7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ

7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ - 031311 2020 - 7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ
7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ - Untitled design - 7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ

1/. ມີຄວາມໝັ້ນໃຈໃນຕົນເອງສູງຂຶ້ນ : ການໄດ້ໃຊ້ເວລາຢູ່ກັບຕົນເອງຢ່າງມີຄວາມສຸກເປັນໂຕກະຕຸ້ນຄວາມໝັ້ນໃຈທີ່ດີອີກທາງໜຶ່ງ ຖ້າທ່ານຮູ້ສຶກເບື່ອ ຫລື ກະວົນກະວາຍໃຈເວລາຕ້ອງຢູ່ຄົນດຽວ ນັ້ນອາດເຮັດໃຫ້ທ່ານຄິດໄປເອງວ່າຕົນເອງເປັນຄົນໜ້າເບື່ອ ແລະ ຈະມ່ວນໄດ້ກໍຕໍ່ເມື່ອຢູ່ກັບຄົນອື່ນເທົ່ານັ້ນ, ແຕ່ຖ້າທ່ານຮຽນຮູ້ທີ່ຈະເພີດເພີນກັບການຢູ່ຄົນດຽວໄດ້ ທ່ານກໍຈະມີຄວາມໝັ້ນໃຈຫລາຍຂຶ້ນ ເພາະຮູ້ວ່າຕົນເອງບໍ່ໄດ້ໜ້າເບື່ອດັ່ງທີ່ຄິດ.

2/. ຮູ້ສຶກດີກັບຄົນອື່ນຫລາຍກ່ວາເກົ່າ : ເວົ້າກັນວ່າ ຍິ່ງຫ່າງໄກ ຫົວໃຈຍິ່ງຜູກພັນ ການຢູ່ຄົນດຽວຈຶ່ງເປັນໄລຍະເວລາທີ່ທ່ານຈະໄດ້ເບິ່ງຄົນຮູ້ຈັກໃນມຸມໃໝ່ໆ ແລະ ໄດ້ເຫັນຄຸນຄ່າໃນໂຕຕົນ ແລະ ການກະທຳຂອງພວກເຂົາຫລາຍຂຶ້ນກ່ວາເກົ່າ.

3/. ໄດ້ເຮັດຫຍັງທີ່ຢາກເຮັດ : ການໄດ້ໃຊ້ເວລາຮ່ວມກັບຄົນອື່ນນັ້ນເປັນເລື່ອງທີ່ມ່ວນ ເຊິ່ງແນ່ນອນວ່າຕ້ອງມາພ້ອມກັບຄວາມປະນີປະນອມປັບໂຕໃຫ້ເຂົ້າກັບຄວາມຕ້ອງການ ແລະ ຄວາມຄິດເຫັນຂອງຄົນອື່ນໆນຳ. ໃນຂະນະທີ່ການຢູ່ຄົນດຽວຈະເຮັດໃຫ້ທ່ານມີອິດສະຫລະໃນການເຮັດຫຍັງກໍໄດ້ທີ່ຕ້ອງການ, ນຸ່ງເຄື່ອງແບບທີ່ຢາກນຸ່ງ, ກິນຫຍັງທີ່ຢາກກິນ ແລະ ເຮັດຫຍັງທີ່ມີຄວາມໝາຍຕໍ່ທ່ານແທ້ໆ.

4/. ເຮັດສິ່ງຕ່າງໆສຳເລັດໄດ້ຫລາຍຂຶ້ນ : ຄວາມຄິດທີ່ວ່າ ຍິ່ງຊ່ວຍກັນຫລາຍຄົນ ວຽກກໍຍິ່ງເບົາລົງ ອາດຈະໃຊ້ໄດ້ກັບວຽກທີ່ຕ້ອງໃຊ້ແຮງ, ແຕ່ບໍ່ສາມາດເອົາໄປໃຊ້ກັບວຽກທີ່ຕ້ອງໃຊ້ຄວາມຄິດໄດ້ ແມ່ນແຕ່ການລະດົມສະໝອງ ເຊິ່ງເປັນວິທີທີ່ນິຍົມໃຊ້ກັນນັ້ນ ໃນຄວາມຈິງແລ້ວກໍບໍ່ໄດ້ຜົນດີເທົ່າໃດ ພົບວ່າການລະດົມສະໝອງກັນເປັນກຸ່ມນັ້ນບໍ່ໄດ້ເກີດປະໂຫຍດ ເພາະຈະເຮັດໃຫ້ເກີດການຄອບງຳທາງຄວາມຄິດ, ສະມາຊິກກຸ່ມມັກມີໂອກາດທີ່ຈະຍຶດຕິດກັບໄອເດຍຂອງຄົນອື່ນ, ຈະເຮັດໃຫ້ຄິດຫຍັງໃໝ່ໆບໍ່ອອກ, ຫລາຍຄົນກໍຫລາຍຄວາມ. ດັ່ງນັ້ນ, ການຢູ່ຄົນດຽວຈຶ່ງເປັນການຕັດບັນຫາເລື່ອງຄວາມຄິດສັບສົນ ແລະ ຍັງເຮັດໃຫ້ວຽກສຳເລັດໄດ້ດີກ່ວານຳອີກ. ການຢູ່ຄົນດຽວມີປະໂຫຍດຫລາຍກ່ວາທີ່ທ່ານຄິດ ສະນັ້ນ ອາທິດນີ້ ແບ່ງເວລາສ່ວນໜຶ່ງເພື່ອຢູ່ກັບຕົນເອງລອງເບິ່ງ.

