9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ

9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ - 051711 2020 - 9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ
9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ - Untitled design - 9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ

ຂໍ້ມູນຈາກອົງການອະນາໄມໂລກ (WHO) ລະບຸວ່າ : ໃນແຕ່ລະປີ ມີຜູ້ເສຍຊີວິດຈາກສູບຢາຫລາຍກ່ວາ 7 ລ້ານຄົນ ແລະ ໃນຈຳນວນນີ້ເປັນຜູ້ທີ່ເສຍຊີວິດຈາກ ຄັວນຢາສູບມືສອງ (ບໍ່ໄດ້ສູບເອງ) ຫລາຍເຖິງ 890.000 ຄົນ. ດັ່ງນັ້ນ, ຖ້າບໍ່ຢາກເປັນ 1 ໃນ 7 ລ້ານຄົນ ທີ່ຕ້ອງເສຍຊີວິດຈາກຢາສູບໃນແຕ່ລະປີ ນີ້ແມ່ນ 9 ເຫດຜົນທີ່ຈະບອກວ່າເປັນຫຍັງຈຶ່ງຄວນເຊົາສູບຢາກ່ອນທີ່ຈະສວາຍເກີນແກ້.9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ - 031711 2020 - 9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ

9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ - 041711 2020 300x200 - 9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ

  1. ເປັນມະເຮັງກ່ອງສຽງ : ພະຍາດມະເຮັງກ່ອງສຽງ ມັກເປັນພະຍາດທີ່ພົບໄດ້ຫລາຍໃນຜູ້ທີ່ສູບຢາ ເພາະການເຜົາໄໝ້ຂອງຢາສູບເຮັດໃຫ້ເກີດ ສານກໍ່ມະເຮັງ. ນອກຈາກນີ້, ຄັວນຂອງຢາສູບຍັງເຮັດໃຫ້ເນື້ອເຍື່ອກ່ອງສຽງ ເຊິ່ງມີໜ້າທີ່ກຳຈັດສານຄັດຫລັ່ງ ແລະ ສິ່ງແປກປອມ ຫລຸດປະສິດທິພາບໃນການເຮັດວຽກລົງ ຈຶ່ງມີສານຄັດຫລັ່ງ ຫລື ສານລະຄາຍເຄືອງຕົກຄ້າງຢູ່ ສົ່ງຜົນໃຫ້ເນື້ອເຍື່ອຂອງກ່ອງສຽງໜາຂຶ້ນ ແລະ ປ່ຽນສະພາບເປັນແຊນມະເຮັງ.
  2. ສ່ຽງຕໍ່ການຂ້າໂຕຕາຍ : ຜົນການສຶກສາໂດຍມະເຫາວິທະຍາໄລວໍຊິງຕັນຂອງສະຫະລັດອາເມລິກາ ພົບວ່າ ສານນິໂກຕິນໃນຢາສູບອາດເຮັດໃຫ້ເກີດອາການທາງຈິດ ແລະ ນຳໄປສູ່ການຂ້າໂຕຕາຍໄດ້ ເຊິ່ງສອດຄ່ອງກັບອັດຕາການເສຍຊີວິດທີ່ຫລຸດລົງເຖິງ 15% ໃນສະຫະລັດອາເມລິກາ ຫລັງມີການເພີ່ມພາສີຢາສູບ ແລະ ມີກົດໝາຍຫ້າມສູບຢາໃນສະຖານທີ່ສາທາລະນະ.
  3. ເພີ່ມຄວາມສ່ຽງເປັນພະຍາດທາງຈິດ : ນັກວິໄຈຈາກມະຫາວິທະຍາໄລຄິງ ຄໍເລດ ຂອງອັງກິດ ລະບຸວ່າການສູບຢາເພີ່ມຄວາມສ່ຽງໃນການເປັນພະຍາດທາງຈິດໄດ້ ໂດຍພົບວ່າຫລາຍກ່ວາ 57% ທີ່ເຂົ້າຮັບການປິ່ນປົວອາການທາງຈິດເປັນຜູ້ທີ່ສູບຢາ ແລະ ເມື່ອທຽບກັບຜູ້ທີ່ບໍ່ສູບຢາ ພົບວ່າ ຄົນທີ່ສູບຢາມີໂອກາດຜິດປົກກະຕິທາງຈິດໄວກ່ວາຜູ່ບໍ່ສູບ 1 ປີ.
