ​ລັກ​ຂ້າມ​ໄປ​ກໍ​ບໍ່​ອື່ນ​ໄກ ມັນຕັ້ງ​ແມ່ນ​ແຮງ​ງານ​ລາວ​ທີ່​ເຄີຍ​ໄປ​ທຳ​ງານ​ຢູ່​ປະ​ເທດ​ໄທ​ນັ້ນ​ເອງ. ນອກຈາກ​ນັ້ນ ຢູ່​ທາງ​ພາກ​ເໜືອ​​ແຂວງ​ບໍ່​ແກ້ວ ກໍ​ມີ​ຄົນ​ຈີນ​ລັກ​ຂ້າມ​ຊາຍ​ແດນ​ເຂົ້າມາລາ​ວ ຫລື ຜ່ານ​ລາວ​ໄປ​ຈີນ. ດັ່ງ​ແຫ​ລ່ງຂ່າວ​ມີ​ຄົນ​ຈີນ​ສອງ​ຄົນ​ມາ​ແຕ່​ມຽນມາ​ລັກ​ເຂົ້າມາລາ​ວ​ແລ້ວ​ສືບ​ຕໍ່​ໄປ​ປະ​ເທດ​ຈີນ. ​ໃນ​ສອງ​ຄົນ​ທີ່​ວ່າ​ນີ້ ພາຍຫລັງ​ເຂົ້າ​ໄປ​ຮອດ​ຈີນ​ແລ້ວ ຜ່ານ​ການ​ກັກ​ຕົວ​ກວດ​ສອບ​ຂອງ​ເຈົ້າໜ້າ​ທີ່​ຈຶ່ງ​ຮູ້​ວ່າ​ພວກ​ເຂົາ​ຕິດ​ເຊື້ອ​ໂຄ​ວິດ-19 ມາ​ແຕ່​ຕົ້ນທາງ ໝາຍວ່າ​ໄດ້​ຕິດ​ມາ​ແຕ່​ປະ​ເທດ​ມຽນມາ. ​ໃນ​ສະພາບ​ປັດຈຸບັນ ສິ່ງ​ທີ່​ອັນຕະລາຍ​ສຳລັບ​ປະ​ເທດ​ລາວ, ຄົນ​ລາວ​ເຮົາ​ນັ້ນ ການ​ລັກ​ເຂົ້າຜ່ານ​ຊາຍ​ແດນ​ລາວ​ໃນ​ຄັ້ງນີ້ ​ໄດ້​ມີ​ຄົນ​ລາວ​ນຳພາ​ທາງ​ສົ່ງ​ເຂົາ​​ເຂົ້າ​ໄປ​ຮອດ​ຈຸດ​ທີ່​ໝາຍ​ຊາຍ​ແດນ​ປະ​ເທດ​ຈີນ.

ຈາກ​ກໍລະນີ​ທີ່​ເກີດ​ຂຶ້ນນີ້ ​ເມື່ອ​ຮູ້​ສະພາບ​ຄວາມ​ເປັນ​ມາ​ໂດຍ​ລະອຽດ​ແລ້ວ ຈຶ່ງ​ເຮັດ​ໃຫ້​ອຳນາດ​ການ​ປົກຄອງ​ທ້ອງ​ຖິ່ນ​ຕ່າງ​ກໍ​ວິຕົກ​ກັງວົນ​ໄປ​ຕາມໆ​ກັນ​ເປັນ​ການ​ໃຫຍ່ ​ເປັນຕົ້ນ​ແມ່ນ​ທາງ​ເມືອງ​ຕົ້ນ​ເຜິ້ງກໍ​ຈົນ​ເຖິງ​ຂັ້ນປິດ​ເມືອງ​ໃນ​ບໍ່​ໃຫ້​ອອກ ນອກ​ບໍ່​ໃຫ້​ເຂົ້າ. ນອກຈາກ​ນັ້ນ ທາງ​ການ​ແຂວງ​ ກໍ​ຄື​ຄະນະ​ສະ​ເພາະ​ກິດ​ແຕ່ລະ​ຂັ້ນກໍ​ພາກັນ​ຕາມ​ລ່າ​ຊອກ​ຫາ​ຜູ້​ທີ່​ນຳພາ​ຄົນ​ຈີນ​ສອງ​ຄົນ​ນັ້ນມາກ​ວດຫາ​ເຊື້ອ​ໂຄ​ວິດ-19 ​ແຕ່​ກໍ​ເປັນ​ຈັ່ງ​ບຸນ ຜ່ານ​ການ​ກວດກາ​ສຸຂະພາບ​ໃນ​ຂັ້ນຕົ້ນຍັງ​ບໍ່​ປາກົດ​ເຫັນ​ມີ​ອາການ​ຕິດ​ເຊື້ອ​ໂຄ​ວິດ-19 ​ແຕ່​ປະການ​ໃດ. ນີ້​ລະ​ຄື​ຕົ້ນ​ເຫດ ຫລື ບັນຫາ​ທີ່​ຈະ​ພາ​ໃຫ້​ບ້ານ​ເຮົາ​ມີ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ຢ່າງ​ແຜ່​ລາມ.

