ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ 5 ປີຄັ້ງທີ XIII (2015 -2020)

ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ 5 ປີຄັ້ງທີ XIII (2015 -2020) - china economy recovery - ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ 5 ປີຄັ້ງທີ XIII (2015 -2020)
ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ 5 ປີຄັ້ງທີ XIII (2015 -2020) - Untitled design - ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ 5 ປີຄັ້ງທີ XIII (2015 -2020)

“ ນັບແຕ່ ສປ ຈີນ ໄດ້ຮັບການສະຖາປະນາໃນປີ 1949 ເປັນຕົ້ນມາ ໄດ້ຈັດຕັ້ງປະຕິບັດແຜນພັດທະ ນາເສດຖະກິດ – ສັງຄົມ 5 ປີ ມີທັງຫມົດ 13 ຄັ້ງ.  ແຜນພັດທະນາເສດຖະກິດ – ສັງຄົມ 5 ປີຄັ້ງທີ I ໄດ້ເລີ່ມຈັດຕັ້ງປະຕິບັດໃນປີ 1953, ຈຸດປະສົງເພື່ອຈັດຕັ້ງປະຕິບັດເປົ້າຫມາຍຍຸດທະສາດທີ່ ພັກ – ລັດ ວາງອອກໃນແຕ່ລະໄລຍະ, ຊຸກຍູ້ເສດຖະກິດ – ສັງຄົມ ໃຫ້ມີການຂະຫຍາຍຕົວ, ສົ່ງເສີມການສ້າງສັງຄົມນິຍົມທີ່ທັນສະໄຫມ, ປຸກລະດົມຄວາມສາມັກຄີ ສູ້ຊົນເຮັດສຳເລັດເປົ້າຫມາຍທີ່ຕັ້ງໄວ້. ນອກນັ້ນ, ຍັງເປັນການກຳນົດວຽກຈຸດສຸມຂອງລັັດຖະບານໃນໄລຍະ 5 ປີ ເພື່ອເປັນບ່ອນອີງໃນການວາງແຜນວຽກ, ແຜນງົບປະ ມານ ແລະ ແຜນຄົນ ຂອງທຸກຂະແໜງການຈາກສູນກາງລົງຮອດທ້ອງຖີ່ນ.

ແຕ່ປີ 2015 – 2020, ເປັນໄລຍະທີ່ ສປ ຈີນ ຈັດຕັ້ງປະຕິບັດແຜນພັດທະນາເສດຖະກິດ – ສັງ ຄົມ 5 ປີຄັ້ງທີ XIII  ແລະ ເປັນໄລຍະທີ່ ສປ ຈີນ ຖືກກົດດັນ ແລະ ໜີບຮັດ ທາງດ້ານເສດຖະກິດຈາກພາຍນອກຫລາຍທີ່ສຸດ ໂດຍສະເພາະແມ່ນຊ່ວງໄລຍະ ທ້າຍສະໄຫມຂອງການປະຕິບັດແຜນພັດທະນາເສດ ຖະກິດ – ສັງຄົມ 5 ປີຄັ້ງທີ XIII. ໃນປີ 2015 ເສດຖະກິດຂອງ ສປ ຈີນ ຂະຫຍາຍຕົວ 6,9%; ໃນປີ 2019 ເສດຖະກິດຂະຫຍາຍຕົວ 6,1 % ຖືວ່າເສດຖະກິດຂະຫຍາຍຕົວຕໍ່າທີ່ສຸດໃນຮອບ 30 ປີ. ເຖິງແນວໃດກໍຕາມເມື່ອທຽບກັບ ປະເທດອຸດສາຫະກຳອື່ນ ຍັງເຫັນວ່າເສດຖະກິດຂອງ ສປ ຈີນ ມີການຂະ ຫຍາຍຕົວສູງທີ່ສຸດໃນໂລກ. ໃນປີ 2020 ທົ່ວໂລກກຳລັງປະເຊີນກັບບັນຫາການແຜ່ລະບາດ  ຂອງພະ ຍາດໂຄວິດ – 19, ຊຶ່ງສົ່ງຜົນກະທົບໃສ່ທຸກຂົງເຂດເສດຖະກິດຢູ່ໃນທົ່ວທຸກມູນໂລກ ເຖິງແມ່ນວ່າບັນດາປະເທດອຸດສາຫະກຳຕ່າງໆ ທົ່ວໂລກມີການຂະຫຍາຍຕົວທາງດ້ານເສດຖະກິດຕິດລົບ, ແຕ່ເສດຖະກິດຂອງ ສປ ຈີນ ຍັງມີການຂະຫຍາຍຕົວ 2,1% ຊຶ່ງຖືວ່າຕໍ່າທີ່ສຸດໃນຮອບ 44 ປີ.