  4. ເຮັດໃຫ້ລູກສ່ຽງເປັນພະຍາດຫອບຫືດ : ຜົນການສຶກສາຂອງມະຫາວິທະຍາໄລເບີເກັ້ນໃນນັອກແວ ພົບວ່າ ການທີ່ຜູ້ຊາຍສູບຢາມາຕັ້ງແຕ່ເປັນໄວໜຸ່ມ ຫລື ສູບຢາມາເປັນເວລາດົນ ກ່ອນຈະມີຄອບຄົວນັ້ນ ເພີ່ມຄວາມສ່ຽງໃຫ້ລູກໆຂອງຕົນເອງເປັນພະຍາດຫອບຫືດຕັ້ງແຕ່ນ້ອຍ ຫລາຍເຖິງ 3 ເທົ່າ.
  5. ເຮັດໃຫ້ແຊນປອດເກີດຄວາມຜິດປົກກະຕິ : ນັກວິທະຍາສາດພົບວ່າ ການສູບຢາມື້ລະຊອງເປັນສາເຫດທີ່ເຮັດໃຫ້ແຊນປອດຖືກທຳລາຍ ເຮັດໃຫ້ເກີດຄວາມຜິດປົກກະຕິຂອງແຊນ ຈົນນຳໄປສູ່ພະຍາດມະເຮັງປອດ ລວມເຖິງເພີ່ມຄວາມສ່ຽງໃນການເປັນມະເຮັງຢູ່ອະໄວຍະວະຂ້າງຄຽງອື່ນໆນຳ.
  6. ເພີ່ມຄວາມສ່ຽງພະຍາດທີ່ກ່ຽວກັບຕາ : ຫລາຍຄົນອາດບໍ່ຮູ້ວ່າ ການສູບຢາເພີ່ມຄວາມສ່ຽງໃນການເປັນພະຍາດຕ່າງໆທີ່ກ່ຽວກັບຕາໄດ້ ໂດຍຜູ້ຊ່ຽວຊານດ້ານການແພດ ລະບຸວ່າ ຢາສູບມີຄວາມກ່ຽວຂ້ອງກັບພະຍາດຈໍປະສາດຕາເສື່ອມ, ຕາຕໍ້, ຕາຟາງ, ອາການເມົາຫວານຂຶ້ນຈໍຕາ ແລະ ຕາແຫ້ງໄດ້.
  7. ສ່ຽງເປັນພະຍາດຫົວໃຈ : ນັກວິທະຍາສາດຈາກອັງກິດເຕືອນວ່າ ຜູ້ສູບຢາທີ່ມີອາຍຸນ້ອຍກ່ວາ 50 ປີ ມີສິດເປັນພະຍາດຫົວໃຈໄດ້ຫລາຍກ່ວາຄົນທີ່ບໍ່ສູບຢາໃນໄລຍະອາຍຸດຽວກັນຫລາຍເຖິງ 8 ເທົ່າ. ຂະນະທີ່ຜູ້ອາຍຸລະຫ່ວາງ 50 – 65 ປີ ຈະມີຄວາມສ່ຽງຢູ່ 5 ເທົ່າ ແລະ ຜູ້ທີ່ມີອາຍຸ 65 ປີຂຶ້ນໄປ ມີຄວາມສ່ຽງ 3 ເທົ່າ.
  8. ທຳລາຍຕ່ອມຮັບລົດຊາດອາຫານ : ເຫດຜົນໜຶ່ງທີ່ບໍ່ຄວນສູບຢາ ເພາະສານເຄມີທີ່ມີພິດໃນຢາສູບເຮັດໃຫ້ຕ່ອມຮັບລົດຊາດອາຫານຖືກທຳລາຍໄປນຳ ແມ່ນແຕ່ກາເຟທີ່ມີລົດຊາດຂົມ ກໍອາດຮັບລົດຊາດໄດ້ບໍ່ດີປານໃດ. ນອກຈາກນີ້, ນັກວິໄຈຍັງພົບຕື່ມວ່າ ເຖິິງຈະເຊົາສູບຢາໃນພາຍຫລັງກໍອາດບໍ່ໄດ້ຊ່ວຍຫຍັງຫລາຍ ເພາະຕ່ອມຮັບລົດຊາດຖືກທຳລາຍໄປແລ້ວ.
  9. ເຮັດໃຫ້ເຖົ້າກ່ອນອາຍຸຕົວຈິງ : ມີຜົນການສຶກສາໂດຍນັກວິທະຍາສາດໃນປີ 2017 ພົບວ່າ ການສູບຢາຫລາຍ ແລະ ດື່ມອານກໍຮໍຫລາຍ ລ້ວນເປັນສາເຫດໃຫ້ DNA ໃນຮ່າງກາຍຄົນເຮົາເກີດການປ່ຽນແປງຢ່າງເຫັນໄດ້ແຈ້ງ ແລະ ເປັນໂຕການທີ່ເລັ່ງໃຫ້ມີໃບໜ້າທີ່ເຖົ້າກ່ອນອາຍຸ.
9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ - Wave100S AD to Website 2020 0 - 9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ
9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ - WhatsApp Image 2020 05 27 at 5 - 9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ
9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ - WhatsApp Image 2020 05 27 at 5 - 9 ອັນຕະລາຍຕໍ່ສຸຂະພາບ ຫາກທ່ານຍັງສູບຢາ
error: Alert: ເນື້ອຫາຂ່າວມີລິຂະສິດ !!