ປະດັບຫລຽນໄຊແຮງງານໃຫ້ອະດີດປະທານ, ຮອງປະທານສະມາຄົມມິດຕະພາບລາວ

- XAY 0018 scaled - ປະດັບຫລຽນໄຊແຮງງານໃຫ້ອະດີດປະທານ, ຮອງປະທານສະມາຄົມມິດຕະພາບລາວ
- Untitled design - ປະດັບຫລຽນໄຊແຮງງານໃຫ້ອະດີດປະທານ, ຮອງປະທານສະມາຄົມມິດຕະພາບລາວ

ຄະນະພົວພັນຕ່າງປະເທດສູນກາງພັກ ໄດ້ຈັດພິທີປະດັບຫລຽນໄຊແຮງງານໃຫ້ແກ່ບັນດາອະດີດປະທານ ແລະ ຮອງປະທານສະມາຄົມມິດຕະພາບລາວ ແລະ ຄະນະສັນຕິພາບ ແລະ ສາມັກຄີຂອງລາວ ຂຶ້ນໃນວັນທີ 29 ທັນວານີ້ ໂດຍສະຫາຍ ນາງ ສູນທອນ ໄຊຍະຈັກ ກໍາມະການສູນກາງພັກ, ຫົວໜ້າຄະນະພົວພັນດັ່ງກ່າວ ໄດ້ໃຫ້ກຽດປະດັບຫລຽນໄຊແຮງງານນີ້ທີ່ໄດ້ຮັບການມອບສິດຈາກນາຍົກລັດຖະມົນຕີ ແຫ່ງ ສປປ ລາວ ຄື: ມີ 11 ສະຫາຍ ໄດ້ຮັບຫລຽນໄຊແຮງງານຊັ້ນ I ແລະ 14 ສະຫາຍໄດ້ຮັບຫລຽນໄຊແຮງງານຊັ້ນ II ເພື່ອສະແດງຄວາມຮູ້ບຸນຄຸນ ແລະ ຍ້ອງຍໍຊົມເຊີຍຄຸນງຜົນງານທີ່ບັນດາສະຫາຍດັ່ງກ່າວ ທີ່ໄດ້ປະກອບສ່ວນສະຕິປັນຍາ, ເຫື່ອແຮງເຂົ້າໃນການເຄື່ອນໄຫວວຽກງານການທູດປະຊາຊົນຢ່າງຫ້າວຫັນ ແລະ ເປັນເຈົ້າການໃນການເສີມສ້າງສາຍພົວພັນມິດຕະພາບ ແລະ ການຮ່ວມມືກັບບັນດາອົງການມິດຕະພາບຂອງຕ່າງປະເທດແບບສອງຝ່າຍ ແລະ ຫລາຍຝ່າຍ ອັນໄດ້ເຮັດໃຫ້ບົດບາດຂອງປະເທດເຮົານັບມື້ສູງເດັ່ນຂຶ້ນໃນເວທີພາກພື້ນ ແລະ ສາກົນ, ເປັນເຈົ້າການຊຸກຍູ້ການຮ່ວມມືໃນຂົງເຂດເສດຖະກິດ, ການຄ້າ, ການລົງທຶນ ແລະ ວັດທະນະທຳ-ສັງຄົມມີປະສິດທິຜົນຍິ່ງໆຂຶ້ນ. ພ້ອມໄດ້ເປັນເຈົ້າການໂຄສະນາເຜີຍແຜ່ແນວທາງນະໂຍບາຍຂອງພັກ-ລັດ, ສະພາບຄວາມເປັນຈິງຂອງລາວຕໍ່ຕ່າງປະເທດ, ສ້າງຄວາມເຂົ້າອົກເຂົ້າໃຈລະຫວ່າງປະຊາຊົນລາວກັບປະເທດຕ່າງໆ ແລະ ທັງໄດ້ຍາດແຍ່ງເອົາການສະໜັບສະໜູນຊ່ວຍເຫລືອຈາກຕ່າງປະເທດເຂົ້າມາສ້າງສາພັດທະນາ ສປປ ລາວ ໄດ້ຫລາຍພໍສົມຄວນ ເປັນຕົ້ນທຶນຮອນໃນການກໍ່ສ້າງພື້ນຖານໂຄງລ່າງດ້ານການສຶກສາ, ສາທາລະນະສຸກ, ວັດທະນະທຳ-ສັງຄົມ ແລະ ອື່ນໆ ຢູ່ຫລາຍແຂວງຂອງ ສປປ ລາວ.

ໃນໂອກາດດັ່ງກ່າວ, ສະຫາຍ ນາງ ບົວວອນ ອ່ອນຈັນຫອມ ອະດີດຮອງປະທານສະມາຄົມມິດຕະພາບ ລາວ-ຫວຽດນາມ ໄດ້ຕາງໜ້າໃຫ້ບັນດາສະຫາຍທີ່ໄດ້ຮັບການຍ້ອງຍໍໃນຄັ້ງນີ້ ກ່າວສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງຕໍ່ພັກ ແລະ ລັດຖະບານທີ່ໄດ້ຕີລາຄາສູງຕໍ່ການປະກອບສ່ວນ ຂອງບັນດາສະຫາຍດ້ວຍການໄດ້ຮັບຫລຽນໄຊອັນສູງສົ່ງນີ້.

- Wave100S AD to Website 2020 0 - ປະດັບຫລຽນໄຊແຮງງານໃຫ້ອະດີດປະທານ, ຮອງປະທານສະມາຄົມມິດຕະພາບລາວ
- WhatsApp Image 2020 05 27 at 5 - ປະດັບຫລຽນໄຊແຮງງານໃຫ້ອະດີດປະທານ, ຮອງປະທານສະມາຄົມມິດຕະພາບລາວ
- WhatsApp Image 2020 05 27 at 5 - ປະດັບຫລຽນໄຊແຮງງານໃຫ້ອະດີດປະທານ, ຮອງປະທານສະມາຄົມມິດຕະພາບລາວ
error: Alert: ເນື້ອຫາຂ່າວມີລິຂະສິດ !!