ໂດຍລວມແລ້ວສາມາດເວົ້າໄດ້ວ່າ ການພັດທະນາເສດຖະກິດ – ສັງຄົມຂອງ ສປ ຈີນ ໃນແຜນ 5 ປີຄັ້ງທີ XIII ໄດ້ຮັບຜົນສຳເລັດອັນຫຍິ່ງໃຫຍ່, ເສດຖະກິດຂະຫຍາຍຕົວຢ່າງຕໍ່ເນື່ອງ, ໂຄງສ້າງເສດຖະກິດໄດ້ຮັບການປັບປຸງຍົກລະດັບ, ກະສິກຳທີ່ທັນສະໄໝໄດ້ຮັບການສົ່ງເສີມຢ່າງຕໍ່ເນື່ອງ, ວຽກງານລົບລ້າງຄວາມທຸກຍາກໄດ້ຮັບຜົນສຳເລັດຢ່າງປະຈັກຕາ, ວຽກງານປ້ອງກັນ ແລະ ແກ້ໄຂບັນຫາມົນລະພິດໄດ້ຮັບຄວາມເອົາໃຈໃສ່, ສະພາບແວດລ້ອມທາງທຳມະຊາດໄດ້ຮັບການປັບປຸງ, ບຸກທະລຸທາງດ້ານການປະຕິຮູບຢ່າງເລິກເຊິ່ງ ແລະ ຮອບດ້ານ, ການເປີດກວ້າງສູ່ພາຍນອກໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງ, ຂໍ້ລິເລິ່ມ “ໜຶ່ງແລວ, ໜຶ່ງເສັ້ນທາງ” ສາມາດຍາດໄດ້ຜົນສຳເລັດ, ຊີວິດການເປັນຢູ່ຂອງປະຊາຊົນໄດ້ຮັບການຍົກລະດັບຢ່າງເຫັນໄດ້ແຈ້ງ, ລະບົບການຄຸ້ມຄອງບໍລິຫານລັດແບບທັນສະໄຫມໄດ້ຮັບການເພີ່ມທະວີ. ນອກນັ້ນ, ໃນໄລຍະການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ 5 ປີຄັ້ງທີ XIII, ບົດບາດການຊີ້ນໍາ – ນໍາພາ ຂອງພັກຄອມມູນິດຈີນ ແລະ ລະບອບສັງຄົມນິຍົມຕາມສີສັນຂອງ ສປ ຈີນ ສູງເດັ່ນຂຶ້ນ, ຄຸນທາດການເມືອງ ແລະ ແນວຄິດຕໍ່ສູ້ຂອງສະມາຊິກພັກ – ພະນັກງານໄດ້ຮັບການຍົກສູງ, ປະຊາຊົນບັນດາເຜົ່າໃນທົ່ວປະເທດຈີນ ມີຄວາມຈູບຈ້າວຫ້າວຫັນໃນການປະກອບສ່ວນເຂົ້າໃນການສ້າງສາພັດທະ ນາປະເທດຊາດ.

