ແຂວງສະຫວັນນະເຂດປະກາດຈົບຊັ້ນມັດທະຍົມຕົ້ນບຳລຸງ

- WhatsApp Image 2020 12 30 at 11 - ແຂວງສະຫວັນນະເຂດປະກາດຈົບຊັ້ນມັດທະຍົມຕົ້ນບຳລຸງ
- Untitled design - ແຂວງສະຫວັນນະເຂດປະກາດຈົບຊັ້ນມັດທະຍົມຕົ້ນບຳລຸງ

ພິທີປະກາດຈົບຊັ້ນມັດທະຍົມສຶຫສາຕອນຕົ້ນບໍາລຸງທົ່ວແຂວງສະຫວັນນະເຂດ ໄດ້ມີຂຶ້ນໃນຕອນເຊົ້າວັນທີ 29 ທັນວານີ້ ທີ່ຫໍວັດທະນະທໍາໄກສອນ ພົມວິຫານ ໂດຍການເຂົ້າຮ່ວມຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ພ້ອມດ້ວຍຄູ-ອາຈານ, ຜູ້ບໍລິຫານການສຶກສາຂັ້ນຕ່າງໆ ເຂົ້າຮ່ວມເປັນຈຳນວນຫລາຍ.

- 133622286 747152696217551 7147790079941518639 n 300x282 - ແຂວງສະຫວັນນະເຂດປະກາດຈົບຊັ້ນມັດທະຍົມຕົ້ນບຳລຸງ

ໃນພິທີ, ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງສະຫວັນນະເຂດ ທັງເປັນຫົວໜ້າພະແນກສຶກສາທິການ ແລະ ກິລາແຂວງ ໄດ້ລາຍງານໃຫ້ຮູ້ວ່າ: ເພື່ອເຮັດໃຫ້ປະຊາຊົນໃນເກນອາຍຸ 15-35 ປີມີລະດັບການສຶກສາຈົບຊັ້ນມັດທະຍົມຕອນຕົ້ນຢ່າງໜ້ອຍ 90% ຂຶ້ນໄປ ຊຶ່ງປັດຈຸບັນທົ່ວແຂວງມີປະຊາກອນໃນເກນອາຍຸດັ່ງກ່າວຫລາຍເຖິງ 344.746 ຄົນ, ໃນນັ້ນ ມີຍິງ 169.144 ຄົນ ແລະ ມີຜູ້ຮຽນຈົບຊັ້ນມັດທະຍົມຕອນຕົ້ນສາຍສາມັນແລ້ວ 305.800 ກວ່າຄົນ, ສ່ວນກຸ່ມເປົ້າໝາຍທີ່ຈະຕ້ອງເຂົ້າຮຽນບຳລຸງຕື່ມອີກ 26.700 ກວ່າຄົນ, ຍິງ 12.915 ຄົນ ແລະ ມາຮອດປັດຈຸບັນ ສະເລ່ຍແລ້ວທົ່ວແຂວງສາມາດຮຽນຈົບຊັ້ນມັດທະຍົມຕອນຕົ້ນບຳລຸງ 95,41%.

- 134549189 747152802884207 4611964406096053685 n 300x225 - ແຂວງສະຫວັນນະເຂດປະກາດຈົບຊັ້ນມັດທະຍົມຕົ້ນບຳລຸງ

ໃນພິທີກໍໄດ້ມອບໃບຢັ້ງຢືນຈົບຊັ້ນມັດທະຍົມສຶກສາຕອນຕົ້ນບຳລຸງທົ່ວແຂວງສະຫວັນນະເຂດຢ່າງເປັນທາງການ ໂດຍທ່ານລັດຖະມົນຕີກະຊວງສຶກສາທິການ ແລະ ກິລາ, ພ້ອມໄດ້ປະດັບຫຼຽນໄຊ ແລະໃບຍ້ອງຍໍຂັ້ນຕ່າງໆ ໃຫ້ບຸກຄົນ ແລະ ກົມກອງທີ່ມີຜົນງານດີເດັ່ນໃນການປະກອບສ່ວນເຂົ້າໃນຂະບວນການຮຽນ-ການສອນຈົບຊັ້ນມັດທະຍົມຕອນຕົ້ນບຳລຸງທົ່ວແຂວງໃນໄລຍະ 5 ປີຜ່ານມາ (2015-2020)  ໃນນີ້ໄດ້ມີການປະດັບຫຼຽນໄຊແຮງງານຊັ້ນ I ໃຫ້ 24 ທ່ານ, 1 ກົມກອງ, ຫຼຽນໄຊແຮງງານຊັ້ນ II ມີ 87 ທ່ານ, 8 ກົມກອງ, ຫຼຽນໄຊແຮງງານຊັ້ນ III ມີ 130 ທ່ານ, 13 ກົມກອງ ແລະ ຫຼຽນກາແຮງງານ  202 ທ່ານ ກັບ 17 ກົມກອງ ແລະ ໄດ້ມອບໃບຍ້ອງຍໍຂັ້ນຕ່າງໆເປັນຈຳນວນຫລາຍ.

- Wave100S AD to Website 2020 0 - ແຂວງສະຫວັນນະເຂດປະກາດຈົບຊັ້ນມັດທະຍົມຕົ້ນບຳລຸງ

- 133767707 747152729550881 5876237165744933861 n 300x180 - ແຂວງສະຫວັນນະເຂດປະກາດຈົບຊັ້ນມັດທະຍົມຕົ້ນບຳລຸງ

ໃນໂອກາດນີ້, ກໍໄດ້ຮັບຟັງການໂອ້ລົມໃຫ້ທິດຊີ້ນຳຕໍ່ວຽກງານການພັດທະນາການສຶກສາຂອງແຂວງສະຫວັນນະເຂດຈາກທ່ານ ນາງ ແສງເດືອນ ຫຼ້າຈັນທະບູນ, ຈາກນັ້ນກໍໄດ້ຮ່ວມກັນລັ່ນຄ້ອງ 9 ບາດ ແລະ ເປີດປ້າຍແຂວງສະຫວັນນະເຂດເປັນແຂວງຈົບຊັ້ນມັດທະຍົມຕອນຕົ້ນບຳລຸງຢ່າງເປັນທາງການ.

- WhatsApp Image 2020 05 27 at 5 - ແຂວງສະຫວັນນະເຂດປະກາດຈົບຊັ້ນມັດທະຍົມຕົ້ນບຳລຸງ
- WhatsApp Image 2020 05 27 at 5 - ແຂວງສະຫວັນນະເຂດປະກາດຈົບຊັ້ນມັດທະຍົມຕົ້ນບຳລຸງ
error: Alert: ເນື້ອຫາຂ່າວມີລິຂະສິດ !!