ກອງປະຊຸມຄົບຄະນະບໍລິຫານງານພັກແຂວງຈຳປາສັກ

ກອງປະຊຸມຄົບຄະນະບໍລິຫານງານພັກແຂວງຈຳປາສັກ ຄັ້ງທີ 1 ສະໄໝທີ VIII, ໄດ້ຈັດຂຶ້ນ ໃນວັນທີ 28 ທັນວານີ້ ທີ່ຫ້ອງວ່າການແຂວງ ພາຍໃຕ້ການເປັນປະ ທານຂອງ ສະຫາຍ ວິໄລວົງ ບຸດດາຄຳ ກຳມະການສູນກາງພັກ, ເລຂາຄະນະບໍລິຫານງານພັກແຂວງ ເຈົ້າແຂວງຈຳປາສັກ,  ບັນດາສະຫາຍ ໃນຄະນະປະຈຳພັກແຂວງ, ກຳມະການພັກແຂວງເຂົ້າຮ່ວມ.

ປະທານກອງປະຊຸມ ໄດ້ມີຄຳເຫັນວ່າ: ເພື່ອສືບຕໍ່ຜັນຂະຫຍາຍມະຕິກອງປະຊຸມໃຫຍ່ພັກແຂວງທີ ໄດ້ກຳນົດບັນດາຄາດໝາຍ ແລະ ທິດທາງໃນການຈັດຕັ້ງປະຕິບັດ, ພ້ອມຈະໄດ້ປຶກສາຫາລື ແລະຮັບຮອງເອົາ ແຜນດຳແນີນງານ ແລະ ການແບ່ງແບ່ງຄວາມຮັບຜິດຊອບ ໃນຄະນະບໍລິຫານງານພັກແຂວງຄັ້ງນີ້ ໃຫ້ແທດເໝາະກັບວຽກງານຕົວຈິງ,  ທັງມີຄວາມເປັນເອກະພາບ ,  ມີຄວາມບຸກບືນຕັດສິນໃຈ ເພື່ອ ສູ້ຊົນຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍຕ່າງໆ ເຮັດໃຫ້ການຈັດຕັ້ງປະຕິບັດຄາດໝາຍສູ້ຊົນທີ່ກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງວາງອອກໃຫ້ປະກົດຜົນເປັນຈິງ.