ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ

ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ - XAY 0047 scaled - ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ
ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ - Untitled design - ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ

ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄດ້ໄຂຂຶ້ນຢ່າງເປັນທາງການ ໃນວັນທີ 24 ທັນວາ 2020 ທີ່ນະຄອນຫລວງວຽງຈັນ ໂດຍການເປັນປະທານຂອງ ສະຫາຍ ອາລຸນໄຊ ສູນນະລາດ ກຳມະການສຳຮອງສູນກາງພັກ, ເລຂາຄະນະບໍລິຫານງານພັກ, ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ, ໃຫ້ກຽດເຂົ້າຮ່ວມໂດຍ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ, ມີບັນດາຜູ້ນຳພັກ-ລັດ, ອະ ດີດການນຳຂັ້ນສູງ, ຜູ້ແທນຊາວໜຸ່ມທົ່ວປະເທດ ແລະ ພາກສ່ວນກ່ຽວຂ້ອງເຂົ້າຮ່ວມ. ເຊິ່ງກອງປະຊຸມໃຫຍ່ຄັ້ງນີ້ມີຜູ້ແທນສົມບູນເຂົ້າຮ່ວມທັງໝົດ 443 ສະຫາຍ, ຍິງ 89 ສະຫາຍ ທີ່ເປັນຕົວແທນໃຫ້ແກ່ສະມາຊິກຊາວໜຸ່ມທັງໝົດ 702.693 ສະຫາຍ, ຍິງ 303.770 ສະຫາຍ.

ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ - XAY 0080 300x200 - ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ

ສະຫາຍ ອາລຸນໄຊ ສູນນະລາດ ໄດ້ກ່າວໄຂກອງປະຊຸມວ່າ: ພາຍໃຕ້ການນຳພາຂອງພັກ ໂດຍກົງ ແລະ ຮອບດ້ານ ກໍຄື ຄະນະຊາວໜຸ່ມ ປະຊາຊົນ ປະຕິວັດລາວ, ສະມາຊິກຊາວໜຸ່ມ-ເຍົາວະຊົນລາວບັນດາເຜົ່າໃນຂອບເຂດທົ່ວປະເທດ ໄດ້ເຕົ້າໂຮມຄວາມສາມັກຄີເປັນອັນໜຶ່ງອັນດຽວກັນ ໃນການຊ່ວຍເຫລືອປະຊາຊົນ ຜູ້ທີ່ໄດ້ຮັບຜົນກະທົບຈາກໄພທໍາມະຊາດ ເຫັນໄດ້ຈະແຈ້ງໃນປີ 2018 ໃນການໃຫ້ຄວາມຊ່ວຍເຫລືອດ້ານຕ່າງໆ ແກ່ປະຊາຊົນ ທີ່ຖືກຜົນກະທົບ ຈາກສັນເຂື່ອນແຕກ ເຊິ່ງມີຈໍານວນຊາວໜຸ່ມທັງໝົດຈາກທຸກພາກສ່ວນ, ທຸກຂະແໜງການ ແລະ ທຸກສາຂາອາຊີບ ເຂົ້າຮ່ວມຢ່າງພ້ອມພຽງ, ການຊ່ວຍເຫລືອປະຊາຊົນ ທີ່ຖືກຜົນກະທົບຈາກອຸທົກກະໄພໃນປິີ 2019 ທີ່ 2 ແຂວງ ພາກກາງ ແລະ 4 ແຂວງພາກໃຕ້ ກໍາລັງແຮງຂອງຊາວໜຸ່ມ ກໍໄດ້ປະກອບສ່ວນເຂົ້າຢ່າງແຂ່ງຂັນ ແລະ ຍິ່ງໄປກວ່ານັ້ນຊາວໜຸ່ມຍັງໄດ້ປະກອບສ່ວນຢ່າງຕັ້ງໜ້າ ແລະ ມີຄວາມຮັບຜິດຊອບສູງໃນການເປັນກຳລັງປະຈັນບານ ແລະ ເປັນເຈົ້າການເຂົ້າຮ່ວມຂະບວນການຕ້ານ ແລະ ສະກັດກັ້ນພະຍາດໂຄວິດ-19 ສົມກັບເປັນແຂວນຂວາຂອງພັກ ເປັນກະດູກສັນຫລັງຂອງຊາດ, ເຊິ່ງເປັນການສ້າງຂະບວນ ການອັນສຳຄັນຕິດພັນກັບຂະບວນການດ້ານຕ່າງໆ ເພື່ອຂໍ່ານັບຮັບຕ້ອນວັນສໍາຄັນຕ່າງໆຂອງຊາດ ໂດຍສະເພາະເພື່ອຂໍ່ານັບຮັບຕ້ອນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ທີ່ຈະໄຂຂຶ້ນໃນມໍ່ໆນີ້.

ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ - 131930940 2696170644026813 4073191123781498138 o 300x200 - ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ

ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ - Wave100S AD to Website 2020 0 - ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ

ສະຫາຍ ອາລຸນໄຊ ສູນນະລາດ ຍັງໃຫ້ຮູ້ອີກວ່າ: ກອງປະຊຸມໃຫຍ່ຄັ້ງນີ້ ຈະໄດ້ພ້ອມກັນຕີລາຄາຄືນຢ່າງຮອບດ້ານເລິກເຊິ່ງ ກ່ຽວກັບຜົນສຳເລັດ ຂອງການຈັດຕັ້ງປະຕິບັດທິດທາງ, ຄາດໝາຍ ແລະ ການຈັດຕັ້ງປະຕິບັດວຽກງານ ທີ່ໄດ້ວາງອອກໃນ ກອງປະຊຸມໃຫຍ່ຜູ້ແທນ ຊາວໜຸ່ມທົ່ວປະເທດ ຄັ້ງທີ VII, ຍົກໃຫ້ເຫັນຜົນສຳເລັດ, ຂໍ້ຄົງຄ້າງພ້ອມທັງສາເຫດ ແລະ ຖອດຖອນເປັນບົດຮຽນ ຕໍ່ຜົນສໍາເລັດ ແລະ ບາງບັນຫາທີ່ ຕ້ອງໄດ້ປັບປຸງແກ້ໄຂ. ພ້ອມກັນນັ້ນ, ຈະໄດ້ພ້ອມກັນກຳນົດທິດທາງ, ຄາດໝາຍສູ້ຊົນ, ໜ້າທີ່ວຽກງານຕະຫລອດໄລຍະ ກອງປະຊຸມໃຫຍ່ ຄັ້ງທີ VIII (2020-2025); ຕີລາຄາຄືນການ ຈັດຕັ້ງປະຕິບັດ ແຜນພັດທະນາຊາວໜຸ່ມ-ເຍົາວະຊົນຄັ້ງທີ I ເຖິງຜົນສຳເລັດ, ຂໍ້ສະດວກ, ຂໍ້ຫຍຸ້ງຍາກ, ສາເຫດ ແລະ ບົດຮຽນທີ່ຖອດຖອນໄດ້ ຈາກການຈັດຕັ້ງປະຕິບັດແຜນດັ່ງກ່າວ ແລະ ຈະໄດ້ພິຈາລະນາຮັບຮອງເອົາແຜນພັດທະນາຊາວໜຸ່ມ-ເຍົາວະຊົນ 5 ປີ ຄັ້ງທີ II, ຜ່ານຮ່າງກົດລະບຽບວ່າດ້ວຍ ຄະນະຊາວໜຸ່ມ ປະຊາຊົນ ປະຕິວັດລາວ ສະໄໝທີ VIII ແລະ ຜ່ານຮ່າງກົດລະບຽບວ່າດ້ວຍເຍົາວະຊົນ-ອະນຸຊົນທັນວາ ສະບັບ ປັບປຸງໃໝ່ ສະໄໝທີ VIII (ສະບັບປັບປຸງ) ແລະ ຮັບຝັງການນຳສະເໜີບັນດາຊາວໜຸ່ມຜູ້ດີເດັ່ນ ຫ້າວຫັນໃນການເປັນຕົວແບບທີ່ມາຈາກບາງຂົງເຂດ, ຂະແໜງການ ທີ່ພົ້ນເດັ່ນເຊັ່ນ: ຈາກຂົງເຂດກຳລັງ ປກຊ, ຕົວແບບການຈັດຕັ້ງປະຕິບັດຂໍ້ແຂ່ງຂັນ 4 ບຸກ, ຕົວແບບຈາກຈົງເຂດນັກທຸລະກິດໜຸ່ມ ແລະ ຕົວແບບຊາວໜຸ່ມຢູ່ພູດອຍ. ຈາກນັ້ນ, ຜູ້ແທນກອງປະຊຸມ ຍັງຈະໃຊ້ສິດປະຊາທິໄຕ ປ່ອນບັດເລືອກຕັ້ງເອົາຄະນະບໍລິຫານງານ ຊຸດທີ VIII.

ກອງປະຊຸມໃຫຍ່ຄັ້ງນີ້, ຈະໄດ້ຮັບຟັງການໂອ້ລົມ ແລະ ໃຫ້ທິດຊີ້ນໍາຂອງ ສະຫາຍ ເລຂາທິການໃຫຍ່ ຄະນະບໍລິຫານງານສູນກາງພັກ ເຊິ່ງຄຳໂອ້ລົມດັ່ງກ່າວຈະກາຍເປັນເຂັມຊີ້ທິດເຍືອງທາງຕໍ່ການຈັດ ຕັ້ງ ແລະ ເຄື່ອນໄຫວວຽກງານຂອງ ຄະນະຊາວໜຸ່ມ ປະຊາຊົນ ປະຕິວັດລາວ ໃນຊຸມປີຕໍ່ໜ້າ.

ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ - WhatsApp Image 2020 05 27 at 5 - ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ
ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ - WhatsApp Image 2020 05 27 at 5 - ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໄຂຂຶ້ນຢ່າງເປັນທາງການ
error: Alert: ເນື້ອຫາຂ່າວມີລິຂະສິດ !!