ຫວຽດນາມ ຫ້າມໃຫ້ຂອງຂວັນປີໃໝ່ກັບການນຳຂັ້ນສູງ ທຸກຮູບການ

ຫວຽດນາມ ຫ້າມໃຫ້ຂອງຂວັນປີໃໝ່ກັບການນຳຂັ້ນສູງ ທຸກຮູບການ - Untitled design - ຫວຽດນາມ ຫ້າມໃຫ້ຂອງຂວັນປີໃໝ່ກັບການນຳຂັ້ນສູງ ທຸກຮູບການ

ພະນັກງານ ສະມາຊິກພັກ ພິເສດແມ່ນຜູ້ທີ່ມີໜ້າທີ່ຕຳແໜ່ງ, ມີສິດມີອຳນາດ ຕ້ອງເປັນແບບຢ່າງປະຕິບັດຄຳສັ່ງແນະນຳຂອງຄະນະເລຂາທິການສູນກາງພັກກ່ຽວກັບ “ຫ້າມໃຫ້ຂອງຝາກ, ຂອງຂວັນປີໃໝ່ໃຫ້ກັບການນຳຂັ້ນສູງ ດ້ວຍທຸກຮູບການ.

ຄະນະເລຂາທິການສູນກາງພັກຄອມມຸຍນິດຫວຽດນາມ ໄດ້ອອກຄຳສັ່ງແນະນຳເລກທີ 48 ກ່ຽວກັບການຈັດຕັ້ງຫຼີ້ນບຸນປີໃໝ່ 2021, ໃນນັ້ນຮຽກຮ້ອງວ່າ “ຫ້າມບໍ່ໃຫ້ຈັດຕັ້ງການໄປຢ້ຽມຢາມ, ອວຍພອນປີໃໝ່ການນຳຂັ້ນສູງ, ຫ້າມໃຫ້ຂອງຕ້ອນ ຂອງຝາກໃຫ້ກັບການນຳ ດ້ວຍທຸກຮູບແບບ”.

ທ່ານ ອາເລັງ ຮອງປະທານແນວໂຮມແຫ່ງຊາດຫວຽດນາມ, ເລຂາຄະນະກຳມະການສູນກາງແນວໂຮມປະເທດຊາດຫວຽດນາມຊີ້ແຈງວ່າ: ຄຳສັ່ງດັ່ງກ່າວແມ່ນທິດຊີ້ນຳຂອງກົມການເມືອງສູນກາງພັກ, ຂອງຄະນະເລຂາທິການສູນກາງພັກຫຼາຍສະໄໝ ທີ່ປະຕິບັດກັນມາຫຼາຍປີແລ້ວ ບໍ່ແມ່ນແຕ່ສະເພາະປີ 2020 ນີ້.

ເພື່ອປະຕິບັດຄຳສັ່ງດັ່ງກ່າວໃຫ້ໄດ້ຮັບໝາກຜົນ, ກ່ອນອື່ນໝົດຕ້ອງຍົກສູງຄວາມເປັນແບບຢ່າງຂອງພະນັກງານ ສະມາຊິກພັກ ໂດຍສະເພາະແມ່ນຜູ້ທີ່ມີສິດ ມີອຳນາດ ຕ້ອງເປັນແບບຢ່າງກ່ອນ, ນັ້ນຄືປັດໄຈທີ່ສຳຄັນທີ່ສຸດ. ສ່ວນວ່າ ການຕິດຕາມ ຈະເລິດເຊິ່ງ ເຖິງຂະໜາດໃດນັ້ນ ກໍບໍ່ສາມາດຈະເກີດຂຶ້ນໄດ້ ຖ້າຫາກບໍ່ມີຄວາມເປັນເຈົ້າການຂອງໝົດທຸກຄົນ.

ຫວຽດນາມ ຫ້າມໃຫ້ຂອງຂວັນປີໃໝ່ກັບການນຳຂັ້ນສູງ ທຸກຮູບການ - Wave100S AD to Website 2020 0 - ຫວຽດນາມ ຫ້າມໃຫ້ຂອງຂວັນປີໃໝ່ກັບການນຳຂັ້ນສູງ ທຸກຮູບການ

ອົງການແນວໂຮມປະເທດຊາດຫວຽດນາມ ຮຽກຮ້ອງໃຫ້ ພະນັກງານ ສະມາຊິກພັກ ໃນລະບົບການເມືອງຕ້ອງປະຕິບັດຢ່າງເຄັ່ງຄັດ ຄຳສັ່ງຂອງຄະນະເລຂາທິການສູນກາງພັກ ພິເສດແມ່ນບັນດາສະຫາຍທີ່ມີໜ້າທີ່ຕຳແໜ່ງ ແລະ ມີເງື່ອນໄຂຮັບຂອງຕ້ອນຂອງຝາກ ໃນໂອກາດປີໃໝ່ ນີ້.

ເພື່ອຈັດຕັ້ງປະຕິບັດໃຫ້ໄດ້ ຕ້ອງປະຕິບັດຕາມຈິດໃຈລຸ່ມນີ້:

  1. ເສີມຂະຫຍາຍການຕິດຕາມຂອງອົງການແນວໂຮມປະເທດຊາດຫວຽດນາມ ແລະ ອົງການພາຄີ.
  2. ເສີມຂະຫຍາຍການຕິດຕາມຂອງຜູ້ທີ່ມີອິດທິພົນໃນຊຸມຊົນ.
  3. ຮັບຟັງການສ່ອງແສງຂອງປະຊາຊົນ.
ຫວຽດນາມ ຫ້າມໃຫ້ຂອງຂວັນປີໃໝ່ກັບການນຳຂັ້ນສູງ ທຸກຮູບການ - WhatsApp Image 2020 05 27 at 5 - ຫວຽດນາມ ຫ້າມໃຫ້ຂອງຂວັນປີໃໝ່ກັບການນຳຂັ້ນສູງ ທຸກຮູບການ
ຫວຽດນາມ ຫ້າມໃຫ້ຂອງຂວັນປີໃໝ່ກັບການນຳຂັ້ນສູງ ທຸກຮູບການ - WhatsApp Image 2020 05 27 at 5 - ຫວຽດນາມ ຫ້າມໃຫ້ຂອງຂວັນປີໃໝ່ກັບການນຳຂັ້ນສູງ ທຸກຮູບການ
error: Alert: ເນື້ອຫາຂ່າວມີລິຂະສິດ !!