ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ

ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ - UPDATE cambodia not sending labor into thailand - ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ
ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ - Untitled design - ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ

ກຳປູ​ເຈຍປະກາດ​ໂຈະ​ການ​ສົ່ງ​ອອກ​ແຮງ​ງານ​ມາ​​ໄທ​ຊົ່ວຄາວ ຫລັງ​ຈາກ​ໄທ​ກວດ​ພົບ​ຜູ້​ຕິດ​ເຊື້ອ​​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ຢູ່​ແຂວງ​ສະມຸດ​ສາຄອນ ​ເຊິ່ງຕັ້ງຢູ່​ຫ່າງ​ຈາກ​ຊາຍ​ແດນປະມານ 300 ກິ​ໂລ​ແມັດ.

ຖະ​ແຫລ​ງການ​ຈາກ​ທ່ານ ອີດ ຊອມ​ ​ເຮັງ ລັດຖະມົນຕີ​ກະຊວງ​ແຮງ​ງານ​ຂອງ​ກຳປູ​ເຈຍ ທີ່​ສົ່ງ​ເຖິງ​ໜ່ວຍ​ງານ​ຈັດ​ຫາງານ​ເອກະ​ຊົນ ​ແລະ ​ເຈົ້າໜ້າ​ທີ່​ທີ່​ກ່ຽວຂ້ອງ​ລະບຸ​ວ່າ: “ການ​ສົ່ງ​​ແຮງ​ງານ​ໄປ​ໄທ​ຕາມ​ບັນທຶກ​ຄວາມ​ເຂົ້າ​ໃຈ (MOU) ​ແລະ ຕາມ​ລະດູ​ການ ຖືກ​ໂຈະ​ໄວ້​ຊົ່ວຄາວ​ນັບ​ແຕ່​ບັດ​ນີ້​ຈົນ​ກວ່າ​ຈະ​ມີ​ປະກາດ​ໃຫ້​ຮູ້​ອີກ” ພ້ອມ​ຮຽກຮ້ອງ​ບໍລິສັດ​ຈັດ​ຫາ​ງານ​ເຮັດ​ວຽກ​ຮ່ວມ​ກັບ​ນາຍ​ຈ້າງ ຫລື ສະມາຄົມ​ນາຍ​ຈ້າງ​ຄົ​ນ​ໄທ ຕະຫລອດ​ຈົນ​ໜ່ວຍ​ງານ​ຕ່າງໆ​ຢ່າງ​ໃກ້ຊິດ ​ເພື່ອ​ໃຫ້ການ​ຊ່ວຍ​ເຫລືອ​ທີ່​ຈຳ​ເປັນ​ແກ່​ແຮງ​ງານ​ອົບ​ພະຍົບຊາວ​ກຳປູ​ເຈຍ​ຢູ່​ໄທ.

ທັງ​ນີ້, ​ໄທ​ເປັນ​ຕະຫລາດ​ຂະໜາດ​ໃຫຍ່​ທີ່​ສຸດ​ຂອງ​ແຮງ​ງານ​ກຳປູ​ເຈຍ ​ໂດຍ​ຂໍ້​ມູນ​ຈາກ​ກະຊວງ​ແຮງ​ງານ​ຂອງ​ກຳປູ​ເຈຍ​ຊີ້​ວ່າ: ມີ​ແຮງ​ງານ​ກຳປູ​ເຈຍ​ເຮັດ​ວຽກ​ຢູ່​ໄທ​ປະມານ 1,1 ລ້ານ​ຄົນ.

ຂະນະ​ດຽວ​ກັນ, ທ່ານ ຊອມ ​ເຮັງ ຍັງ​ຮຽກຮ້ອງ​ບັນດາ​ແຮງ​ງານ​ຕັ້ງສະຕິ ​ແລະ ປະຕິບັດ​ຕາມ​ແນວທາງ​ສາທາລະນະ​ສຸກ ​ເພື່ອ​ປ້ອງ​ກັນ​ການລະບາດ​ໃຫຍ່ ລວມທັງ​ໃສ່​ຜ້າ​ປິດປາກ-ດັງ​ຢ່າງ​ເໝາະ​ສົມ, ລ້າງ​ມື​ສະໝໍ່າສະ​ເໝີ ​ແລະ ຫລີກ​ລ່ຽງພື້ນທີ່​ແອ​ອັດ.

ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ - Wave100S AD to Website 2020 0 - ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ

ສ່ວນ​ຖະ​ແຫລ​ງການ​ຈາກ​ກະຊວງ​ສາທາລະນະ​ສຸກ​ຂອງ​ກຳປູ​ເຈຍ​ໃນ​ວັນ​ທີ 20 ທັນວາ​ຜ່ານ​ມາ ​ແນະນຳ​ທາງ​ການ​ທ້ອງ​ຖິ່ນ​ໃຊ້​ມາດ​ຕະການ​ສາທາລະນະ​ສຸກ​ຕາມ​ຊາຍ​ແດນ​ທີ່​ຕິດ​ກັບ​ໄທ​ຢ່າງ​ເຂັ້ມງວດ​ຍິ່ງ​ຂຶ້ນ ​ໂດຍ​ທ່ານ ​ແມ​ມ ບຸນ​ເຮັງ ລັດຖະມົນຕີ​ກະຊວງ​ສາທາລະນະ​ສຸກ​ກຳປູ​ເຈຍ ຮຽກຮ້ອງ​ໜ່ວຍ​ງານຊາຍ​ແດນ​ກວດ​ສອບ​ຂໍ້​ມູນ​ສຸຂະພາບ​ຂອງ​ຜູ້​ເດີນທາງ​ຂາ​ເຂົ້າທຸກ​ຄົນ, ວັດ​ແທກ​ອຸນຫະພູມ​ຮ່າງກາຍ ​ແລະ ​ໃຫ້​ພວກ​ເຂົາ​ຂຽນ​ຂໍ້​ມູນ​ດ້ານ​ສຸຂະພາບ.

ທັງ​ນີ້, ກຳປູ​ເຈຍ​ກວດ​ພົບ​ຜູ້​ຕິດ​ເຊື້ອ​ໂຄ​ວິດ-19 ສະ​ສົມ​ທັງ​ໝົດ 363 ຄົນ ​ເຊິ່ງລວມທັງ​ຜູ້​ຕິດ​ເຊື້ອທີ່​ຫາຍ​ດີ 345 ຄົນ ​ແລະ ຍັງ​ບໍ່​ມີ​ລາຍ​ງານ​ຜູ້​ເສຍ​ຊີວິດ.

ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ - WhatsApp Image 2020 05 27 at 5 - ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ
ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ - WhatsApp Image 2020 05 27 at 5 - ກຳປູເຈຍໂຈະສົ່ງແຮງງານໄປໄທ ຍ້ອນພົບຜູ້ຕິດເຊື້ອໂຄວິດ-19 ໃນສະມຸດສາຄອນ
error: Alert: ເນື້ອຫາຂ່າວມີລິຂະສິດ !!