ສະມາຊິກພັກ ເດໂມແຄຣດ 150 ຄົນລົງນາມ ສະໜັບສະໜູນ ໃຫ້ສະຫະລັດ ອາເມລິກາ ກັບຄືນເຂົ້າສູ່ ຂໍ້ຕົກລົງ ນິວເຄຣຍ ອີຣານ
ສຳນັກຂ່າວ Times of Israel ຈາກ ນະຄອນຫຼວງ ວໍຊິງຕັນ ລາຍງານ ເມື່ອວັນທີ 25 ທັນວານີ້ວ່າ ຜູ້ນຳໜ້າພາທາງໃນການລົງນາມໃສ່ຈົໝາຍເຫດຄັ້ງນີ້ ລວມມີທັງສະມາຊິກສະພາເຊັ່ນ: David Price , Barbara Lee, Jan Schakowsky, Gregory Meeks, Joaquin Castro, Abigail Spanberger ແລະ Brad Sherman. ລວມທັງໝົດ 150 ຄົນ.
ຈົດໝາຍດັ່ງກ່າວໄດ້ຮັບລາຍເຊັນຈາກ 146 ຄົນ ຊຶ່ງເປັນຕົວເລກທີ່ສາມາດສະກັດກັ້ນການຄັດຄ້ານຂອງທຸກຄວາມພະຍາຍາມໃດໆ.
ວັນທີ 21 ທັນວານີ້, ລັດຖະມົນຕີການຕ່າງປະເທດຂອງ ອີຣານ ພ້ອມກັບບັນດາປະເທດ ອັງກິດ, ຝຣັ່ງ, ຣັດເຊຍ, ຈີນ ແລະ ເຢຍລະມັນ ໄດ້ອອກແຈ້ງການລວມ ເນັ້ນເຖິງຄວາມສຳຄັນຂອງການຈັດຕັ້ງປະຕິບັດມະຕິ 2231 ຂອງສະພາຄວາມໝັ້ນຄົງສະຫະປະຊາຊາດ ເພື່ອປົກປ້ອງຂໍ້ຕົກລົງນິວເຄຣຍ ປີ 2015. ບັນດາພາກສ່ວນເຂົ້າຮ່ວມ JCPOA ລ້ວນແຕ່ຢືນຢັນໃຫ້ການຮ່ວມມືປົກປ້ອງຂໍ້ຕົກລົງນິວເຄຣຍ ແລະ ຄວາມພະຍາຍາມອື່ນໆ ທີ່ກ່ຽວຂ້ອງ, ພ້ອມດຽວກັນກໍຢືນຢັນ ຈະປະຕິບັດຂໍ້ຕົກລົງຢ່າງຄົບຖ້ວນ ແລະ ມີປະສິດທິຜົນ.
ໃນຂະນະທີ່ ປະທານາທິບໍດີ ໂດນັລທຣຳ ວັນທີ 23 ທັນວານີ້ ປະກາດວ່າ ອີຣານຕ້ອງຮັບຜິດຊອບ ຕໍ່ການບຸກໂຈມຕີດ້ວຍລູກສອນໄຟເຂົ້າໃສ່ສະຖານທູດຂອງສະຫະລັດອາເມລີກາ ຢູ່ໃນ ນະຄອນ ແບກແດດ ໃນວັນທີ 20 ທັນວາທີ່ຜ່ານມາ.