ຜົນສໍາເລັດຂອງການຈັດຕັ້ງປະຕິບັດ ແຜນພັດທະນາເສດຖະກິດ – ສັງຄົມ 5 ປີຄັ້ງທີ XIII ຂອງ ສປ ຈີນ ຍັງສະແດງອອກໃນບາງວຽກງານ ດ້ວຍຕົວເລກຊີ້ວັດຢ່າງຈະແຈ້ງ ເຊັ່ນ: 1) ດ້ານເສດຖະກິດ: ປີ 2016 GDP ສປ ຈີນ ບັນລຸ 74.400 ຕື້ຢວນ, ປີ 2019 ບັນລຸ 99.100 ຕື້ຢວນ, ສະເພາະປີ 2020 ຄາດວ່າ GDP ຂອງ ສປ ຈີນ ຈະສາມາດບັນລຸ 100.000 ຕື້ຢວນ, ລາຍໄດ້ຕໍ່ຫົວຄົນບັນລຸ 10.000 ໂດລາສະຫະລັດ; 2) ການກໍ່ສ້າງພື້ນຖານໂຄງລ່າງ: ປີ 2016,  ເສັ້ນທາງລົດໄຟຄວາມໄວສູງໄດ້ຮັບການນໍາໃຊ້ຫລາຍກວ່າ 1.900 ກິໂລແມັດ, ທາງດ່ວນ 130.000 ກິໂລແມັດ. ປີ 2019, ເສັ້ນທາງລົດໄຟຄວາມໄວສູງທີ່ເປີດນໍາໃຊ້ມີຄວາມຍາວຫລາຍກວ່າ 35.000 ກິໂລແມັດ, ກວມເອົາຢ່າງໜ້ອຍ 2/3 ຂອງທາງລົດໄຟຄວາມໄວສູງໃນທົ່ວໂລກ, ທາງດ່ວນມີຄວາມຍາວຫລາຍກວ່າ 140.000 ກິໂລແມັດ, ຍາວເປັນອັນດັບໜຶ່ງຂອງໂລກ; 3) ວຽກງານເປີດກວ້າງສູ່ພາຍນອກ: 5 ປີຜ່ານມາ, ສປ ຈີນ ຖືເອົາການຈັດຕັ້ງປະຕິບັດ ຂໍ້ລິເລິ່ມ “ໜຶ່ງແລວ, ໜຶ່ງເສັ້ນທາງ” ເປັນໃຈກາງໃນການສົ່ງເສີມການຮ່ວມມືກັບຕ່າງປະເທດ ບົນຫລັກການຕ່າງຝ່າຍຕ່າງມີຜົນປະໂຫຍດ. ປະຈຸບັນ, ສປ ຈີນ ໄດ້ລົງນາມໃນເອກະສານຮ່ວມມືໃນຂອບ “ໜຶ່ງແລວ, ໜຶ່ງເສັ້ນທາງ” ກັບ 138 ປະເທດ ແລະ 30 ອົງການຈັດຕັ້ງສາກົນ, ມີໂຄງການຮ່ວມມືຫລາຍກວ່າ 2.000 ໂຄງການ, ມູນຄ່າການຄ້າສະສົມລະຫວ່າງ ສປ ຈີນ ແລະ ບັນດາປະເທດໃນຂອບການຮ່ວມມື “ໜຶ່ງແລວ, ໜຶ່ງເສັ້ນທາງ” ຫລາຍກວ່າ 7.800 ຕື້ໂດລາສະຫະລັດ, ການລົງທຶນໂດຍກົງຢູ່ບັນດາປະເທດດັ່ງກ່າວມີມູນຄ່າ 110 ຕື້ໂດລາສະຫະລັດ.

ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ 5 ປີຄັ້ງທີ XIII (2015 -2020) - Wave100S AD to Website 2020 0 - ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ 5 ປີຄັ້ງທີ XIII (2015 -2020)

