ກ່ອນຈະງາມດ້ວຍຄໍລາເຈັນ ທ່ານຮູ້ຈັກດີແລ້ວຫລືຍັງ ?

- 012906 - ກ່ອນຈະງາມດ້ວຍຄໍລາເຈັນ ທ່ານຮູ້ຈັກດີແລ້ວຫລືຍັງ ?
- AGL banner - ກ່ອນຈະງາມດ້ວຍຄໍລາເຈັນ ທ່ານຮູ້ຈັກດີແລ້ວຫລືຍັງ ?

ປະຈຸບັນມີອາຫານເສີມຫລວງຫລາຍ ລວມໄປເຖິງຜະລິດຕະພັນບຳລຸງຜິວ ລ້ວນຕ້ອງໂຄສະນາວ່າມີສ່ວນປະສົມຂອງຄໍລາ ເຈັນຊ່ວຍໃຫ້ຜິວສຸຂະພາບດີ, ສົດໃສ, ລ້ວນແຕ່ແຂ່ງກັນໃນເລື່ອງປະລິມານຂອງຄໍລາເຈັນ ຍິ່ງສູງກໍຍິ່ງແພງ ກ່ອນຈະງາມດ້ວຍຄໍລາເຈັນ ຄວນຈະຮູ້ຈັກຄໍລາເຈັນກ່ອນຈະໄດ້ເລືອກໃຊ້ໃຫ້ຖືກ.

  1. ຄໍລາເຈັນທີ່ຮ່າງກາຍຈະດູດຊຶມໄດ້ແທ້ໆມີພຽງແຕ່ແບບທີ່ຕ້ອງສັກ ຫລື ແບບທີ່ຕ້ອງກິນເທົ່ານັ້ນ, ສ່ວນແບບທີ່ເປັນຄຣີມທາຜິວ ຈະຊ່ວຍໄດ້ພຽງແຕ່ເຮັດໃຫ້ຜິວຊຸ່ມຊື່ນຂຶ້ນເທົ່ານັ້ນ.
  2. ຄໍລາເຈັນທີ່ໃຊ້ກິນມີນັບແຕ່ແບບເມັດ, ແບບທີ່ເປັນວຸ້ນ, ເປັນຝຸ່ນ ແລະ ແບບນຳ້, ແຕ່ຄໍລາເຈັນທີ່ຮ່າງກາຍສາມາດດູດຊຶມໄດ້ດີທີ່ສຸດແມ່ນແບບນຳ້.
  3. ຮ່າງກາຍຄົນເຮົາດູດຊຶມຄໍລາເຈັນໄດ້ຫລາຍທີ່ສຸດ 5.000 ມິນລີກຣາມຕໍ່ມື້ເທົ່ານັ້ນ ຖ້າຫລາຍກ່ວານີ້ຈະຖືກໄລ່ອອກຈາກຮ່າງກາຍ ຈຶ່ງບໍ່ຈຳເປັນຕ້ອງຈ່າຍເງິນແພງເພື່ອຊື້ຜະລິດຕະພັນທີ່ມີສ່ວນປະສົມຂອງຄໍລາເຈັນຫລາຍໆ.
  4. ບໍ່ຕ້ອງເສຍເງິນແພງໆຊື້ ເພາະໃນອາຫານກໍມີຄໍລາເຈັນຄືກັນ ເຊິ່ງອາຫານເພີ່ມຄໍລາເຈັນ ຫລື ແຫ່ລງອາຫານທີ່ມີຄໍລາເຈັນ ມີທັງໃນພືດຜັກ, ໝາກໄມ້ ແລະ ໃນສັດ. ໃນພືດແມ່ນມີໃນຜັກກາດນາ, ຜັກຫົມ, ສາຫລ່າຍທະເລ, ເທົາ (ສາຫລ່າຍນຳ້ຈືດຊະນິດໜຶ່ງ), ເຫັດທຸກຊະນິດ, ໝາກກ້ຽງໃຫຍ່, ຖົ່ວເຫລືອງ, ໝາກແອັບເປິ້ນ, ໝາກແກ້ວມັງກອນ, ໝາກແຕງ,​ ຜັກຊານາລີ ເປັນຕົ້ນ.

ໃນສັດແມ່ນມີໃນປາທະເລນຳ້ເລິກ, ປາທູ ເປັນຕົ້ນ, ແຕ່ໃນສັດຈະມີຄໍລາເຈັນຫລາຍກ່່ວາໃນພືດ ແລະ ເພື່ອໃຫ້ການກິນເພີ່ມຄໍລາເຈັນຂອງເຮົາໄດ້ຜົນຢ່າງທີ່ຕັ້ງໃຈຕ້ອງກິນອາຫານທີ່ມີວິຕາມິນເຊຮ່ວມນຳ ຈຳພວກຜັກ, ໝາກໄມ້ ເປັນຕົ້ນແມ່ນໝາກສີດາ, ໝາກກ້ຽງ,​ ໝາກມ່ວງ, ໝາກຫຸ່ງສຸກ, ໝາກກ້ຽງໃຫຍ່, ຜັກຂີ້ເຫລັກ, ຜັກກະເດົາ, ຜັກກາດດອກ, ໝາກເລັ່ນ ເປັນຕົ້ນ ເພາະຊ່ວຍໃຫ້ຮ່າງກາຍເຮົາສາມາດດູດຊຶມວິຕາມິນເຊມາໃຊ້ໃນການເສີມສ້າງຄໍລາເຈັນໃຫ້ແຂງແຮງ.

- Wave100S AD to Website 2020 0 - ກ່ອນຈະງາມດ້ວຍຄໍລາເຈັນ ທ່ານຮູ້ຈັກດີແລ້ວຫລືຍັງ ?
- lattana 1 - ກ່ອນຈະງາມດ້ວຍຄໍລາເຈັນ ທ່ານຮູ້ຈັກດີແລ້ວຫລືຍັງ ?
error: Alert: Content is protected !!