ໂຄວິດ-19 ສາຍພັນອັງກິດພົບຢູ່ສິງກະໂປ

ໂຄວິດ-19 ສາຍພັນອັງກິດພົບຢູ່ສິງກະໂປ - 1414 6 - ໂຄວິດ-19 ສາຍພັນອັງກິດພົບຢູ່ສິງກະໂປ
ໂຄວິດ-19 ສາຍພັນອັງກິດພົບຢູ່ສິງກະໂປ - Untitled design - ໂຄວິດ-19 ສາຍພັນອັງກິດພົບຢູ່ສິງກະໂປ

ສິງກະ​ໂປ​ລະບຸ​ພົບ​ໄວຣັສ​ໂຄ​ວິດ-19 ສາຍ​ພັນ​ອັງກິດ​ແລ້ວ, ​ແຕ່​ເນັ້ນຍັງ​ບໍ່​ພົບ​ການລະບາດ​ພາຍ​ໃນ​ປະ​ເທດ.

ວັນ​ທີ 24 ທັນວາ 2020, ​ເວັບ​ໄຊ CAN ສື່​ສິງກະ​ໂປ​ລາຍ​ງານ​ອ້າງ​ການ​ຖະ​ແຫລ​ງຂ່າວ​ຂອງ​ກະຊວງ​ສາທາລະນະ​ສຸກ​ສິງກະ​ໂປ ​ໃນ​ວັນ​ທີ 23 ທັນວາ ​ເປີດ​ເຜີຍ​ວ່າ: ທາງ​ການ​ສິງກະ​ໂປ​ໄດ້​ກວດ​ພົບ​ຜູ້​ຕິດ​ເຊື້ອ​ໂຄ​ວິດ-19 ຄົນ​ທຳ​ອິດ​ທີ່​ຕິດ​ເຊື້ອ​ໂຄ​ວິດ-19 ທີ່​ກຳລັງ​ກາຍພັນ ​ແລະ ​ແຜ່​ລະບາດ​ຮຸນ​ແຮງ​ໃນ​ປະ​ເທດ​ອັງກິດ.

ກະຊວງ​ສາທາລະນະ​ສຸກ​ສິງກະ​ໂປ​ເປີດ​ເຜີຍ​ວ່າ: ຜູ້​ຕິດ​ເຊື້ອ​ເປັນ​ຜູ້ຍິງ​ອາຍຸ 17 ປີ ​ເດີນທາງ​ໄປ​ຮຽນຕໍ່​ຢູ່​ອັງກິດ​ນັບ​ແຕ່​ເດືອນ​ສິງຫາ​ຜ່ານ​ມາ ​ແລະ ຫາ​ກໍ​ເດີນທາງ​ກັບ​ສິງກະ​ໂປ​ເມື່ອ​ວັນ​ທີ 6 ທັນວາ ​ໂດຍ​ມື້ຕໍ່​ມາ​ນາງ​ມີ​ອາການ​ໄຂ້​ສູງ ຈຶ່ງ​ເຂົ້າກວດ​ເຊື້ອ​ໂຄ​ວິດ-19 ​ແລະ ພົບ​ວ່າ​ຕິດ​ເຊື້ອສາຍ​ພັນ B117 ​ເຊິ່ງ​ເປັນ​ເຊື້ອທີ່​ກາຍພັນ ​ແລະ ກຳລັງ​ລະບາດ​ຢູ່​ປະ​ເທດ​ອັງກິດ.

ນອກຈາກ​ຜູ້​ຕິດ​ເຊື້ອຄົນ​ນີ້​ແລ້ວ, ​ເຈົ້າໜ້າ​ທີ່​ຍັງ​ພົບ​ຜູ້​ທີ່​ເດີນທາງ​ກັບ​ຈາກ​ເອີຣົບອີກ 11 ຄົນ ​ເຊິ່ງຜົນ​ການກວດ​ເຊື້ອ​ເບື້ອງຕົ້ນພົບ​​ໄວຣັສ​ໂຄ​ວິດ-19 ສາຍ​ພັນ​ອັງກິດ​ໃນ​ຮ່າງກາຍ, ​ແຕ່​ກຳລັງ​ຢູ່​ລະຫວ່າງ​ການ​ຢືນຢັນ​ຜົນ​ອີກ​ເທື່ອ​ໜຶ່ງ.

ໂຄວິດ-19 ສາຍພັນອັງກິດພົບຢູ່ສິງກະໂປ - Wave100S AD to Website 2020 0 - ໂຄວິດ-19 ສາຍພັນອັງກິດພົບຢູ່ສິງກະໂປ

ທາງ​ການ​ສິງກະ​ໂປ​ຢືນຢັນ​ວ່າ: ປັດຈຸບັນ​ເຈົ້າໜ້າ​ທີ່​ກຳລັງ​ເລັ່ງກວດ​ເຊື້ອທາງ​ບຸກຜູ້​ມີ​ປະຫວັດ​ໃກ້ຊິດ. ພ້ອມ​ເນັ້ນວ່າ: ຍັງ​ບໍ່​ມີ​ຫລັກ​ຖານ​ບົ່ງ​ບອກ​ວ່າ​ເຊື້ອ​ໂຄ​ວິດ-19 ທີ່​ກາຍພັນ​ຫລຸດ​ອອກ​ໄປ​ແຜ່​ລະບາດ​ໃນ​ປະ​ເທດ​ແລ້ວ ​ເນື່ອງ​ຈາກ​ຜູ້​ຕິດ​ເຊື້ອຄົນ​ດັ່ງກ່າວ​ຖືກ​ກັກ​ຕົວ​ທັນທີ​ທີ່​ເດີນທາງ​ຮອດ​ສິງກະ​ໂປ.

ໂຄວິດ-19 ສາຍພັນອັງກິດພົບຢູ່ສິງກະໂປ - WhatsApp Image 2020 05 27 at 5 - ໂຄວິດ-19 ສາຍພັນອັງກິດພົບຢູ່ສິງກະໂປ
ໂຄວິດ-19 ສາຍພັນອັງກິດພົບຢູ່ສິງກະໂປ - WhatsApp Image 2020 05 27 at 5 - ໂຄວິດ-19 ສາຍພັນອັງກິດພົບຢູ່ສິງກະໂປ
error: Alert: ເນື້ອຫາຂ່າວມີລິຂະສິດ !!