ສະຫະພັນຣັດເຊຍ ປະດັບຫຼຽນໄຊມິດຕະພາບໃຫ້ລັດຖະມົນຕີກະຊວງປ້ອງກັນປະເທດ

- 133774642 4801473579927536 4904112370185284945 o - ສະຫະພັນຣັດເຊຍ ປະດັບຫຼຽນໄຊມິດຕະພາບໃຫ້ລັດຖະມົນຕີກະຊວງປ້ອງກັນປະເທດ
- Untitled design - ສະຫະພັນຣັດເຊຍ ປະດັບຫຼຽນໄຊມິດຕະພາບໃຫ້ລັດຖະມົນຕີກະຊວງປ້ອງກັນປະເທດ

ພິທີປະດັບຫຼຽນໄຊມິດຕະພາບຂອງສະຫະພັນຣັດເຊຍໃຫ້ແກ່ ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ໄດ້ມີຂຶ້ນໃນວັນທີ 29 ທັນວານີ້ ຢູ່ທີ່ສະຖານທູດສະຫະພັນຣັດເຊຍ ປະຈໍາລາວ, ໂດຍ ສະຫາຍ ກາລີນິນ ວາລາ ດີມີຣ ອານາເລຍວິກ ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງສະຫະພັນຣັດເຊຍ ປະຈໍາລາວ ໄດ້ຕາງຫນ້າລັດຖະບານປະດັບຫລຽນໄຊອັນຊົງກຽດດັ່ງກ່າວ.

ໃນພິທີ ທ່ານທູດໄດ້ມີຄຳເຫັນວ່າ: ການຍ້ອງຍໍອັນສູງສົ່ງໃນຄັ້ງນີ້ກໍເພື່ອສະແດງຄວາມຍ້ອງຍໍຊົມເຊີຍທີ່ທ່ານພົນເອກ ຈັນສະຫມອນ ຈັນຍາລາດ ໄດ້ອອກແຮງປະກອບສ່ວນເຂົ້າໃນການພັດທະນາການເປັນຄູ່ຮ່ວມຍຸດທະສາດ ແລະ ການຮັດແໜ້ນສາຍພົວພັນມິດຕະພາບລະຫ່ວາງສອງປະເທດ ຣັດເຊຍ-ລາວ ໃນຂົງເຂດການທະຫານ ເພື່ອແນໃສ່ຍົກສູງຄວາມອາດສາມາດດ້ານປ້ອງກັນຊາດໃຫ້ແກ່ກອງທັບນັບມື້ມີຄວາມທັນສະໄໝ ແລະ ພ້ອມນີ້ທ່ານ ພົນເອກ ຈັນສະໝອນ ຈັນຍາລາດ ກໍໄດ້ສະແດງຄວາມຂອບໃຈ ແລະ ຮູ້ບຸນຄຸນອັນເລິກເຊິ່ງຕໍ່ກະຊວງປ້ອງກັນປະເທດ ກໍຄືລັດຖະບານສະຫະພັນຣັດເຊຍ ທີ່ມີຕໍ່ລັດຖະບານລາວ ກໍຄືກະຊວງປ້ອງກັນປະເທດ. ພັກ ແລະ ລັດຖະບານຂອງສອງປະເທດເຮົາ ຖືສໍາຄັນຕໍ່ການເພີ່ມທະວີການພົວພັນຮ່ວມມືສອງຝ່າຍ ແລະ ຄວາມເຂົ້າໃຈເຊິ່ງກັນ ແລະ ກັນ ລະຫວ່າງສອງຊາດ-ສອງກອງທັບ. ໃນຊຸມປີຜ່ານມາ ສປປ ລາວ ແລະ ສະຫະພັນຣັດເຊຍ ໄດ້ສໍາເລັດໂຄງການມອບຮັບສູນເກັບມ້ຽນລົດຕັງ, ການຊ້ອມຮົບຮ່ວມລົດຕັງຣາໂລດ 2019 ຢູ່ແຂວງຊຽງຂວາງ, ໂຄງການເກັບກູ້ລະເບີດເພື່ອມະນຸດສະທໍາ, ການຟື້ນຟູການນໍາໃຊ້ສະໜາມບິນທົ່ງໄຫຫີນ ແຂວງຊຽງຂວາງ, ຮັບຊ່ຽວຊານ ແລະ ສ້າງຕັ້ງຫ້ອງການຜູ້ຕາງໜ້າດ້ານປ້ອງກັນຊາດປະຈໍາຢູ່ ສປປ ລາວ ເພື່ອຊ່ວຍພັດທະນາກອງທັບປະຊາຊົນລາວໃຫ້ນັບມື້ມີຄວາມເຂັ້ມແຂງ ແລະ ທັນສະໄໝທຽບທັນກັບບັນດາປະເທດໃນພາກພື້ນຢ່າງມີປະສິດທິພາບສູງ ແລະ ເຊື່ອໝັ້ນວ່າ ການພົວພັນຮ່ວມມືທີ່ເປັນມູນເຊື້ອລະຫວ່າງ ສປປ ລາວ ແລະ ສະຫະພັນຣັດເຊຍຈະກ້າວເຂົ້າສູ່ລວງເລິກ ແລະ ແຕກດອກອອກຜົນຢ່າງບໍ່ຢຸດຢັ້ງ.

- Wave100S AD to Website 2020 0 - ສະຫະພັນຣັດເຊຍ ປະດັບຫຼຽນໄຊມິດຕະພາບໃຫ້ລັດຖະມົນຕີກະຊວງປ້ອງກັນປະເທດ
- WhatsApp Image 2020 05 27 at 5 - ສະຫະພັນຣັດເຊຍ ປະດັບຫຼຽນໄຊມິດຕະພາບໃຫ້ລັດຖະມົນຕີກະຊວງປ້ອງກັນປະເທດ
- WhatsApp Image 2020 05 27 at 5 - ສະຫະພັນຣັດເຊຍ ປະດັບຫຼຽນໄຊມິດຕະພາບໃຫ້ລັດຖະມົນຕີກະຊວງປ້ອງກັນປະເທດ
error: Alert: ເນື້ອຫາຂ່າວມີລິຂະສິດ !!