ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ

ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ - 132008360 4774382919303269 5899103513602363356 o - ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ
ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ - Untitled design - ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ

ອີງຕາມຂ່າວໜັງສືພິມກອງທັບ ວັນທີ 22 ທັນວາ 2020 ນີ້, ກົມໃຫຍ່ພະລາທິການກອງທັບ ໄດ້ຈັດພິທີປະກາດການມອບ ໂອນກົມການເງິນຂຶ້ນກັບກະ ຊວງປ້ອງກັນປະເທດໂດຍກົງ, ຢູ່ທີ່ສະໂມສອນກົມໃຫຍ່ພະລາທິ ການກອງທັບ, ໂດຍການເປັນ ປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳ ມະການກົມການເມືອງສູນກາງ ພັກ ລັດຖະມົນຕີກະຊວງປ້ອງ ກັນປະເທດ, ມີບັນດາຄະນະພັກ-ຄະນະກົມໃຫຍ່, ຫ້ອງວ່າການກະ ຊວງ, ຫ້ອງການ ປກຊ-ປກສ ສູນກາງ, ກົມກອງ-ທ້ອງຖິ່ນ, ວິທະຍາຄານ, ໂຮງຮຽນ, ໂຮງໝໍ ທົ່ວກອງທັບ ພ້ອມດ້ວຍບັນດາ ພະນັກງານຫຼັກແຫຼ່ງທົ່ວກົມແຜນ ການ-ການເງິນກອງທັບເຂົ້າ ຮ່ວມ. ສະຫາຍ ພັນເອກ ບຸນເພັງ ເທບ ພະພອນ ຮອງຫົວໜ້າກົມກໍາລັງ ພົນ ກົມໃຫຍ່ເສນາທິການກອງ ທັບ ໄດ້ຜ່ານຂໍ້ຕົກລົງຂອງກະ ຊວງປ້ອງກັນປະເທດ ວ່າດ້ວຍ ການໂອນກົມການເງິນຂຶ້ນກັບ ກະຊວງປ້ອງກັນປະເທດໂດຍ ກົງເປັນກົມເອກະລາດຂຶ້ນ ກັບການຊີ້ນໍາ-ບັນຊາໂດຍກົງ ແລະ ຮອບດ້ານຂອງກະຊວງ ປ້ອງກັນປະເທດນັບແຕ່ວັນທີ 1 ມັງກອນ 2021 ເປັນຕົ້ນໄປ; ມອບໃຫ້ກົມການເງິນ ແລະ ບັນ ດາອົງການກ່ຽວຂ້ອງຈັດຕັ້ງ ເຜີຍແຜ່ເຊື່ອມຊຶມ, ປະຕິບັດຂໍ້ ຕົກລົງສະບັບນີ້ຢ່າງຖືກຕ້ອງ, ເຂັ້ມງວດ ແລະ ໄດ້ຮັບຜົນດີ ແລະ ຜ່ານຂໍ້ຕົກລົງຂອງກະຊວງປ້ອງ ກັນປະເທດວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມ ການເງິນກະຊວງປ້ອງກັນປະ ເທດມີພາລະບົດບາດ, ໜ້າທີ່, ຂອບເຂດສິດ, ໂຄງປະກອບ ການຈັດຕັ້ງ, ຫຼັ້ກການ, ແບບແຜນ ວິທີເຮັດວຽກ ແລະ ການເຄື່ອນ ໄຫວຂອງວຽກງານກົມການ ເງິນ, ພະແນກການເງິນ, ຂະ ແໜງການເງິນ ແລະ ຄຸ້ມຄອງ ການເງິນ ເພື່ອປັບປຸງກົງຈັກການ ຈັດຕັ້ງດ້ານນໍາພາ-ບັນຊາ, ການ ເຄື່ອນໄຫວເຮັດໜ້າທີ່ວຽກງານ ແລະ ລະບົບການເດີນເອກະສານ ຕ່າງໆ ໃນຂົງເຂດວຽກງານການ ເງິນກອງທັບໃຫ້ມີຄວາມກະ ທັດຫັດ, ໜັກແໜ້ນ, ຖືກຕ້ອງຕາມ ລະບຽບຫຼັກການ ແລະ ເຮັດສໍາ ເລັດໜ້າທີ່ການເມືອງຂອງຕົນທີ່ ການຈັດຕັ້ງຂັ້ນເທິງມອບໝາຍ ໃຫ້. ກົມການເງິນກະຊວງປ້ອງ ກັນປະເທດ ແມ່ນກົງຈັກການຈັດ ຕັ້ງໜຶ່ງຂອງກະຊວງປ້ອງກັນ ປະເທດ, ເປັນການເງິນຂັ້ນ 1, ເປັນກົມວິຊາສະເພາະສູງສຸດທາງ ດ້ານການເງິນ, ຖານະເທົ່າຂັ້ນ 4, ມີພາລະບົດບາດເປັນເສນາທິ ການໂດຍກົງ ໃນການຄຸ້ມຄອງວຽກງານການເງິນມະຫາພາກ ໃຫ້ລັດຖະມົນຕີກະຊວງປ້ອງ ກັນປະເທດມີສາຍໄຍການຈັດ ຕັ້ງຄື: ວຽກງານວິຊາສະເພາະ ແມ່ນຂຶ້ນກັບສິດບັນຊາສັ່ງການ ໂດຍກົງຮອບດ້ານຈາກຜູ້ສັ່ງ ການຂັ້ນ 1; ວຽກງານພັກ-ວຽກ ງານການເມືອງ, ພະລາທິການ-ເຕັກນິກ ແມ່ນຂຶ້ນກັບສາຍຕັ້ງ ແລະ ສິດບັນຊາສັ່ງການໂດຍ ກົງຮອບດ້ານຈາກກະຊວງປ້ອງ ກັນປະເທດ; ວຽກງານການ ເງິນເປັນຫົວໜ່ວຍງົບປະມານ ເອກະລາດຂຶ້ນກັບງົບປະມານ ລວມຂອງກະຊວງປ້ອງກັນປະ ເທດ (ເລີ່ມແຕ່ງົບປະມານປີ 2021 ເປັນຕົ້ນໄປ). ໂອກາດນີ້, ສະຫາຍ ພົນເອກ ຈັນສະໝອນ ຈັນຍາລາດ ກໍໄດ້ ໂອ້ລົມຕໍ່ພະນັກງານຜູ້ທີ່ເຂົ້າ ຮ່ວມພິທີໃນຄັ້ງນີ້ ໂດຍສະເພາະ ແມ່ນພະນັກງານການເງິນທົ່ວຖັນ ແຖວກອງທັບ ກ່ອນອື່ນສະຫາຍໄດ້ສະແດງຄວາມຊົມເຊີຍຕໍ່ກັບການເຮັດສໍາເລັດໜ້າທີ່ວິຊາສະເພາະໃນຕະຫຼອດໄລຍະຜ່ານມາ ແລະ ຮຽກຮ້ອງໃຫ້ສືບຕໍ່ເຮັດໜ້າ ທີ່ຂອງຕົນຕາມການມອບໝາຍ ຢ່າງມີປະສິດທິພາບຖືກຕ້ອງ ແລະ ເໝາະສົມ, ສາມາດຮັບປະ ກັນທາງດ້ານການເງິນໃຫ້ແກ່ ກອງທັບປະຊາຊົນລາວ, ຕອບສະ ໜອງເຂົ້າໃນວຽກງານສຳເລັດ ຢ່າງມີປະສິດທິຜົນສູງ.

ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ - Wave100S AD to Website 2020 0 - ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ
ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ - WhatsApp Image 2020 05 27 at 5 - ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ
ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ - WhatsApp Image 2020 05 27 at 5 - ມອບໂອນກົມການເງິນຂຶ້ນກັບກະຊວງປ້ອງກັນປະເທດໂດຍກົງ
error: Alert: ເນື້ອຫາຂ່າວມີລິຂະສິດ !!