ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ

ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ - unnamed 4 - ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ
ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ - Untitled design - ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ

ໂດຍ: ລູກເມືອງພວນ

ການລຶບລ້າງຄວາມທຸກຍາກ ຄິດວ່າບໍ່ມີສະເພາະແຕ່ຢູ່ປະເທດລາວພວກເຮົາ ຫຼາຍປະເທດໃນໂລກກໍມີຄືກັນ ແຕ່ວິທີການ, ເນື້ອໃນ ແລະ ຮູບການດຳເນີນການອາດຈະແຕກຕ່າງກັນໄປ.

ເມື່ອວາງເປັນນະໂຍບາຍ, ເປັນມະຕິຂອງພັກແລ້ວ ບໍ່ແມ່ນຈະນັ່ງຢູ່ແຕ່ຫ້ອງແອ ເພື່ອລໍຖ້າຟັງແຕ່ການລາຍງານຂອງພະນັກງານກໍ່ສ້າງຮາກຖານການເມືອງ-ພັດທະນາຊົນນະບົດຮອບດ້ານ ແລະ ລຶບລ້າງຄວາມທຸກຍາກ ຫຼື ພະນັກງານ 3 ສ້າງດັ່ງທີ່ພວກເຮົາເຮັດກັນໃນປັດຈຸບັນ ແຕ່ທ່ານ ສີຈິນຜິງ ເພິ່ນໄດ້ລົງໄປເຖິງຮາກຖານປະຊາຊົນຕົວຈິງ ເພື່ອສຳຫຼວດກວດ​ເບິ່ງ​ຄວາມ​ທຸກ​ຍາກ​ຂອງປະຊາຊົນ, ໃຫ້ໄດ້ຍິນກັບຫູ, ເຫັນກັບຕາຕົນເອງ ຫາກບໍ່ແມ່ນລໍຖ້າຟັງແຕ່ລາຍງານດອກໄມ້ ຈາກພະນັກງານຮາກຖານ.

ທ່ານ ສີຈິນຜິງ ໄດ້ລົງໄປເຖິງໝູ່ບ້ານ​ລົ້ວ​ໂ​ຖວານ​, ເມືອງ​ຟູ້​ຜິງ, ​ແຂວງ​ເຮີ​ເປີຍ ທີ່ທຸກຍາກທີ່ສຸດ ເພື່ຶອສຳຫຼວດກວດກາເບິ່ງຄວາມທຸກຍາກຕົວຈິງຂອງປະຊາຊົນ. ທ່ານ​ປະ​ທານສີ​ຈິນ​ຜິງ​ເວົ້າ​ວ່າ: “ເປົ້າ​ໝາຍ​ຂອງການ​ເດີນ​ທາງ​ມາໃນ​ຄັ້ງນີ້ ແມ່ນເພື່ອມາສຳຫຼວດກວດ​ກາ​​ເບິ່ງ​​ສະ​ພາບ​ຄວາມ​ເປັນ​ຈິງ​ກ່ຽວ​ກັບຄວາມ​ທຸກ​ຍາກຂອງປະຊາຊົນ, ບໍ່​ວ່າ​ໄລ​ຍະ​ທາງ​ຈະ​ໄກ​ປານ​ໃດ, ​ຈະຫຍຸ້ງຍາກ​ຍາກ​ລຳ​ບາກ​ສໍ່າ​ໃດ ກໍ​ຕ້ອງ​​ສູ້​ຊົນ​ໃຫ້​ບັນ​ລຸເປົ້າ​ໝາຍ”​.
“​ໃນຄອບ​ຄົວ​ມີ​ຈັກ​ຄົນ? ອ້າຍ​ເອື້ອຍ​ນ້ອງ​ມີ​ຈັກ​ຄົນ? ມີ​ດິນ​ນາຫຼາຍ​ປານໃດ? ມີ​ລາຍ​ຮັບຫຼາຍ​ປານ​ໃດ? ການ​ປິ່ນ​ປົວ​ພະ​ຍາດ​ສຳ​ລັບໂຄງ​ການ​ຮ່ວມ​ມື​ຊົນ​ນະ​ບົດ​​ເດເປັນ​ແນວ​ໃດ……” ທ່ານ​ປະ​ທານ​ສີ​ຈິ້ນ​ຜິງ​ຖາມ​ຢ່າງ​ລະ​ອຽດ​ທີ່​ສຸດ.

ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ - Wave100S AD to Website 2020 0 - ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ

ທ່ານ​ປະ​ທານ​ສີ​ຈິ້ນ​ຜິງ​ກ່າວ​ຕໍ່​ພະ​ນັກ​ງານ​ທ້ອງ​ຖິ່ນ​ວ່າ: “ການ​ເດີນ​ທາງ​ມາ​ຢ້ຽມ​ຢາມ​ພໍ່​ແມ່​ປະ​ຊາ​ຊົນ ກໍ​ແມ່ນ​ເພື່ອ​ຮັບ​ຮູ້​ສະ​ພາບ​ຄວາມ​ເປັນ​ຈິງ​ກ່ຽວ​ກັບ​ຄວາມ​ທຸກ​ຍາກ​ໃນ​ປັດ​ຈຸ​ບັນ​ຂອງ​ປະ​ເທດ​ເຮົາ. ພວກ​ສະ​ຫາຍ​ຄວນ​ໃຫ້​ຂ້າ​ພະ​ເຈົ້າ​​ໄດ້​ເຫັນສະ​ພາບ​ຕົວ​ຈິງ, ບໍ່​ຄວນ​ໃຫ້​ຂ້າ​ພະ​ເຈົ້າ​​ເຫັນ​ສະ​ພາບ​ທີ່​ຈອມ​ປອ​ມ. ເຖິງວ່າ​​ຂ້າພະ​ເຈົ້າ​ເດີນ​ທາງ​ໄກ​ແດ່​ກໍ​ຕາມ, ບໍ່​ເຫັນຫຼາຍ​ບ່ອນກໍ່​ຕາມ, ຂໍ​ແຕ່​ວ່າ​ແມ່ນ​ຄວາມ​ຈິງ ​ກໍ​ຖື​ວ່າ​ຄຸ້ມຄ່າ​ແລ້ວ.”
ດັ່ງທີ່ພວກເຮົາຮູ້ກັນແລ້ວວ່າ, ປີ 2020 ນີ້ ຈີນມີຜົນສຳເລັດທີ່ຍິ່ງໃຫ່ຍໃນການລຶບລ້າງຄວາມທຸກຍາກທົ່ວປະເທດຢ່າງຂາດໂຕ. ການລຶບລ້າງຄວາມທຸກຍາກໄດນັ້ນ ສຳຄັນແມ່ນຢູ່ທີ່ຜູ້ນຳຕ້ອງແທດເຖິງຕົວຈິງ ເຫັນກັບຫູ ດູກັບຕາຕົນເອງ ຫາກບໍ່ແມ່ນຟັງແຕ່ການລາຍງານດອກໄມ້ຂອງພະນັກງານຮາກຖານ.

ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ - WhatsApp Image 2020 05 27 at 5 - ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ
ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ - WhatsApp Image 2020 05 27 at 5 - ມາເບິ່ງ ທ່ານ​ສີ​ຈິນຜິງ​ລຶບ​ລ້າງ​ຄວາມ​ທຸກ​ຍາກແນວໃດ
error: Alert: ເນື້ອຫາຂ່າວມີລິຂະສິດ !!