ດັ່ງພວກເຮົາຮູ້ນຳກັນແລ້ວວ່າ, ພະຍາດໂຄວິດ-19 ເປັນເຊື້ອພະຍາດສາຍພັນໃໝ່ທີ່ອັນຕະລາຍຮ້າຍ ກາດທີ່ສຸດ, ມັນເປັນເຊື້ອພະຍາດທີ່ຕິດຕໍ່ຈາກຄົນສູ່ຄົນແບບອັດຕະໂນມັດ. ຕົວຢ່າງຖ້າພວກເຮົາຫາກໄດ້ ໄປໃກ້ຊິດກັບຄົນທີ່ມີເຊື້ອໂຄວິດ-19 ເຊັ່ນຮ່ວມເດີນທາງໄປມາ, ຮ່ວມກິນ, ຮ່ວມຢູ່, ໃກ້ຊິດກັນ ​ແລ້ວ​ມັນ​ຈະ​ຕິດ​ໄດ້​ທັນທີ, ຍິ່ງ​ໄປ​ກວ່າ​ນັ້ນ ສິ່ງ​ທີ່​ເປັນ​ອັນຕະລາຍ ​ແລະ ໜ້າ​ຕາ​ຢ້ານ​ທີ່​ສຸດ ກໍ​ຄື​ເມື່ອ​ຕິດ​ແລ້ວ​ມັນ​ບໍ່​ຍອມ​ສະ​ແດງ​ອາການ​ໃນ​ທັນທີ​ທັນ​ໃດ ຕ້ອງ​ໃຊ້​ເວລາ​ປະມານ 14 ວັນ​ຂຶ້ນ​ໄປ​ຈຶ່ງ​ມີ​ອາການ​ໃຫ້​ເຮົາ​ເຫັນ ຫລື ມີ​ບາງ​ກໍລະນີ​ກໍ​ບໍ່​ມີ​ອາການ​ສະ​ແດງ​ອອກ.

