ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ

ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ - 20200423 Pixabay vietnam hanoi 5016144 1280 - ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ
ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ - Untitled design - ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ

ລັດຖະບານ​ຫວຽດນາມ ​ເປີດ​ເຜີຍ​ໃນ​ວັນ​ທີ 27 ທັນວາ​ວ່າ: ​ເສດຖະກິດຫວຽດນາມ​ໃນ​ປີ 2020 ​ເກີດ​ການ​ຂະຫຍາຍຕົວ​ຊ້າ​ລົງ​ສູ່​ລະດັບ​ອ່ອນ​ແອ​ທີ່​ສຸດ ຢ່າງ​ໜ້ອຍ​ໃນ​ຮອບ 3 ທົດ​ສະ​ວັດ ​ເນື່ອງ​ຈາກ​ໄດ້​ຮັບ​ຜົນ​ກະທົບ​ຈາກ​ໂຄ​ວິດ-19 ​ແລະ ​ເສດຖະກິດ​ໂລກ​ທີ່​ຊຸດ​ໂຊມ.

ສຳນັກງານ​ສະຖິຕິ​ແຫ່ງ​ຊາດ​ຫວຽດນາມ (GSO) ອອກ​ຖະ​ແຫລ​ງການ​ລະບຸ​ວ່າ: ​ເສດຖະກິດ​ຂອງ​ປະ​ເທດ​ຂະຫຍາຍຕົວ 2,91% ​ໃນ​ປີ​ນີ້ ຫລັງ​ຈາກ​ລວມຍອດ​ຜະລິດ​ຕະພັນ​ພາຍ​ໃນ (GDP) ຂອງ​ປະ​ເທດ​ເຕີບ​ໃຫຍ່​ສູງ​ກວ່າ 7% ​ເປັນ​ເວລາ 2 ປີຕິ​ດຕໍ່​ກັນ.

ປະ​ເທດ​ມີ​ທ່າ​ອ່ຽງ​ເກີນ​ດູ​ນການ​ຄ້າ 19,06 ພັນ​ລ້ານ​ໂດ​ລາ​ໃນ​ປີ​ນີ້, ຂະນະ​ທີ່​ມູນ​ຄ່າ​ການ​ບໍລິ​ໂພ​ກ​ໃນ​ປະ​ເທດ ສະ​ເລ່ຍ​ເພີ່ມ​ຂຶ້ນ 3,23%.

“ນີ້​ຄື​ລະດັບ​ການ​ເຕີບ​ໃຫຍ່​ຂອງ GDP ຕໍ່າ​ທີ່​ສຸດ​ໃນ​ຮອບ​ຫລາຍ​ທົດ​ສະ​ວັດ ທ່າມກາງ​ຜົນ​ກະທົບ​ດ້ານ​ລົບ​ຂອງ​ການ​ແຜ່​ລະບາດ​ໂຄ​ວິດ-19 ຖື​ເປັນ​ຜົນສຳ​ເລັດ​ຂອງ​ຫວຽດນາມ​ທີ່​ຍັງ​ມີ​ອັດຕາ​ການ​ເຕີບ​ໃຫຍ່​ທາງ​ເສດຖະກິດ​ສູງ​ສຸດ​ໃນ​ໂລກ” GSO ລະບຸ ​ແລະ ກ່າວ​ວ່າ: ຫວຽດນາມ​ຕໍ່ສູ້​ກັບ​ການ​ແຜ່​ລະບາດ​ຂອງ​ໂຄ​ວິດ-19 ​ໄດ້​ສຳ​ເລັດ. ຂະນະ​ດຽວ​ກັນ ​ເສດຖະກິດ​ຂອງ​ປະ​ເທດ​ເປີດ​ກວ້າງ ​ເຊິ່ງການ​ແຜ່​ລະບາດ​ຂອງ​ໂຄ​ວິດ​ຢູ່​ພາຍ​ໃຕ້​ການ​ຄວບ​ຄຸມ​ຂອງ​ຫວຽດນາມ​ບໍ່​ຫລາຍ​ກໍ​ໜ້ອຍ.

ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ - Wave100S AD to Website 2020 0 - ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ

​ເຖິງ​ຢ່າງ​ໃດ​ກໍ​ຕາມ, ມາດ​ຕະການ​ກັກ​ກັນ ​ແລະ ຕິດຕາມ​ການ​ແຜ່​ລະບາດ​ຢ່າງ​ເຂັ້ມງວດ ​ເຮັດ​ໃຫ້​ກິດຈະກຳ​ທາງ​ເສດຖະກິດ​ຂອງ​ຫວຽດນາມ​ຟື້ນຕົວ​ໄວ​ກວ່າ​ປະ​ເທດ​ສ່ວນ​ຫລາຍ​ໃນ​ອາຊີ ​ເຊິ່ງຫລ້າ​ສຸດ ຫວຽດນາມ​ມີ​ຜູ້​ຕິດ​ເຊື້ອ​ໂຄ​ວິດ-19 ທັງ​ໝົດ 1.440 ຄົນ ​ແລະ ​ເສຍ​ຊີວິດ 35 ຄົນ.

ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ - WhatsApp Image 2020 05 27 at 5 - ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ
ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ - WhatsApp Image 2020 05 27 at 5 - ເສດຖະກິດຫວຽດນາມເຕີບໃຫຍ່ຕໍ່າສຸດໃນຮອບ 30 ປີ ແຕ່ສູງສຸດໃນໂລກ
error: Alert: ເນື້ອຫາຂ່າວມີລິຂະສິດ !!