ເປີດໂຄງການປ່ຽນປລາສຕິກປັນຄວາມຮູ້ ໃຫ້ນ້ອງນັກຮຽນເຂດຫ່າງໄກສອກຫລີກ

- IMG 1450 - ເປີດໂຄງການປ່ຽນປລາສຕິກປັນຄວາມຮູ້ ໃຫ້ນ້ອງນັກຮຽນເຂດຫ່າງໄກສອກຫລີກ
- Untitled design - ເປີດໂຄງການປ່ຽນປລາສຕິກປັນຄວາມຮູ້ ໃຫ້ນ້ອງນັກຮຽນເຂດຫ່າງໄກສອກຫລີກ

- KETH1630 300x200 - ເປີດໂຄງການປ່ຽນປລາສຕິກປັນຄວາມຮູ້ ໃຫ້ນ້ອງນັກຮຽນເຂດຫ່າງໄກສອກຫລີກ

ງານຖະແຫລງຂ່າວເປີດໂຄງການ (Vientiane Center Recycling Box ປ່ຽນປລາສຕິກປັນຄວາມຮູ້ໃຫ້ນ້ອງນັກຮຽນເຂດຫ່າງໄກສອກຫລີກ) ໄດ້ຈັດຂຶ້ນໃນວັນທີ 28 ທັນວາຜ່ານມານີ້ ທີ່ນະຄອນຫລວງວຽງຈັນ ໂດຍສູນການຄ້າວຽງຈັນເຊັນເຕີ ຮ່ວມກັບ ບໍລິສັດປານຄຳ ຈຳປາ ກຳຈັດ, ບໍລິສັດ ບິກບູ ລາວ ຈຳກັດ ແລະ ບໍລິສັດ ວົງພານິດ ເປັນຜູ້ດຳເນີນໂຄງການດັ່ງກ່າວ ດ້ວຍການຮັບບໍລິຈາກປລາສຕິກ 3 ປະເພດຄື: ປລາສຕິກໃສ, ປລາສຕິກຂຸນ ແລະ ກະປ໋ອງ ເພື່ອນຳເອົາປລາສຕິກ ດັ່ງກ່າວມາຫັນປ່ຽນໃຫ້ເປັນສິນຄ້າປະເພດຕ່າງໆ ແລ້ວນຳໄປຈຳໜ່າຍເພື່ອເປັນທຶນຊື້ປຶ້ມອ່ານມອບໃຫ້ນ້ອງໆຢູ່ໂຮງຮຽນເຂດຫ່າງໄກສອກຫລີກຕ່າງໆໃນຂອບເຂດທົ່ວປະເທດ, ຄາດວ່າໃນໄລຍະໂຄງການແຕ່ນີ້ເຖິງທ້າຍປີ 2021 ຈະໄດ້ປຶ້ມອ່ານປະມານ 1.000 ກວ່າຫົວ. ພ້ອມນີ້ຍັງຈະມີກິດຈະກໍາທີ່ກ່ຽວຂ້ອງ ເພື່ອລະດົມໃຫ້ສັງຄົມມີສ່ວນຮ່ວມໃນການປົກປັກຮັກສາສິ່ງແວດລ້ອມ, ຊ່ວຍຫລຸດຜ່ອນການນຳໃຊ້ຖົງຢາງ ປລາສຕິກ ແລະ ຄວາມສະອາດຂອງຕົວເມືອງອີກດ້ວຍ. ພ້ອມນີ້, ສູນການຄ້າວຽງຈັນເຊັນເຕີ ຍັງຈະຈັດກິດຈະກຳປຸກລະດົມຫລຸດຜ່ອນການນຳໃຊ້ຖົງປລາສຕິກທຸກໆວັນພຸດ (Vientiane Center Green Day) ວັນພຸດສີຂຽວ ຖ້າລູກຄ້າຜູ້ໃດຖືຖົງຜ້າມາຊື້ເຄື່ອງຈະໄດ້ຮັບຄະແນນສະສົມຄູນສອງເພື່ອແລກປ່ຽນເອົາສິນຄ້າ ແລະ ອື່ນໆ ຊຶ່ງຈຸດຮັບບໍລິຈາກປລາສຕິກດັ່ງກ່າວແມ່ນຢູ່ສູນການຄ້າວຽງຈັນເຊັນເຕີ, ບໍລິສັດ ບິກບູລາວ ຈຳກັດ ບ້ານສີຫອມ ແລະ ບໍລິສັດ ວົງພານິດ ທີ່ນະຄອນຫລວງວຽງຈັນ.

- Wave100S AD to Website 2020 0 - ເປີດໂຄງການປ່ຽນປລາສຕິກປັນຄວາມຮູ້ ໃຫ້ນ້ອງນັກຮຽນເຂດຫ່າງໄກສອກຫລີກ
- WhatsApp Image 2020 05 27 at 5 - ເປີດໂຄງການປ່ຽນປລາສຕິກປັນຄວາມຮູ້ ໃຫ້ນ້ອງນັກຮຽນເຂດຫ່າງໄກສອກຫລີກ
- WhatsApp Image 2020 05 27 at 5 - ເປີດໂຄງການປ່ຽນປລາສຕິກປັນຄວາມຮູ້ ໃຫ້ນ້ອງນັກຮຽນເຂດຫ່າງໄກສອກຫລີກ
error: Alert: ເນື້ອຫາຂ່າວມີລິຂະສິດ !!