5/. ມີຄວາມສະຫລາດທາງອາລົມສູງຂຶ້ນ : ຄວາມສະຫລາດທາງອາລົມ ຫລື EQ ແມ່ນການຄຳນຶງຮູ້ ແລະ ເຂົ້າໃຈອາລົມຂອງໂຕເຮົາເອງ ແລະ ຜູ້ຄົນອ້ອມຂ້າງ ຈາກການທົດສອບກັບກຸ່ມໂຕຢ່າງ ພົບວ່າ : 90% ຂອງກຸ່ມທີ່ເຮັດວຽກໄດ້ມີປະສິດທິພາບທີ່ສຸດມັກເປັນກຸ່ມຄົນທີ່ມີ EQ ສູງ ແລະ ການຄຳນຶງຮູ້ໃນຕົນເອງກໍເປັນພື້ນຖານທີ່ຂາດບໍ່ໄດ້ຄືກັນ ເພາະຄົນເຮົາຕ້ອງອາໄສການທົບທວນຕົນເອງຢ່າງລະອຽດຢູ່ສະເໝີ ເຊິ່ງມັກຈະເຮັດໄດ້ດີທີ່ສຸດເມື່ອໄດ້ຢູ່ຕາມລຳພັງ.

7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ - Wave100S AD to Website 2020 0 - 7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ

6/. ໄດ້ພັກຜ່ອນເພື່ອຟື້ນຟູ ແລະ ຕື່ມພະລັງໃຫ້ໂຕເຮົາເອງ : ທຸກຄົນ ແມ່ນແຕ່ຄົນທີ່ມັກເຂົ້າສັງຄົມລ້ວນແຕ່ຕ້ອງການເວລາຟື້ນຟູ ແລະ ຕື່ມພະລັງໃຫ້ຕົນເອງແດ່ ແລະ ກໍຄົງບໍ່ມີວິທີໃດຈະດີໄປກ່ວາການໄດ້ຢູ່ພຽງລຳພັງ ຄວາມງຽບສະຫງົບເປັນສິ່ງສຳຄັນທີ່ຈະຊ່ວຍຟື້ນຟູທ່ານຈາກມື້ທີ່ຕ້ອງເຄັ່ງຄຽດໄດ້.

7/. ໄດ້ຮຽນຮູ້ທີ່ຈະເຊື່ອໃນຕົນເອງ : ອິດສະຫລະພາບບໍ່ແມ່ນແຕ່ການໄດ້ເຮັດສິ່ງທີ່ຢາກເຮັດ, ແຕ່ຍັງເປັນການຝຶກເຊື່ອໃນຕົນເອງ ແລະ ການໄດ້ຄິດໂດຍປາສະຈາກຄວາມກົດດັນ ຫລື ອິດທິພົນຈາກພາຍນອກ ມັນຊ່ວຍໃຫ້ທ່ານເຫັນໂຕຕົນ, ຄວາມຄິດ ແລະ ສິ່ງທີ່ເໝາະສົມກັບຕົນເອງຈະແຈ້ງຂຶ້ນ ເພາະເມື່ອຖືກອ້ອມຮອບໄປດ້ວຍຜູ້ຄົນ ທ່ານມັກຈະຕ້ອງເຝົ້າສັງເກດປະຕິກິລິຍາຂອງຄົນອື່ນຢູ່ຕະຫລອດເວລາ ເພື່ອເບິ່ງວ່າທ່ານເຮັດໂຕເໝາະສົມຫລືບໍ່.

ດັ່ງນັ້ນ, ການຢູ່ຄົນດຽວຈຶ່ງເຮັດໃຫ້ທ່ານສາມາດຕໍ່ຍອດໄອເດຍຕ່າງໆໄດ້ດ້ວຍຕົນເອງ ບໍ່ຕ້ອງກັງວົນວ່າຄົນອື່ນຈະຄິດແນວໃດ ແລະ ໄດ້ຄົ້ນພົບຄວາມສາມາດທີ່ແທ້ຈິງຂອງຕົນເອງໂດຍບໍ່ຖືກຈຳກັດດ້ວຍຄວາມຄິດຂອງຜູ້ອື່ນ.

7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ - WhatsApp Image 2020 05 27 at 5 - 7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ
7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ - WhatsApp Image 2020 05 27 at 5 - 7 ຂໍ້ດີຂອງການຢູ່ຄົນດຽວ ຄົນທີ່ຢູ່ຄົນດຽວໄດ້ຈະເຂົ້າໃຈວ່າມັນມີຄວາມສຸກ
error: Alert: ເນື້ອຫາຂ່າວມີລິຂະສິດ !!