ນອກນັ້ນ, ມູນຄ່າສິນຄ້ານໍາເຂົ້າ – ສົ່ງອອກເພີ່ມຂຶ້ນຈາກ 3.950 ຕື້ໂດລາສະຫະລັດໃນປີ 2015, ເພີ່ມຂຶ້ນເປັນ 4.580 ຕື້ໂດລາສະຫະລັດໃນປີ 2019, ສປ ຈີນ ເປັນປະເທດສົ່ງອອກຫລາຍທີ່ສຸດຂອງໂລກຕິດຕໍ່ກັນ 11 ປີ; ປີ 2016 -2019 ສາມາດດຶງດູດການລົງທຶນຈາກຕ່າງປະເທດ ໄດ້ທັງໝົດ 549 ຕື້ໂດລາສະຫະລັດ, ໃນໄລຍະດຽວກັນວິສາຫະກິດ ສປ ຈີນ ໄປລົງທຶນຢູ່ຕ່າງປະເທດ 634 ຕື້ໂດລາສະຫະລັດ, ຈັດຢູ່ໃນແຖວໜ້າຂອງໂລກ ; 5) ວຽກງານລົບລ້າງຄວາມທຸກຍາກ:  ແຕ່ປີ 2015 -2019, ປະຊາຊົນທຸກຍາກຈາກຈໍານວນ 55.750.000 ຄົນ ຫລຸດລົງເຫລືອພຽງ 5.510.000 ຄົນ, ສປ ຈີນ ສາມາດລົບລ້າງຄວາມທຸກຍາກຢ່າງໜ້ອຍ 10 ລ້ານຄົນ/ປີ ຕິດຕໍ່ກັນເປັນເວລາ 7 ປີ. ວັນທີ 23 ພະຈິກ 2020,​ ອໍານາດປົກຄອງແຂວງກຸ້ຍໂຈ່, ສປ ຈີນ ໄດ້ປະກາດລົບລ້າງ 9 ເມືອງທີ່ຂຶ້ນກັບແຂວງດັ່ງກ່າວອອກຈາກບັນຊີລາຍຊື່ເມືອງທຸກຍາກ ຫມາຍຄວາມວ່າເມືອງທຸກຍາກຢູ່ ສປ ຈີນ ຈຳນວນ 66 ເມືອງໄດ້ຫລຸດພົ້ນອອກຈາກຄວາມທຸກຍາກ, ວຽກງານລົບລ້າງຄວາມທຸກຍາກຂອງ ສປ ຈີນ ໄດ້ຮັບຜົນສຳເລັດຕາມເປົ້າຫມາຍ; 6) ຊີວິດການເປັນຢູ່ຂອງປະຊາຊົນໄດ້ຮັບການປັບປຸງຍົກລະດັບ: ວຽກງານສາທາລະນະສຸກ ແລະ ປະກັນສັງຄົມ ໄດ້ຮັບການປັບປຸງຍົກລະດັບ, ຮອດເດືອນພະຈິກ 2020 ປະຊາຊົນທີ່ມີບັດປະກັນສັງຄົມ ມີຈຳນວນ 1.332 ລ້ານຄົນ, ກົມເອົາ 95% ຂອງຈຳນວນພົນລະເມືອງທັງໝົດ, ອາຍຸສະເລ່ຍຂອງປະຊາຊົນໃນປີ 2019  ແມ່ນ 77,3 ປີ. ນອກນັ້ນ, ໃນໄລຍະ 8 ປີຜ່ານມາ ລັດຖະບານຈີນ ຍັງໄດ້ແກ້ໄຂບັນຫາວຽກເຮັດງານທຳໃຫ້ແກ່ປະຊາຊົນເກືອບ 100 ລ້ານຄົນ, PCDI (Per Capita Disposable Income) ໃນປີ 2019 ເທົ່າກັບ 30.733 ຢວນ, ທຽບໃສ່ປີ 2015 ເພິ່ມຂຶ້ນ 39,9%, ປະຊາຊົນມີເຄື່ອງໃຊ້ໄຟຟ້າຢູ່ໃນເຮືອນຢ່າງທົ່ວເຖິງ, ລົດໃຫຍ່ຮັບໃຊ້ໃນຄອບຄົວສະເລ່ຍ 100 ຄອບຄົວໃດມີລົດໃຫຍ່ 35,3 ຄັນ, ແຕ່ປີ 2016 -2019 ໄດ້ປັບປຸງກໍ່ສ້າງເຮືອນຈຳນວນ 21 ລ້ານຫລັງ ໃຫ້ແກ່ປະຊາຊົນ ທີ່ອາໄສຢູ່ເຮືອນຊານທີ່ຊຸດໂຊມ, ອັດຕາການເຂົ້າຮຽນໂຮງຮຽນພາກບັງຄັບບັນລຸ 94,8%.

 

 

ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ 5 ປີຄັ້ງທີ XIII (2015 -2020) - WhatsApp Image 2020 05 27 at 5 - ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ 5 ປີຄັ້ງທີ XIII (2015 -2020)
ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ 5 ປີຄັ້ງທີ XIII (2015 -2020) - WhatsApp Image 2020 05 27 at 5 - ສປ ຈີນ ໄດ້ຮັບຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ 5 ປີຄັ້ງທີ XIII (2015 -2020)
error: Alert: ເນື້ອຫາຂ່າວມີລິຂະສິດ !!