ຫວຽດນາມຈັບແມ່ຄ້າຫົວດີສີດສານ ເຂົ້າໂຕກຸ້ງເພື່ອເພີ່ມນ້ຳໜັກ
ໃນວັນທີ 27 ທັນວານີ້, bao lao dong ລາຍງານວ່າ: ເຈົ້າໜ້າທີ່ກຽນຊາງ ພາກໃຕ້ຂອງຫວຽດນາມ ຈັບແມ່ຄ້າຫົວດີສັກສານເຫລວເຂົ້າໃສ່ກຸ້ງ ເພື່ອເພີ່ມນ້ຳໜັກ ພ້ອມລູກຈ້າງ 3 ຄົນ ແລະ ຂອງກາງເປັນກຸ້ງຈຳນວນ 80 ກິໂລ ຄາດວ່າສານທີ່ສັກເຂົ້າໄປນັ້ນເປັນຂອງເຫລວປະເພດຊິລິໂຄນ. ນອກຈາກນີ້ ຍັງພົບວ່າມີການເຮັດຫລາຍບ່ອນໃນກຸ່ມຜູ້ຄ້າກຸ້ງ ເນື່ອງຈາກໄລຍະນີ້ ກຸ້ງຢູ່ຫວຽດນາມມີຄວາມຕ້ອງການເພີ່ມຂຶ້ນ ຫລັງຈາກລາວຫ້າມການນຳເຂົ້າຈາກໄທ ເພາະບັນຫາຢ້ານປົນເປື້ອນເຊື້ອໄວຣັສໂຄວິດ-19 ໃນກຸ້ງ ຈາກກໍລະນີພົບພໍ່ຄ້າແມ່ຄ້າ ແລະ ກຳມະກອນຢູ່ຕະຫລາດກຸ້ງ ແຂວງສະມຸດສາຄອນ.
ເຖິງຢ່າງໃດກໍຕາມ, ກະຊວງສາທາລະນະສຸກ ແລະ ອົງການອາຫານ ແລະ ຢາ ລວມທັງໜ່ວຍງານອື່ນໆຂອງໄທ ໄດ້ອອກມາໃຫ້ຄວາມໝັ້ນໃຈແລ້ວວ່າ: ສາມາດບໍລິໂພກກຸ້ງ ແລະ ອາຫານທະເລໄດ້, ແຕ່ຕ້ອງຜ່ານການທຳຄວາມສະອາດ ແລະ ປຸງໃຫ້ສຸກໃນອຸນຫະພູມ 70 ອົງສາຂຶ້ນໄປ ຈະປອດໄພຈາກເຊື້ອໂຄວິດ-19 ແນ່ນອນ.