​ເພາະສະນັ້ນ ​ເພື່ອ​ຫລີກ​ລ່ຽງກໍລະນີ​ຕ່າງໆ​ທີ່​ອາດ​ຈະ​ນຳ​ເຊື້ອພະຍາດ​ໂຄ​ວິດ-19 ມາສູ່​ບ້ານ​ເຮົາ ທຸກ​ຄົນ​ຕ້ອງ​ໄດ້​ພ້ອມ​ກັນ​ເປັນ​ເຈົ້າການ​ສະກັດ​ກັ້ນຢ່າງ​ເດັດຂາດ ບໍ່​ຄວນ​ຖື​ເບົາ, ຈຸດ​ໜັກ​ແມ່ນ​ບັນຫາ​ການ​ໄປ​ມາ​ລັກ​ຂ້າມ​ຊາຍ​ແດນ​ແບບ​ຜິດ​ກົດໝາຍ​ລະຫວ່າງ​ປະ​ເທດ. ​ໃນ​ໄລຍະ​ຜ່ານ​ມາ ຍ້ອນ​ພາກັນ​ເຄີຍ​ເຮັດ​ເຄີຍ​ທຳ ​ໂດຍ​ສະ​ເພາະ​ແມ່ນ​ຄົນ​ທີ່ຢູ່​ໃກ້​ຊາຍ​ແດນ​ໄປມາຫາສູ່​ກັນ​ໄດ້​ງ່າຍ​ຈົນ​ຖື​ເປັນ​ປະ​ເພນີ ​ເຄີຍ​ເຮັດ​ເຄີຍ​ທຳ​ຈຶ່ງ​​ເປັນ​ເຫດ​ໃຫ້​ມີ​ການ​ຈັບ​ກຸມ, ປັບ​ໄໝ ​ແລະ ລົງ​ໂທດ​ຕາມ​ກົດໝາຍ ​ເພາະວ່າ​ການ​ກະທຳ​ຜິດ​ມັນ​ມີ​ສອງ​ກະ​ໂທ​ງຄື: ລັກ​ເຂົ້າ-ອອກປະ​ເທດ​ແບບ​ຜິດ​ກົດໝາຍ. ອັນ​ສອງ​ມາ​ຍ້ອນ​ຊ່ວງ​ໂຄ​ວິດ-19 ຍັງ​ລະບາດ ທຸກ​ປະ​ເທດ​ໃຜ​ກໍ​ເປັນ​ເຈົ້າການ​ປ້ອງ​ກັນ​ສະກັດ​ກັ້ນ ​ເພາະ​ຢ້ານ​ມີ​ການ​ນຳ​ເຊື້ອຈາກ​ປະ​ເທດ​ທີ່​ມີ​ການລະບາດ​ເຂົ້າມາ​ໃນ​ປະ​ເທດ ອັນ​ເປັນ​ການ​ຂ້າ​ຄົນ​ຕາຍ​ໃນ​ທາງ​ກົງ ​ແລະ ທາງ​ອ້ອມ. ​ໃນ​ເງື່ອນ​ໄຂ​ທີ່​ປະ​ເທດ​ຊາດ​ບ້ານ​ເມືອງ​ຂອງ​ພວກ​ເຮົາ​ບໍ່​ທັນ​ມີ​ເງື່ອນ​ໄຂ​ສັກ​ຢາ​ວັກ​ຊີ​ນ ​ເພື່ອ​ປ້ອງ​ກັນ​ດັ່ງ​ທຸກ​ວັນ​ນີ້, ທຸກ​ຄົນ​ຕ້ອງ​ໄດ້​ເອົາ​ໃຈ​ໃສ່​ປ້ອງ​ກັນ​ສະກັດ​ກັ້ນຢ່າງ​ຈິງ​ຈັງ​ຮ່ວມ​ກັນ. ອັນ​ສຳຄັນ​ທີ່​ສຸດ​ແມ່ນ​ຕ້ອງ​ພ້ອມ​ກັນ​ປະຕິບັດ​ມາດ​ຕະການ​ຜ່ອນຜັນ​ທີ່​ລັດຖະບານ​ເຮົາ​ວາງ​ອອກ​ໃຫ້​ເຂັ້ມງວດ. ​ໃນ​ໄລຍະ​ຜ່ານ​ມາ ນັບ​ແຕ່​ມີ​ປາກົດການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ພັກ ​ແລະ ລັດຖະບານ​ເຮົາ​ກໍ​ໄດ້​ມີ​ມາດ​ຕະການ​ອັນ​ສຽບ​ຂາດ ຈຶ່ງ​ເຮັດ​ໃຫ້​ມີ​ຜູ້​ຕິດ​ເຊື້ອໜ້ອຍ​ທີ່​ສຸດ ​ເຊິ່ງມາ​ຮອດ​ປັດຈຸບັນ​ມີ​ພຽງ 40 ກວ່າ​ຄົນ​ທີ່​ມີ​ການ​ຕິດ​ເຊື້ອ ​ແລະ ຍັງພຽງ 7 ຄົນ​ທີ່​ຍັງ​ປິ່ນປົວ​ຢູ່​ໂຮງໝໍ ​ເຫລືອ​ນັ້ນ​ແມ່ນ​ປິ່ນປົວ​ດີ​ໝົດ​ແລ້ວ. ອັນ​ພິ​ເສດ ​ແລະ ຖື​ວ່າ​ປະ​ເທດ​ເຮົາ​​ໂຊກ​ດີ​ທີ່​ສຸດ ກໍ​ຄື​ຍັງ​ບໍ່​ທັນ​ມີ​ຄົນ​ໃດ​ເສຍ​ຊີວິດ​ຍ້ອນ.

ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ - Wave100S AD to Website 2020 0 - ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ

​ເພາະສະນັ້ນ ຈຶ່ງ​ຖື​ໄດ້​ວ່າ​ບັນຫາ​ການ​ລັກ​ຂ້າມ​ຊາຍ​ແດນ​ເຂົ້າ-ອອກ​ໃນ​ປະ​ເທດ ຫລື ຈາກ​ຕ່າງປະ​ເທດ​ທີ່​ມີ​ຊາຍ​ແດນ​ຕິດ​ກັນ ຍ້ອນ​ພວກ​ລັກ​ຂ້າມ​ອາດ​ຈະ​ເປັນ​ການ​ນຳ​ເອົາ​ພະຍາດ​ໂຄ​ວິດ-19 ມາ​ແຜ່​ລະບາດ ຈຶ່ງ​ເປັນ​ບັນຫາ​ທຸກ​ຄົນ​ຕ້ອງ​ໄດ້​ຢຸດຕິ ​ເພາະ​ຊ່ວງ​ນີ້​ການ​ເຂົ້າອອກ​ຂອງ​ຄົນ​ທົ່ວ​ໄປ ຫລື ນັກ​ທ່ອງ​ທ່ຽວ​ໄປມາ​ທຸກ​ປະ​ເທດ​ແມ່ນ​ຍັງ​ບໍ່​ທັນ​ໄດ້​ອະນຸຍາດ​ໃຫ້​ໄປມາ. ຖ້າ​ບຸກຄົນ​ໃດ ຫລື ກຸ່ມ​ຄົນ​ໃດ​ຝ່າຝືນ​ແມ່ນ​ຈະ​ຖືກ​ລົງ​ໂທດ​ຕາມ​ກົດໝາຍ​ລະຫວ່າງ​ປະ​ເທດ.

​ເຖິງ​ຢ່າງ​ໃດ​ກໍ​ດີ, ອີກ​ບໍ່​ນານ​ເກີນ​ລໍ ປະ​ເທດ​ເຮົາ​ກໍ​ຈະ​ໄດ້​ຮັບ​ວັກ​ຊີ​ນ ​ແລະ ຢຸກຢາ​ທາ​ນັງຕ່າງໆ​ມາ​ປິ່ນປົວ ​ແລະ ປ້ອງ​ກັນ​ສະກັດ​ກັ້ນ​ໂດຍ​ກົງ ​ເພາະ​ດຽວ​ນີ້​ມີ​ຫລາຍ​ປະ​ເທດ​ເພິ່ນ​ກໍ​ສາມາດ​ຜະລິດ​ຢາ​ວັກ​ແຊງ​ໄດ້​ແລ້ວ ​ແລະ ​ເລີ່​ມສັກ​ປ້ອງ​ກັນ​ກັນ​ແລ້ວ. ສ່ວນ​ຢູ່​ບ້ານ​ເຮົາ​ຍັງ​ມີ​ຄວາມ​ຫວັງ​ວ່າ​ຈະ​ໄດ້​ຊົມ​ໃຊ້​ກັນ​ທຸກ​ຄົນ. ​ໃນ​ສະພາບ​ຜ່ານ​ມາ ຂະໜາດ​ບໍ່​ທັນ​ມີ​ວັກ​ແຊງ​ມາ​ສັກ​ປ້ອງ​ກັນ​ກໍ​ຍັງ​ບໍ່​ທັນ​ມີ​ໃຜ​ຕາຍ​ຈັກ​ຄົນ ຂໍ​ພຽງ​ແຕ່​ຢ່າ​ພາກັນ​ປະໝາດ ​ເພາະ​ຄວາມ​ປະໝາດ​ນັ້ນລະ​ຄື​ຄວາມ​ຕາຍ.

ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ - WhatsApp Image 2020 05 27 at 5 - ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ
ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ - WhatsApp Image 2020 05 27 at 5 - ພະຍາດ​ໂຄ​ວິດ​ອາດ​ຕິດ​ຍ້ອນ​ຄົນ​ລັກ​ຂ້າມ​ຊາຍ​ແດນ
error: Alert: ເນື້ອຫາຂ່າວມີລິຂະສິດ !!